رد: السادة ملاك اسبرانزا الكرام .. الإجابة عن إستفساراتكم الفنية
 

استاذى العزيز احب اوضح لحضرتك عدة اشياء ممكن تكون غابت عن ذهنك وهى
بتشخص بكل سهوله من غير حتى ما تدى اكتر من احتمالية ههههههههه والله باشا
دى بكل سهولة لانى بقالى اكتر من 4 سنين اعمل فى توكيل هذة السيارة فقط وبالتالى يوجد عندى المشاكل وحلولها من كتر تجربة السيارة ومن نفس الشكاوى المتكررة لعدة سيارات مختلفة فاصبح الشكوى معروفة ومعرف طريقة الحل

وبعدين ازاى بتقول انها عربية كويسة وهى شوية مشاكل صغيرة المفروض انها سيارة جديدة زيرو
انا معاك طبعا انها عربية جديدة بس تعالى نلقى نظرة على ما تملكة السيارة من امكانيات والسعر كام
طبعا هنا لازم نعرف ان تم تعويضها فى الخامات المستخدمة لان السيارات الاسبرانزا لا ينقصها اى تحديث من حيث الامكانيا والانظمة الموجودة للحماية فى الفرامل ومانع الازنلاق وكذا حاجة واقل سيارة فى السوق لا يوجد بها 1/4من هذا والسعر اعلى بحوالى 5 الاف جنيها
كل هذا لم يترك لك مجال لمعرفة ان تم تعويض السعر فى الخامات المصنعة منها السيارة

انا بصراحة مش داخل عليا الموضوع كله
لو حضرتك متخيل انى بدافع عن الوكيل انا تركت الوكيل ابتداء من اول شهر 5

وبشكر حضرتك على المشاركة

رد: السادة ملاك اسبرانزا الكرام .. الإجابة عن إستفساراتكم الفنية
 

العفو انا مش اقصد بس مستغرب ازاى بتعرف الحل كدة بسرعة من غير حتى ما تسأل علشان تعرف تشخص من فين السبب لان زى ما انت عارف لكل مشكله عدة اسباب علشان اقدر احدد السبب الرئيسى للمشكله العادة انى بحاول اعرف بالتفاصيل عوامل اخرى بصراحة انا شايف دة نوع من الاعجاز اللى انت بتعمله دة وتقبل تحياتى

رد: السادة ملاك اسبرانزا الكرام .. الإجابة عن إستفساراتكم الفنية
 

على كل الاحوال يا بشمهندس انا كنت عايز تقييم منك للسيارة الاسبرانزا الجديدة ام 11 بدون تحيز من حيث الاداء عن تجربة
بعدين انت شايف ايهما افضل البريلانس سبلندرو او ام 11 وتقبل تحياتى

رد: السادة ملاك اسبرانزا الكرام .. الإجابة عن إستفساراتكم الفنية
 

بصراحة انا متحيز جدا لل ام11 وانا هؤلك على الى فيها بدون تحيز وعلى فكرة مش فى كل السيارات ولكن الاغلب يوجد بها

1 تصقيفة بالمحرك
ودة الى احنا عرفناة ايام التوكيل ان المتور يقبل بنزيل 93 اوكتان فما اعلى ودى الاسباب الى وصلتلنا

2 صوت من الزجاج فى الصعود والهبوط (تخبيط )
دة سببة ان مجرى الزجاج اوسع من الزجاج نفسة وبالتالى غير محكم فيحدث ارتجاج وخبط فى الصعود بالاخص

طبعا انا بحب ام 11 اكثر
والبريلاينس سيارة جميلة بس بردو يوجد بها عيوب تقفيل وصناعة + ان قطع الغيار اغلى وغير منتشرة

رد: السادة ملاك اسبرانزا الكرام .. الإجابة عن إستفساراتكم الفنية
 

ازاى فيها عيوب تقفيل وتصنيع ممكن توضح اكتر هى تقفيل المصنع الام مش مصرى واية بالضبط العيب الشائع فيها علما انها من وجهة نظرى تتفوق من ناحية الجودة على الاسبرانزا على الاقل مفيش ايد مصرية لمستها
كان فى سؤال اخر ممكن اعرف نسبة انضغاط السيارة الام 11 كم ؟

رد: السادة ملاك اسبرانزا الكرام .. الإجابة عن إستفساراتكم الفنية
 

على فكرة الاسبرانزا عربية مش وحشة المنتجة او بمعنى اصح المجمعة محليا واللى داخل فيها مكونات محلية هى الرديئة لكن شيرى مش غبية علشان تنتج سيارات معيبة وعيوب اية حلها سهل زى الكاوتش والاصوات لانها مشاكل كدابة مش نتيجة عيوب فنية لكن ردئة تصنيع وتجميع

رد: السادة ملاك اسبرانزا الكرام .. الإجابة عن إستفساراتكم الفنية
 

السلام عليكم
على فكرة يا جماعة ممكن الناس اللي بتقرأ المشكلات اللي انا كتبتها في الفقرة بتاعتي عن العربية A113 تفتكر أن العربية خردة و ان ازاي الواحد مستحمل اتلعيوب دي و هي عربية زيرو.
لأ و الله العربية حلوة و أحسن من المستعمل بس هو الموضوع إن انا كتبت كل الملاحظات اللي انا شايفها في العربية بس الحاجات دي مش تاعباني نفسيا بالدرجة اللي كان متصورها الأخ Sheekoo لكن لو الحاجات دي اتظبطت هكون في غاية السعادة لأن انا مقتنع تماما أن مافيش أي شيئ بيفضل على حاله من ساعة مالواحد بيشتريه لا بد ان يكون في كل يوم فيه نقصان حتى لو كنا مش بنلاحظه و هي دي سنة الحياة لكن الأهم بأه ان الحاجات دي نقدر نتداركها في وقتها و مانسبهاش لغاية ما تتزايد و تقضي على المنتج اللي احنا اشتريناه ايا كان. خصوصا أننا بالنسبة مثلا للإسبيرانزا نعتبر اشترينا منتج اقل في سعره كثيرا من نظيرها في السوق المصري مع وضع في الإعتبار الكماليات بتاعتها لأن الفرق في الحالة دي مش هيقل عن (من 10 الى 15 الف جنيه) فلو احنا حافظنا على العربية و أول بأول نسعى لتلافي أي مشكلة فيها فإحنا اللي كسبانين في الآخر مع وضع في الإعتبار أن حتى العربيات الغالية ساعات بيظهر فيا مشاكل غريبة رغم انها زيرو.
هذا فقط للإيضاح و ربنا يبارك لكل واحد في عربيته لأنه في الآخر دافع فيها الفات و الفلوس زي ما إحنا عارفين مش بتيجي بالساهل و ماحدش بيحب يرمي فلوسه في الأرض إلا لو كان مش تعبان فيها.
و أرجو ان الناس المسئولين عن التوكيلات يكونوا بيتابعوا حواراتنا دي و يتقوا الله فينا لأن مافيش حاجه في الدنيا تساوي أن واحد يكون شقيان في فلوسه و يظلموه يقوم يرفع ايده و يدعي عليهم و اكيد ربنا بيستجيب.
و شكرا