مصر موتورز مجتمع السيارات - رأى فى الساجا واللوجان وطلب نصيحه

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - رأى فى الساجا واللوجان وطلب نصيحه (https://www.masrmotors.com/vb/showthread.php?t=20088)

رد: رأى فى الساجا واللوجان وطلب نصيحه

اقتباس:

المشاركة الأصلية كتبت بواسطة محمد سرور (المشاركة 421940)

على مهلك بس براحة احمد ربنا ان عربيتك مريحاك انا كل الناس اللى اعرفهم بيشتكوا من اللوجان ووالله الساجا تكسب ومش هخش معاك فى مقارنات ازاى ولية علشان شكلك متعصب وهتقوللى تعالى السويس وانا من قليوب ومش قد مشوارك هههههههههه

يبقى خايف او حضرتك مش سويق وفين الناس اللى بتشتكى من اللوجان ده الناس بتكتب فيها شعر

ولازم يلاقوا مشاكل لان اللى صنع العربيه دى انسان وليس ملاك فلازم يكون فى تفاوت فى حاجات بس التفاوت غير جوهريه بالمره زى واحد وانا كنت منهم بقول صوت الماتور عالى تعالى سوا ونحرق على غيار واسمع النعره الرياضيه اللى فيه بعد 4 اربى ام وشوف اللوجان يا عم

وانا اساسا بحب الساجا مش بكرهها يعنى بس مش زى اللوجان وصدقنى انا بحمد ربنا على اللوجان لان كل جنيه ادفع فيها حلال حلال حلال

رد: رأى فى الساجا واللوجان وطلب نصيحه

لا حول ولا قوة الا بالله

زمان صاحب الموضوع راح اشترى 128 oO

Re: رأى فى الساجا واللوجان وطلب نصيحه

اقتباس:

المشاركة الأصلية كتبت بواسطة ada7 (المشاركة 132832)

فى البدايه انا ما سقتش أى عربيه منهم بي كلامى هيكون على الللى أنا شفته فعلا
1. شكل البروتون بيوحى انها عربيه صغيره على عكس الواقع من جوه العربيه, اللوجان شكلها واسع وهى فعلا واسعه جداً .
2. تنجيد الكراسى حلو فى الاثنين .
3. التبلو فى الساجا زباله بس مش زفت زى ما انا كنت متخيل اللى صمم العربيه زود قوى فى استخدام البلاستك السيئ بس استخدم برده بلاستك من المستخدم فى الافيو , اللوجان تبلو عادى مش فخم بس لو قورن بالساجا يبقى فخم
4. حد بص على المكان اللى بيخش مفتاح العربيه فيه (الكونتكت) هتحس انه من خامات رخيصه جدا. اللوجان عادى.
5. الابواب مستخدم فيها بلاستك زباله فى الساجا معقول فى اللوجان والحديده اللى بيمسك فيها باب الساجا زباله.
6. فتحات التكيف فى الساجا صغيره ومفاتيح التكيف صغيره تحس انها عربيه لعبه , اللوجان تكيفها مش مريح وسمعة تكيف الرينو زفت فى الاشارات
عاوز اشترى واحده من الاثنين ومحتار جداً شكل اللوجان احلى واوسع بس ماتور الساجا اقل استهلاك للبنزين وبيعطى نفس الكفاءه
فياريت كل واحد يرشح عربيه ويقول السبب
بلاش يعرضلى المميزات والعيوب وبعدين يقلى اختار لا انا عاوز يختار عربيه ويقول ليه

السلام عليكم انا مش هطول عليك
كل اللى عايز اقولهولك انا مختلف معاك انا التابلوه والباب ووووو فى الساجا من خامات زفت
بالعكس خامات التابلوه وشكله تحفه بالنسبه ليا
انا من ملاك الساجا والحمد لله بحمد ربنا انه هدانى ليها لكن انا اساسا مفكرتش كتير زيك كده لانى اساسا من محبى بروتون من زمان وان شاء الله لما ربنا يسهل بمبلغ بعد طبعا حوالى 7 او 8 سنوات على الاقل عايز اكبرها شويه واجيب الجين تو او فئه جديده تكون ظهرت ايامها ان شاء الله بروتون برضه
وشكرً

رد: رأى فى الساجا واللوجان وطلب نصيحه

بالطبع رينو لوجان
معايا اللوجان من مارس 2010 ومشيت 49 الف كيلو تقريبا
والعفشة والموتور والكهرباء كلهم زى الفل وكأنى شاريها النهاردة
سعرها على قد الايد وبتستحمل الحمولة التقيلة سواء افراد او شنط وقت الرحلات
واسعة من الداخل ومريحة تماما ,, كرسى السائق مريح ايضا وبيعلى ويوطى
موفرة فى البنزين وبتستهلك تقريبا 8 لتر لكل 100 كيلو
عالية عن الأرض وهو اكثر ما يميزها عن باقى السيارات كفاية انك تبقى ماشى وشايف اصحاب الفيرنا واللانوس والالنترا والكورولا واللانسر ماشيين فاضيين وبيعدوا المطبعات بالجنب وانت داخل محمل وماشى بوشك وفدائى
اللوجان افضل من اى عربية فى فئتها السعرية

رد: رأى فى الساجا واللوجان وطلب نصيحه

اقتباس:

المشاركة الأصلية كتبت بواسطة Mohamed Magdy (المشاركة 482364)

العربية ممتازة بالنسبة لفئتها السعرية ... يعيبها فقط إنه مفيش منها أوتوماتيك
فعلاً لو كان نزل منها أوتوماتيك كانت المنافسة هتبقى أشرس من كده مع الساجا

رد: رأى فى الساجا واللوجان وطلب نصيحه

لو عايز عربيه باعلى قيمة مقابل الفلوس هختار الساجا لو عايز عربيه منتشره اكتر واعادة البيع اسهل شوية هجيب اللوجان

بس بجد بجد الاتنين فى رائى عربيات فاشله لان اسعار قطع غيارهم مازالت خارج نطاق شرائحهم السعرية

وبصراحة اللى هيقعد يدور على شكل التابلوه وبلاستيكة المش عارف ايه فى عربيه تحت 80 - 90 الف وفى بلد الجمارك فيها بتبعتبر ال ABS والايرباج عوامل رفاهيية هيتعب كتير اوى

لان الكماليات والخامات ديه مكانها فئات سعريه تانية او نفس الفئات السعريه بس مع جمارك تانية ولكى الله يا مصر

رد: رأى فى الساجا واللوجان وطلب نصيحه

اقتباس:

المشاركة الأصلية كتبت بواسطة AboNoRa (المشاركة 482893)

أولاً: كل سنة و حضرتك طيب
ثانياً: العربيتين فيهم نفس عيب غلو قطع الغيار وده نتيجه غباء سياسات التسويق لدى الوكلاء ... بس مش لدرجة إن العربيتين يبقوا فاشلين
اللى مخليهم كده عدم إنتشارهم و حداثتهم مما أدى لقلة وجود قطع الغيار إستيراد أو خارج التوكيل سواء أصلى أو تقليد
بس بالنسبة لأسعار التوكيلات فمثلاً فانوس الساجا الخلفى ب 560 جنية و على ما أعرف أن فانوس الفيرنا الخلفى ب 450 جنية بس موجود بره التوكيل بأسعار أقل لغاية 90 جنية وهو ده الفرق:w6w2005041122063463