رد: تجربة قياده نيسان صني سوبر صالون 2010
 

مودرن موتورز كدابين قالوا هاتغلى و الحق احجز و سربعوني و في الاخر اشتريت من السبع بعرض اقل 1500 جنيه مع كوبونات صيانه بالف جنيه
على العموم ما تقلقش و السبع بيديك العربيه و انت واقف وا حسن من مودرن

quote=Antony;159096]شكراً على الموضوع د. مجمد
أنا حجزت نيسان صنى 2010 و لسه معرفش شكلها و خايف حد يضحك عليا و قالولى إن فى حاجات بتنزل هديه مع العربيه دى زى الباركنج سينسور و الفرش الجلد و بيقولوا كمان فى منها خليجى و فى مصرى و أنا معرفش برضه إيه الفرق , أنا إضررت أحجز بسرعه لأنهم فى مودرن موتورز قالولى هاتغلى و قالولى إنهم وكيل و الناس بتقول كمان إنه الواحد لازم يفاصل مع بتوع المبيعات فى الأماكن دى - إيه رأى حضرتك فى الكلام ده؟[/quote]

رد: تجربة قياده نيسان صني سوبر صالون 2010
 

الف مبروك يا دكتور محمد ويا رب تشوف خيرها ويبعد عنك شرها
اولا السياره ما شاء الله عليها انا طالب منك بس طلب رفيع عاوز اعرف هى بتستهلك بنزين كتير ولا لا بس الموديل بتاع 2010 لان انا عندى سياره نيسان صنى 2008 وهى فيها كل اللى انت بتقوله بس بتاكل بنزين بطريقه مش كويسه واستهلاكهاللبنزين كبير
وما تقلقش من حوار العداد والعلامه بتاعه odo دى بتدل فعلا على عدد الكيلو مترات بس حضرتك فى حوالى 3 عدادات حاجه بعد odo لما تدوس على الزر اللى على العداد مره وده اول عداد تقدر تفضل مثبت ايدك على الزر وتصفره علشان تعرف انت النهارده مثلا هتعمل كام كيلو ولو دوست كمان دوسه على نفس الزر هتلاقى عداد ثالث وممكن مثلا تصفره علشان تعرف انت عملت كام كيلو لغايه الجامعه بس مش اليوم كله وترجع تصفره تانى وبكده يبقى عندك عدادين بتقدر تصفرهم براحتك غير بقى العداد الاساسى مش بيتصفر ده بيبقى مع عمر العربيه اللى عنده علامه odo علشان لما تيجى تبيعها ان شاء الله الزبون يعرف انت مشيت اد ايه وده كان تعليقى على العداد اكيد قراءات العدداد اللى حضرتك كاتبها فيها اخطاء لانك لعبت فى الزرار اللى على العداد من غير ماتاخد بالك وشكرا للموضوع الجيل وارجو الرد فى موضوع البنزين

رد: تجربة قياده نيسان صني سوبر صالون 2010
 

الف مبروك ربنا يباركلك فيها

رد: تجربة قياده نيسان صني سوبر صالون 2010
 

رد: تجربة قياده نيسان صني سوبر صالون 2010
 

مبروك عليك ربنا يعطيك خيرها ويجنبك شرورها
على فكره انت حتكون دليلى لانى عاوز أشترى نيسان بس متردد شويه فلو عجبتك قولى وانا حاخد كلامك ثقه واشترى على طول اخوك( معاذ)

رد: تجربة قياده نيسان صني سوبر صالون 2010
 

مبروك يا مان بس أنا عاوز أقولك معلومة صغيرة لآن نفسك تجيب الكرولا ، لازم تعرف أن النيسان أقوى من الكرولا بمراحل ودرجة الثبات على الأرض أقوى بمراحل ، يوجد عميل عندى أسمه علاء عنده الكرولا وكان جاى من الأسكندرية والدنيا كانت مطر شديد ما كانش عارف يجيب السرعة 40 العربية كانت بتعوم منه لدرجة أنه وصل من الأسكندرية للقاهرة فى 6 ساعات وقال لى الصنى برقبتها والله شاهد على ما أقول

رد: تجربة قياده نيسان صني سوبر صالون 2010
 

أولا الف مبروك العربية وربنا يحفظك ويحفظهالك ويكفيك شرها. ثانيا أنا ساكن فى أكتوبر وفعلا المشاوير دى فى حدود 200 كم. ثالثا oDo اختصار Odometer ودة معناة عداد قياس المسافات اللى العربية مشيتها.