مصر موتورز مجتمع السيارات - استفسر عن دهان سيارتك !!!!!!!

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - استفسر عن دهان سيارتك !!!!!!! (https://www.masrmotors.com/vb/showthread.php?t=103983)

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة أيمن الروبي (المشاركة 817228)

فيه معلومه يا جماعه احب اضيفها انهارده الا وهي :-

في مشكله تواجه الشباب من الجنسين ممن يمتلكون سيارات زيرو ولم يسبق دهانها من قبل واصبح بها بعض الخرابيش والخبطات ويتركونها مشوهه بحجة ان البويه تفضل فبريكا
نقولهم طب ماتدهنوا العربيه وبرده هتفضل فابريكا طب ازاي

هنا بقي يفرق الصنايعي التعبان من الصنايعي البروفشنال

الصنايعي التعبان يعمل ايه

بيمعجنلك القطعه كلها مثلا الكابوت كله او الباب كله والخ وبعد كده يبطن العربيه كلها بالفلر وبعد كده يرش البويه وبالتالي لما حضرتك تيجي تبيع العربيه وييجي اللي هيشتريها يروح مخربش حته بآله حاده في ايديه علشان يتأكد انها فابريكا يبص يلاقي ظهر من الخربوش معجون وفلر تحتيها وبالتالي يقولك دي مش قابريكا ومرشوشه وشكلها واخده خبطه جامده

الصنايعي المحترف يعمل ايه

ييجي علي المكان اللي فيه خبطه او خربشه ويمعجنه علي قده ويبطن علي اده وبقيت القطعه ماينجيش جنبها غير انه يخدها صنفره خفيفه علشان البويه الجديده تمسك عليها
وبعدين
في حالة ان البويه ساده مش ميتالك بيرش القطعه كلها
ولو البويه ميتالك يرش الخبطه او الخربشه علي قدها والقطعه كلها يديها ورنيش
وبالتالي لما ييجي حد يخربش العربيه يأي اله حاده هيلاقي الصاج ظهر معاه ولا أثر لمعجون ولا بطانه
وبالتالي العربيه فابريكا ولم تهان ولم يحدث لها حوادث

أدعو لي و لأسرتي بالصحه والستر دنيا و آخره

شكرا على الافادة

رد: استفسر عن دهان سيارتك !!!!!!!

اقتباس:

استاذي الفاضل اولا اللون الفضي كده كده ميتالك اما اللون الازرق فحضرتك بتختاره اما ميتالك او ساده يعني علي مزاجك انت مش علي مزاج الصنايعي والمفروض قبل ماتروحلو بتبقي مستقر علي الالوان وبالنسبه لقيمة الدهان 1800ج مبلغ الراجل كرمك فيه اوي مع الاخذ في الاعتبار ان العربيه هتترش 3 الوان في 3 مرات مره الدواخل اسود ومره الازرق ومره الفضي
وانا لو اخدت من حضرتك المبلغ ده مش هينفع استخدم غير الاوميجا والشائع في السوق
ولتر البويه الساده ب 130 جنيه ولتر البويه الميتالك بالورنيش 230 جنيه ده غير البطانه والمعجون معرفش الصنايعي بتاعك عنده فرن ولا لأ ولو معندوش تأجير فرن 3 مرات بحد ادني 70 جنيه في المره
وسواء هيرش الاجناب الاول او السطحي مش هتفرق بس لازم يكون سايب 24 ساعه كامله بينهم

اشكرك جدا يا استاذ ايمن على مجودك الكبير معانا
انا متفق مع الصنايعي على مونة ومصنعية كالتالي
مصنعية 1000 جنيه
والخامات التالية
3علبة معجون 2000 90
2 علبة فيلر بطئ 70
جركن تنر 5 لتر 45
1 ك دوكو اسود وربع ورنيش 25
جالون شيش لوك 35
فرن مرتين 150
كيلو و نصف ميتاليك اوميجا بالورنيش 300
كيلو وربع ارضية ميتاليك 120

مع ملاحظة التالي
انا جيب البابين والاربع رفارف استيراد حالتهم ممتازة هو خشن البوية اللى فيهم فقط
والسقف كمان خشن البوية اللى فيه
والعربية جياله من السمكري الكبوت والشنطة وحتتين صغيرين من الجنب محروقين على الصاج
وهو قايلي انه هيدهن الدواخل والصالون عنده فى الورشة يعنى هيدخل العربية الفرن مرتين مش ثلاثة
فرأي حضرتك ايه في الخامات واسعارها لانه مصمم يشتريها بنفسه

رد: استفسر عن دهان سيارتك !!!!!!!

وكنت عايز اخد رأى حضرتك في حاجة تانية
لو انا عملتها لون واحد فضي ميتاليك برة وجوة بحيث انها تدخل الفرن مرة واحدة
فالعربية بتعتى تاخد اد ايه بوية برة وجوه مع العلم ان العربية بيتلز
وكنت عايز اسأل حضرتك على كود اللون الفضي المنتشر الايام دى اللي شبه الالومنيوم وبيلمع اوى عن الفضي المعتاد
وايه نوع البوية الاحسن من الاوميجا ويكون سعرها متوسط

انا تاعبك معايا يا استاذ ايمن
ربنا ينعم عليك بالصحة والستر والرزق الوفير

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة smsmxxxxxx (المشاركة 817613)

من الافضل ان الصنايعي هو اللي يجيب المون مش حضرتك هتبقي نفسيته مرتاحه اكتر في الشغل وغير كده هتلاقيه بيتصل بيك كل شويه يقولك هتلي كذا وكذا وغير كده ساعات الصنايعي لو تمام بيحاول يعمل خليط بين انواع البويه والورنيش بحيث ميكونش البويه والورنيش اوميجا كلهم وكمان علشان لاقدر الله حاجه حصلت ساعة الرش واحتاج مون تاني متدبس انت فيها ومتخلهوش يجيبلك ورنيش اوميجا علشان بيصفر مع الوقت وفي الشمس
ولو العربيه كلها فضي ممكن تخش في 2.5 لتر بويه + 2.5 لتر ورنيش
وبالنسبه لرقم اللون عند تاجر البويه خد كتالوج الوان فولكس الجديد واخترلك لون فضي من عليه علشان يليق عليها
وفي ملحوظه تانيه جالون الشيش لوك متجبوش علشان الجوالين خامتها وحشه هات العلب الكيلوهات انضف هتله 3 او اربع علب بس مش فاكر اسم نوع كويس ممكن نوع اسمه ميدو
وربنا يعينك عليها

رد: استفسر عن دهان سيارتك !!!!!!!

انا كنت عايز اعرف ازاي اعرف ان العربية مرشوشة او فابريكة ؟؟؟

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة sherifabden (المشاركة 817783)

انا كنت عايز اعرف ازاي اعرف ان العربية مرشوشة او فابريكة ؟؟؟

الصنايعي يعرفها اول مايبص عليها اما بقي لو واحد خبرته عاديه يبص علي العربيه نظره كده لو لقي في صدأ باين علي اماكن في العربيه سقف كابوت باب يبقي القطعه دي مرشتش او يخربش بآله حاده لو ظهر الصاج علطول يبقي مرشتش انما لو ظهر بطانه ومعجون يبقي رشت وبيبان علي العربيه وكمان في حاجه اسمها البنط
اللي هي بتربط الشفف مع بعض او يعني مكان اللحمات بتاعت الفابريكه عباره عن دواير صغيره علي شفف الببان والشفف في الحوض من جوه
وفي برده مؤشرات تانيه بتختلف من عربيه للتانيه وسواء موديل حديث او قديم

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة أيمن الروبي (المشاركة 817767)

الافضل ان الصنايعي هو اللي يجيب المون مش حضرتك هتبقي نفسيته مرتاحه !! ويتحمل المسؤلية والنتيجة بالكامل !
سوقسوقسوقسوقسوقسوق