|
رد: شد 128 سمكرة ودوكو وسروجي بالاسعار
اقتباس:
ما فيش مضايقة ولا حاجة ان شاء الله الموضوع كله اننا بنتبادل وجهات النظر مع بعض من غير اي زعل وكله بيحترم راي الاخر وبخصوص قريبك فعلا هي مش فارقة معاه علشان كده اتخلص منها مش باعها هي كانت تجيب اكتر من كده وهقولك على حاجة مش هتصدقها وانا نفسي لو ما كنتش شوفت الموضوع ادامي مكنتش هصدق ليا واحد صاحبي كان معاه 128 موديل 85 تعرف باعها بكام باعها بـ 32 الف جنيه والناس اللي اشتروها كانوا بيتحايلوا عليه وهو مكنش راضي يبيع لكن احنا ضغطنا عليه لحد ما وافق بس العربية كانت تحفة ومصروف عليها بجد فالبيع والشراء ده نصيب وما فيش اي مضايقه ولا حاجة والاختلاف في الرأي لا يفسد للود قضيه تقبل تحيتي |
رد: شد 128 سمكرة ودوكو وسروجي بالاسعار
ايه الاخبار يامكس وصلت لفين؟؟؟؟؟؟؟
|
رد: شد 128 سمكرة ودوكو وسروجي بالاسعار
اولا احب اقولك ربنا يعينك ويوفقك والعربية تطلع زي ما انت عاوز بالضبط
وربنا يكفيك شرها كان عندي استفسار بخصوص 8- ظهر الشنطة 175 ده عباره عن باب الشطنة قصدك ولا تقصد بالظهر الشنطة اللي بين الفانوسين ورا وشكرا |
رد: شد 128 سمكرة ودوكو وسروجي بالاسعار
ربنا يبركلك فيها ...........انا عندي بس سؤال عاوز اعرف هي ال 128 بيكون حوضها فيه لحامات وراسه دواخ ده عادي مينقصش سعرها وهي معروضه عليا موديل 1981 ب 10000 ده كويس وماتورها كويس بس راشه دواخل وحوضها بيه بعض اللحمات البسيطه وعفشتها كويسه يعني لو فكرت ابيعها بعد كده مخسرش فيها
|
رد: شد 128 سمكرة ودوكو وسروجي بالاسعار
كل الاسعار مظبوطة الا فلتر الزيت ليه 40 جنيه؟؟؟؟؟؟؟؟؟؟؟؟
|
رد: شد 128 سمكرة ودوكو وسروجي بالاسعار
حضرتك أكيد جايبها علشان تقعدها معاك شويه
يبقى كده كده هتصرف سواء جمله (زى معملت) أو قطاعى (خلال السنوات إللى ربنا هيكتبلك نصيب معاها) و فى كلا الحالتين لو عملت كشف حساب هتلاقى الناتج النهائى واحد. و قد يكون أعلى فى حالة المصروف القطاعى (علشان عادة لو حاجه بايظة و أهملتها ممكن تبوظ معاها حاجه تانى) أنا شايف إن إللى عملته صح جداً و موضوع شرا العبد و لا تربيته لا ينطبق على أى عبد مستعمل, لو هتشترى يبقى جديد و إلا تربيه على أيدك و تبقى عارف إنت معاك إيه. دى وجهة نظر, تقبل النقاش دون زعل. و ربنا يباركلك فيها و يمتعك بخيرها |
رد: شد 128 سمكرة ودوكو وسروجي بالاسعار
الله عليك انت كدة ناقصلك تغير الماتور وتبقي موديل 2014 ربنا يباركلك فيها
|
| الساعة الآن 07:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017