مصر موتورز مجتمع السيارات - سوزوكى ماروتى سيارة الشعوب

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - سوزوكى ماروتى سيارة الشعوب (https://www.masrmotors.com/vb/showthread.php?t=1120)

رد: سوزوكى ماروتى سيارة الشعوب

اقتباس:

المشاركة الأصلية كتبت بواسطة بدر بسيونى (المشاركة 86647)

استاذ ابراهيم الماروتى اه بتسافر بس مش مريحة فى السفر اولا لاننا

لو فرضنا انك بتسافر على 100 كم /س اهتزازات العربية وحتكون

قوية بحكم ان الجنط صغير والمساعدين واليايات كذلك اه بتسافر بس

مش مريحة اوى

استاز/بدر
فعلا موضوع الجنط مقاس ال 12 لو يكون فيها 14 تكون ممتازه انا سافرت بها السويس ورجعت على طول مسافه 550 كيلو زهاب واياب ومقلتش لا هو فعلا العيب الى فيها الكوتش بذات فى الاماكن الغير الممهده لاكن للامانه عربيه حلوه وارجوك متقولش فيها حاجه انا كنت متابع موضوعك عن الماتركس
ويسلم اخونا /ابو نورا للشرح الوافى لها
تقبلو منى كل تقدير واحترام

رد: سوزوكى ماروتى سيارة الشعوب

اقتباس:

المشاركة الأصلية كتبت بواسطة ام منه (المشاركة 85154)

شكرا اخي على المعلومات القيمه

بس لو ها شتريها قسط يكون نظامها ايه

الاخت/ ام منه
بالنسبه لتقسيط السياره سيبك من كلام الاعلانات ده كلام بس السياره سعرها 35000 الف هتدفعى 14000 الف+1120جنيه تامن شامل +350 جنيه مصاريف اداريه اجمالى 15470 جنيه البنك كده هيكون منحك قرض 21000 حنيه القسط هيكون 534 جنيه لمده 5 سنوات
وربنا يوفقك

رد: سوزوكى ماروتى سيارة الشعوب

اقتباس:

المشاركة الأصلية كتبت بواسطة ben harb (المشاركة 17045)

يا ريت يا جماعة حد يوضح لي النقطتين دول:
1- السيارة تفتقر الي وسائل الامان.
2- معدل استهلاك الوقود للبنزين(؟؟ كم/لتر)
لاني بصراحة بفكر جديا اني اشتريها
وجزاكم الله خيرا.

من ناحيه الامان ووجودها على الطرق المزدحمه زى الدائرى بتكون افضل فى المناورات او استغلال المكان الى ممكن تعدى منه استهلاكها فى البنزين 360 كم فى الصفيحه فى المسافات الطويله وسرعتها تصل الى 140كم
اتمنى ان اكون افدت

رد: سوزوكى ماروتى سيارة الشعوب

السلام عليكم اولا
ثانيا يا ريت يا جماعه حد يكون عندوا العربيه دي(سوزوكي ماروتي )ويقولي مميزاتها وعيوبها عشان هيا عاجباني قوي وان شاء الله هاجبها خلال شهرين بإذن الرحمن ومشكور لكل اللي موجوديني وانااول مره اشارك معاكم هنا وده شرف ليا
اخوكم _مصطفي سكر

رد: سوزوكى ماروتى سيارة الشعوب

انا عايزة اجيب عربية بس تكون بحالة كويسة جدا فى حدود 27 الف انا فكرت فى الماروتى علشان هيكون مودلها 2008 او 2009 بس انا سمعت عن اراء مؤيدة واخرى معارضة وانا بشتغل فى مدينة نصر وساكنة فى الزيتون واحيانا بيركب معايا 4 افراد باوزان متوسطة فهل الماروتى هتكون مناسبة ليا بس ايه نظام الفتيس انا سمعت انه تقيل وبيعض مع النقلات والعفشة بتعتها علشان انا عند الشغل فى جزء مكسر شوية والاتزان على الطريق يعنى ممكن تتقلب بيا انا واولادى
والا اجيب مستعمل زى(برايت العصفورة , شاريد, 128 ,اونو ) ولو عندك انواع اخرى قولى عليهابس الانواع ده كلها هتكون مشيت على الاقل 10 سنين يعنى هيكون فيها شغل وانا عايزة حاجها ماروحش بيها للميكانيكى كل شوية
انا معايا 127 موديل 83 بس حالتها مش كد كده فلو فكرت اظبط فيها كل حاجة تكلف كام تقريبا؟؟؟؟ ولو بعتهاعلى حالتها تجيب كام تقريبا؟؟؟؟؟
وانه افضل اودب الى معايا والا اشترى على اساس الى نعرفة احسن من الى مانعرفوش
ارجو الرد سريعا واسفة للاطالة

رد: سوزوكى ماروتى سيارة الشعوب

وانا دلوقتى بحط بنزين 80 لل 127 فهل ده هينفع مع الماروتى والا كام والزيت نوعه ايه وبيتغير كل اد ايه؟؟؟

رد: سوزوكى ماروتى سيارة الشعوب

اقتباس:

المشاركة الأصلية كتبت بواسطة mostafafery (المشاركة 92962)

استاز / مصطفى الماروتى مش وحشه وعلى قدر فلوسها وهى بتنذل بدون اى كمليات ولا حتى تسجيل قطع غيارها متوفره فى السوق بس توكيل مش اوى يعنى انصحك لو جبتها متعتمدش على اصلاح توكيل