مصر موتورز مجتمع السيارات - ايه الفرق بين الاتوس والاى تن

والله يا ست الكل انا لو مكانك اجيب الانوس او فيرنا ومفكرش فى اى حاجة تانى ابداً

ليه ؟؟؟

اولاً طالما بنتكلم فى تقسيط وزيرو وميزانية محدودة يبقى عايزين اقل مصاريف صيانة وصيانة اى حد ممكن يعملها مش لازم التوكيل

ثانياً الاتنين عربيات عملية واعطالهم مش كتير ومعروفه وقطع غيار منتشره بره التوكيل ورخيصة

ثالثاً الاتنين عربيات كبيرة نسبياً (كحجم ومواتير) وده يخليها انسب اكتر للاستخدام العائلى والسفر

رابعاً الانوس بالاخص ممكن تمشى باى بنزين ان شاء الله 80 وهى والفيرنا ممكن يركبلهم غاز بسهولة يعنى توفير فى استهلاك البنزين مفيش بعد كده

خامساً واخيراً الاتنين عربيات ماسكة سعر فيوم لا قدر الله تحتاجى تبيعها تلاقى سعر معقول ومن غير مناهدة ووجع قلب غير العربيات الاقل انتشاراً

ديه الحسبة العملية لو كانت من اولوياتك
اما لو الاولوية للاحدث والاشيك فعندك البيكانتو افضل من الاى تن او الاتوس او الالتو
لانها برضو اكثر انتشاراً واكثرهم حداثه فى التصميم وان شاء الله تنتشر زى الموديلات السابقة وتبقى برضو ماسكة سعر

اما لو راجعتى نفسك فى موضوع القسط فممكن تفكرى فى نفس الحاجات ديه بس كسر زيرو يعنى عدادات صغيره وحالات نظيفة هتبقى ارخص من الزيرو بكتير واوفر من القسط مليون مرة

يارب مكونش توهتك اكتر واكون افدتك :)

وتحياتى لحضرتك ولجميع المشاركين