مصر موتورز مجتمع السيارات - حكايتى مع السيارات فى العراق !

الشغل كان كتير شويه لآن الموقع كان به 3000 شخص ودكتور واحد واثنين ممرضين ! لكن الاداره خدت بالها

وزودت لى ممرض ثالث برازيلى اسمه جيرالدو ! الباشا ده كان يشبه صدام حسين جدآ ptmnlo123per1106 طبعآ
لما شفته أول مره كان له هيبه كده لكن بعد شويه لقيته ماسك المقشه وبيكنس العياده و بعد شويه شمر

البنطلون و قعد يمسح الآرض يكل همه و نشاط ! المهم أنا بأعرف انجليزى و عربى والمفروض كل جنسيه

كان لها مترجم ! يعنى المريض الصيتى يروح يسحب المترجم بتاعه الآول قبل ما يحضر للعياده و هلم جرا !!

ولكنى اكتشفت ان كل المترجمين صناعة تايوان يعنى ما بيعرفوش انجليزى أساسآ وأهه كله أكل عيش !!

فصممت أتعلم اللغات دى كلها لكى أعتمد على نفسى وما أديش رقبتى لا لمترجم أو ممرض يلعب بى الكوره !

طب ازاى يا معلم ! كنت أرسم مثلا شمس وأقول للممرض البرازيلى يكتبها و ينطقها ثم أرسم قمر طب بنت

ثم ولد يعنى الحاجه وعكسها ! وابتديت أتعلم الآول الحاجه اللى تساعدنى على التفاهم مع الناس فى العياده

مثلا تعالى - روح - افتح الباب - اقفله - اقلع هدومك - نام على السرير - بتشتكى من ايه - صباح الخير ومساؤه

وبعدين اتطورت وبقيت أجيب من المكتبه مجلات ميكى بالبرازيلى ! لآن فيها مواضيع مبسطه ومختصره والصوره

بتشرح الكلام اللى عليها وهكذا لغاية ما فى 3 شهور الا وكنت أتكلم برازيلى ! واللى ما يعرفنيش منهم كان

لا يمكن يصدق انى مصرى ! وكنت أقدر أفرق من اللهجه اذا كان ده واحد برازيلى أو برتغالى زى ما تفرق ابن

دمياط من ابن سوهاج مثلا ! وعلى فكره هيه لغه سهله ولها وقع جميل على الآذن و مليئه ببعض الكلمات

العربيه ! آه نسيت و أهم حاجه اتعلمتها الشتايم علشان أعرف أتعامل معاهم ! و برده فى نفس الوقت

تعلمت تركى وصينى بس بما يكفى داخل العياده ! انما البرتغالى بقى لبلب !!ptmnlo123per154

كفايه كده النهارده علشا ن رايح أشوف مسلسل NCIS حيث أنى أحب كثيرآ كيفية التسلسل العلمى

للكشف عن الجرائم خاصة ان احنا درسنا برده طب شرعى بس بتاع شرشر !

Dr. Bolbolan ptmnlo123per122