مصر موتورز مجتمع السيارات - بيكانتو ولا هيونداى I10 ولا شيفروليه سبارك , افيدونى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: بيكانتو ولا هيونداى I10 ولا شيفروليه سبارك , افيدونى

اقتباس:

المشاركة الأصلية كتبت بواسطة مهند سالم (المشاركة 543016)

والله أنا قريت كل التعليقات ، وكلها فعلا مفيدة، بس أنا شايف ببساطة إن سعر العربيات الصغيرة الهاتشباك فعلا مبالغ فيه، وفي رأيي الاختيار الأنسب هو عربية زي اللوجان، وده لأنها بتجمع معظم الامتيازات، صالون كويس وشنطة وسعها جيد وعالية عن الأرض والأوبشن فيها جيد، وعربية حققت نجاح وانتشار يعني قطع غيارها هتبقى موجودة كثير في المستقبل.
خلينا في الحاجة العملية والعائلية؛ لأنها بتنفع في كل الأحوال.
أما بالنسبة للفتيس، فطبعا ببساطة الأوتو أريح، والمانيوال أكثر اعتمادية، يعني ببساطة صيانته أسهل وعمره أطول.
وربنا يوفقك

جزاك الله خيرا على المشاركة المفيدة ..
كلام حضرتك هاحطه فى اعتبارى طبعا , نظرا لأن الأمر ده جه فى بالى من قبل بالفعل ..
دعواتكم لى يا جماعة ان ربنا يرزقنى الخير ويوفقنى للأختيار الصحيح ..
وأشكركم جميعا على مشاركاتكم المفيدة ..
فعلا ما ندم من استشار .

رد: بيكانتو ولا هيونداى I10 ولا شيفروليه سبارك , افيدونى

اقتباس:

المشاركة الأصلية كتبت بواسطة nawwara (المشاركة 543045)

دعواتكم لى يا جماعة ان ربنا يرزقنى الخير
آمين، بارك الله لك
ويوفقنى للأختيار الصحيح ..
وفقك الله
وأشكركم جميعا على مشاركاتكم المفيدة ..
الشكر ليكي
فعلا ما ندم من استشار
ما ندم من استخار وما خاب من استشار. المواظبة على الاستخارة مفتاح الخير؛ العالم بالخير هو الله سبحانه، ارمي حمولك على الله واستخيريه، ده هيريح عقلك من كثر التفكير والإجهاد، وإلا قلبك يطمن له يبقى هو الخير من الله، ونص الاستخارة:
اللهم إني أستخيرك بعلمك، وأستقدرك بقدرتك، فإن كنت تعلم في أمر شرائي للسيارة .... (أو أي أمر آخر) خيرا لي في ديني ودنياي وعاقبة أمري فاقدره لي ويسره لي، وإن كنت تعلم فيه شرا لي في ديني ودنياي وعاقبة أمري فاصرفني عنه واصرفني عنه، ثم اقدر لي الخير حيثما كان ثم اجعلني به من الراضين. آمين .

وفقك الله لكل خير

رد: بيكانتو ولا هيونداى I10 ولا شيفروليه سبارك , افيدونى

جزاك الله خيرا يا استاذ مهند ..
الحمد لله انا باستخير ربنا على كل كبيرة وصغيرة بفضل الله ..
العربية بالذات باستخير عليها من زماااااااااااااااااااان من قبل ما يكون معايا ولا مليم ..
واتعلمت السواقة بردو من قبل ما يكون معايا ولا مليم أملا بأن الله تعالى سيرزقنى الخير عن قريب ..
والحمد لله استقريت فى اختيارى للعربية على الآتى ..
اولا السيلاريو مانيوال , لو مالقيتهاش يبقى اللوجان مانيوال مباشرة وبدون تفكير , ان ماتيسرش يبقى الi10 , وفى النهاية البيكانتو والسبارك ..
يعنى اولوية بحثى فى المعارض هاتكون بالترتيب ده ..
ناقصنى بقى أعرف افضل المعارض وافضل عروض القسط وربنا ييسر الحال باذنه تعالى ..
ولما آجى اروح المعرض هاقولكم الأول عشان اعرف اللى لى واللى عليا , ولما اجيب العربية أكيد حضراتكم أول من سيعلم بإذن الله ..
وجزاكم الله ألف خير ..
هههههههههه مش حاجة تضحك بردو انى داخلة اعمل مقارنة على ال3 عربيات اللى عجبونى وألاقى نفسى فى النهاية بادى الاولوية لعربيتين تانيين واكتر عربية حباها بقت اخر واحدة !! ههههه
:w6w2005041113562663:w6w2 005041113562663

رد: بيكانتو ولا هيونداى I10 ولا شيفروليه سبارك , افيدونى

بالمناسبة ده دعاء الاستخارة بعد صلاة ركعتين من دون الفريضة
" اللهم إنى استخيرك وبعلمك واستقدرك بقدرتك وأسألك من فضلك العظيم , فإنك تقدر ولا أقدر وتعلم ولا أعلم وأنت علام الغيوب , اللهم إن كنت تعلم أن - (كذا) مثلا , شرائى لوجان بالقسط - خير لى فى دينى ومعاشى وعاقبة أمرى او عاجل أمرى وآجله , فقدره لى ويسره لى ثم بارك لى فيه , وإن كنت تعلم أن (كذا) شر لى فى دينى ومعاشى وعاقبة أمرى أو عاجل أمرى وآجله , فاصرفه عنى واصرفنى عنه وأقدر لى الخير حيث كان ثم ارضنى به " .
:30p[1]::30p[1]::30p[1]:

رد: بيكانتو ولا هيونداى I10 ولا شيفروليه سبارك , افيدونى

ربنا يوفقك ان شاء الله بس شوفي الفيرنا اوتوماتيك برضه اريح بكتير من المانيوال وقطع غيار اسهل وسهلة في البيع ومنتشرة بغباوة :D
وفي الاخر القرار قرارك روحي شوفيهم واحكمي بنفسك