رد: في الأول إسطوانة وديسك وفي الأخر فتيس
 

هو اى ميكانيكي يقدر يكشف على الاسطوانة ويشفها محتاجة تغير ولا لأ او طقم الدبرياج ؟
أي ميكانيكي يقدر يقولك اذا كان الطقم محتاج يتغير وأعراض بوظان الاسطوانة والدسك عضة أو تقل في النقل ضعف العزم والسحب للسيارة ضعف في المطالع زي الكباري استهلاك بنزين أعلي ارتفع صوت الموتور مع الضغط علي البنزين مع عدم وجود سحب
هل ارتفاع دواسة الدبرياج ممكن يكون مؤثر واسمع وانا بسيب الدواسة صوت خبطه ولا ده ممكن يكون من اية
ممكن صوت الخبطة ده يكون تيش الدبرياج أو البلية
هل زيت الفتيس بيتغير كله ولا بيتزود واية احسن ماركة وبكام وهل ممكن يتغير فى البنزينة عادى ولا اية النظام ؟
زيت الفتيس لازم يتغير لانه مع الوقت بيفقد خواصه والزيت الموصي به للابيزا درجته 90 وده بتجيبه من بنزينات شل أو موبيل في عبوات العبوة كيلو لكن روح للميكانيكي ألأول وخليه يبصلك علي الفتيس فيه تسريب من تحت ولو فيه تسريب في أويل سيل للفتيس لازم تغيره عشان ما يسربش زيت لأن لو الزيت اتسرب كله وانت ما خدتش بالك الفتيس هايتحرق ويقفش وهتظطر تجيب واحد جديد تمنه 500 جنيه

رد: في الأول إسطوانة وديسك وفي الأخر فتيس
 

أ / tareksakr

انا متشكر جدا جدا لحضرتك واسف على التاخير فى المتابعة والرد لاسباب خارجة عن ارادتى للمرة التانية انا مش عارف اشكر حضرتك ازاى كتر الف خيرك .

مكن حضرتك تقولى طقم الدبرياج بيكون مكون من اية ؟

واية احسن ماركة فية وسعرها كام واجيبها منين ؟

وتركيبة سهل ولا لازم ميكانيكي ايبيزا متخصص ؟

وبياخد وقت قد اية فى التركيب ومصنعية تركيبة بتكون قد ايه تقريبا ؟

انا اسف لطول الاسئلة لكنى جديد فى الموضوع واى حاجة بتاكل دماغي .....