مصر موتورز مجتمع السيارات - العربية البرسونا محدش يشترى العربية دى

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - العربية البرسونا محدش يشترى العربية دى (https://www.masrmotors.com/vb/showthread.php?t=46053)

رد: العربية البرسونا محدش يشترى العربية دى

اقتباس:

المشاركة الأصلية كتبت بواسطة SALAHHAKIM (المشاركة 341442)

فعلا
برتون :1281F1~121:
بروتون مين والناس مش فاهمين
بروتون التى لاتقهر :14369D~149:

يا أ/ صلاح أنا جاتلى فكرة دلوقتى إنما إيه ... عجب
هو حضرتك حتبقى مبسوط لو لقيت الساجا منتشرة زى الفيرنا و بقت تاكسى
كفاية إنك راكب عربية عارف قيمتها بغض النظر عن باقى الناس
أكيد أكتر واحد يهمه أداء العربية و أمانها و راحتها هو صاحب العربية
واللى ربنا يهديه للبروتون يلحق بنا فى ركب التقدم
إذاً ... فلنتمتع بالساجا و ليكن ما يكون:drnk:

رد: العربية البرسونا محدش يشترى العربية دى

اقتباس:

المشاركة الأصلية كتبت بواسطة m.elhasafy (المشاركة 341557)

السلام عليكم
والله لو الناس بتفكر كانت دخلت البروتون تاكسى
العربيه بسم الله ماشاء الله معيا ماشى 44 الف كم لسه زيرو يعنى استهلاك فى اقل من سنه اكتر من استهلاك التاكسى
وفيه عربيه لسه عامل صيانه فى ابو رواش 50 الف كان بيشتكى من عدم وجود حاجه يشتكى منها
شوف اى تاكسى دلوقتى تحس انه بقاله ميت سنه بيشخلل ويزمر وماشى اقل من 30 الف

رد: العربية البرسونا محدش يشترى العربية دى

اقتباس:

المشاركة الأصلية كتبت بواسطة mmffor (المشاركة 341280)

ايوة يا سلام يا اخويا !!! ههههههههههههههههههه
بص يا غالي: لوتس تم انشاءها عام 1959 ماشي؟ ماشي...
1986 جنرال موتورز اشتريتها و باعتها 1993 لرجل اعمال ايطالي
1996 تم شراء اغلبية الاسهم من قبل ادارة شركة بروتون (شراء اسهم مش تعاون فني او تقني)
اللوتس تمتاز بتطوير انظمة التعليق و بيعها ( مش لبروتون و لكن لاي شركة تانية!!!)
و تعمل على شراء محركات تويوتا (واخد بالك) سعة ال 1800 سي سي المستخدمة في السيليكا و تطويرها و اضافتها لسياراتها الخاصة اليز و اكسيج
تم فعليا ادارة الشكرة من قبل مديرين ماليزيين منتدبين من بروتون عام 2006!!!! بالتعاون مع المدير الفعلي مايكل كيمبرلي
تخطط لوتس حاليا لتغيير سياستها باستخدام محركات كبيرة الحجم عوضا عن المحرك التقليدي 1.8 تويوتا! و ستبدأ باعتماد محرك 5000 سي سي المستخدم في لكزس !!!!

نتكلم عن بروتون بقى ( انا مش عارف مين جاب سيرة لوتس انا كنت بعلق على بروتون!!)

شركة سيارات ماليزية تم انشاءها 1983 !!!
تمتلك الحكومة الماليزية 42% من اسهمها
Based on technology and parts from Mitsubishi Motors

اقرأ دي The Proton Waja (Proton Impian in UK), which launched early 2001, is the first car model designed internally by Proton

اول سيارة مصممة في بروتون (الاجزاء لا تزال ميتسوبيشي و لكن اخيرا اعتمدوا تصميمهم الخاص) عام 2001 بالسيارة بروتون واجا

امتلاك بروتون الكامل لللوتس كان عام 2004 و منذ حين اعتمدوا على خبرة لوتس في تطوير محركات تويوتا لتطوير محرك متسوبيشي في عربياتهم

خلص الكلام! ان شاء الله بروتون تتطور و تبقى احسن من كل الياباني و الالماني كمان!! انا اتمنى

بغض النظر عن أي تفاصيل قد نختلف عليها...
مش عارف ليه حاسس انك بتتكلم عن مواتير ميتسوبيشي وتويوتا على انها حاجة عيب لا سمح الله؟؟؟!!!!

على فرض ان مواتير بروتون كلها ميتسوبيشي وتويوتا... تفتكر دي حتبقى عربيات كويسة ولا وحشة؟؟!!

وبعدين من 2001 الى 2011 عشر سنين... يعني بروتون بقالها عشر سنين بتصمم سياراتها بنفسها بعد خبرة طويلة من التعاون مع شركات محترمة ... فين بقى الTry and error ؟؟؟؟!!! الكلام ده لو كانوا بيحاولوا من الصفر مع نفسهم....
مش كده برضه ؟؟؟

رد: العربية البرسونا محدش يشترى العربية دى

ايه ياجماعه الخناقات دى كلها انا مبقتش فاهم حاجه الحاجه الوحيده الى فهمتها ان رجالت مصر موتورز محدش يقدر يضحك عليهم عاشت مصر موتورز:14369D~149::14369D ~149:الى مجمعانه على الخيردائما يارب واحمد الله على المعلومات القيمه الى بنستفادها من المناقشات الجميله:14BFD8~148:

رد: العربية البرسونا محدش يشترى العربية دى

اقتباس:

المشاركة الأصلية كتبت بواسطة master.formats (المشاركة 341857)

بكل بساطه انا كلامي واضح و مباشر و الاستاذ سامي وصلوا قصدي!
ان حتى شركة لوتس اللي بروتون اشتريتها مش بتعمل مواتير اصلا علشان تفيد بروتون بتكنولوجيا صناعة المواتير!!! اللي ممكن يفيد بروتون هي ميتسوبيشي و ده اللي حصل فعلا, بروتون استفادت من لوتس في تطوير مواتير ميتسوبيشي لبروتون زي ما بيطوروا مواتير تويوتا لنفسهم!
فين او مين بقى اللي قال ان تويوتا او ميتسوبيشي وحشين؟؟؟؟
و ثم بروتون اعتمدت فعلا على شراكاتها الاستراتيجية لاقتباس تكنولوجيا عالية لتصنيع محركات خاصة بيهم بتكنولوجيا منافسه و ان كانت ليست الافضل في السوق العالمي و دي تعتبر خطوة شجاعة جدا لا يقوم بها اللا شركة واثقة من نفسها جدا!!
او عندها روح مغامرة عالية جدا!
10 سنين تعتبر قليله في عمر صناعة السيارات العالمية! في شركات صناعة سيارات اوروبية و صينية دخلت مجال صناعة السيارات اكثر من كدة و لسة ما اثبتتش نجاحات!!
اللي بروتون عملته ذكاء اداري قبل ما يكون تقني على اعلى مستوى! و انا بحب بروتون مش ضدها خالص بس بقول طبيعي ان يكون لسه في عيوب و ملاحظات و تعديلات مستقبليه!
هما نفسهم عارفين كده بس المعادلة الصعبة انهم ازاي يتلافوا كل العيوب بخامات رخيصة لخفض سعر سياراتهم الى فئه منافسة في السوق لتجنب مواجهة الكبار لانهم لسة ما وصلوش للمستوى ده!
هما عارفين كده كويس و ما شاء الله انا شايفهم ماشيين بسرعة كبيرة لتحقيق الهدف ده!
و لما يوصلوا مش حتعرفوا تشتروا عربيات بروتون بعد كده لانهم بكل بساطه حيبدأو يحطوا خامات كويسة و يبيعوا سياراتهم باسعار مقاربه للياباني لتحقيق نسبة ربح مقبولة لتخطية نفقات التطوير و (try n error) اللي بيقوموا بيها حاليا

اقرب مثال هو هيونداي