مصر موتورز مجتمع السيارات - ياريت من احلى ناس هنا الرد بضمير ونهائى؟

السلام عليكم و رحمة الله و بركاته
أهلا و سهلا بك في المنتدى
دي أول مشاركة ليل في المنتدى من حوالي شهر
بص يا باشا
أنا موقفي زي موقفك بالضبط وكنت محتار جدا زيك بالضبط
و بصراحة الاخوة هنا أفادوا و اجادوا و مش قادر أقول حاجة بعد كدة
و لكن حبيت أنقل لك تجربة شخصي في نقاط بسيطة
1- ممكن ترجع لموضوع أنا كنت عامله اسمه القول الفصل في مقارنات السيارات و دي\طريقة سهلة للمقارنة بين أي عدد من أنواع السيارات
2- أنا كان ميزانيتي تسمح حتى 145000 بالعافية و استقريت على الكورولا 2010 أوتوماتيك و على فكرة ما تصدقش كل اللي بيتقال على التويوتا الشركة دي محترمة و كفاية إنها المصنع رقم 1 في العالم , و دي أحسن صفقة في هذا السعر ( من حيث الجودة و قطع الغيار و سعر لإعادة البيع ممتاز و رأيي الشخصي شكل و فخامة و سعة كبيرة
3- الكيا سيراتو سعرها بالنسبة للامكانيات و الكماليات كويس بس ظهرت فيها مشاكل في العفشة و جودة التقفيل و الثباات
4- المازدا سيارة ممتازة جدا و لكن عيبها قطع الغيارو سعر إعادة البيع
5- أنا ميزانيتي اتغيرت دلوقتي و بقت 125000 بالعافية و حصرت تفكيري في الكروز و الكارينزو الالنسر بومة 2010 و بدون تفاصيل علشان ما أوجعش دماغك
الكروز صفقة رابحة جدا
سعر مناسب لجودة عالية و اسم عريق و اتزان على الطريق ممتاز و لكن يعيبها ضعف الموتور ( لو عايز سواقة رياضية ) و نقص الكماليات بالنسبة للسعر و لكن في رأيي إن دة مش عيب كبير قدام المميزات اللي حاتخدها
أتمنى أكون أفدتك و مطولتش عليك و ممكن ترجع برضه لمشاركات الأعضاء و مقارناتهم في الأقسام المعنية بهذه السيارات
على فكرة : ابعد عن الفرنساوي ( لا غبار عليه في الجودة) ولكن قطع غيار غالية جدا و سعر إعادة البيع وحش جدا