مصر موتورز مجتمع السيارات - الفتيس في السيراتو بقة6نقلات

اقتباس:

المشاركة الأصلية كتبت بواسطة capink (المشاركة 305203)

هو ده الزرار الي انت بتتكلم عليه ؟
http://farm3.static.flickr.com/2514/...e0a2a59c_o.jpg

ياريت تقولي انت شفته في كوبيه و لا سيدان؟ و لو سيدان ألاقيه فين ؟

النظام ده من عوامل الأمان المهمة في السيارة. هو باختصار بيساعد السائق في الحفاظ على توجيه السيارة بحيث انها متلفش منه بالعرض في حالة ال .oversteer أوما تمشيش في خط مستقيم في الملفات understeer . ده بيتم عن طريق فرملة كل عجلة على حده على حسب مستوى التماسك. يعني في حالة ال oversteer بيتم كبح الفردة الأمامية الخارجية و في حالة ال understeer فرملة الفردة الخلفية الداخلية.

المقطع ده بيوري الفرق بين العربية لما يكون فيها abs ,tc & esp و لما يكون مافيهاش

http://www.youtube.com/watch?v=K3m24bjkfg0

http://www.youtube.com/watch?v=FIuPS9cTlL8

انا كنت ناوي أجيب توكيل بس لو في خليجي فيه esp ياريت حد يدلني ألاقيه فين.

اولا انا آسف ع التاخر في الرد

مضبوط هو ده الزرار اللي انا قصدي عليه بس انا الصراحة معرفش اي حاجة عن السيدان بس الكوبيه مواصفات الخليجي السعودي بسس اللي فيها مانع انزلاق

و انا الصراحة مقدرش اقول هو فايدته ظاهرة و لا لا بس انا مبسوط بالـ6 نقلات اكتر عشان الكوبيه تقيلة فعايزه عزم كبير عشان تجري بيها , مش بقول ان الـ5 نقلات مبتجريش , بس هتحس بالفرق لما تسوقها

مقارنة باللانسر الكيا الكوبيه تسارعها اقل بس لما بتسرع العربيه ثابته و عزمها حلو

و بالنسبة للناس اللي بتقولك العفشة وحشة انا خدت مطب على سرعة عالية جدا مش متاكد كام بس عايز اقولك اني نطيت من مكاني في المطب ده و ما شاء الله عليها 100 % ROSE4U بس ده مش معناه تتطنطط بيها ع المطبات دي كانت غلطة مني بس الحمد لله جت سليمة

و طبعا في التأني السلامة , يعني لو انت بتمشي بسرعة كويسه و مناسبة و مش خطر لا هتحتاج مانع انزلاق و لا حتى ABS ROSE4U حط في اعتبارك ان دي كلها تكنولوجيات جديدة يعني معظم العربيات اللي في الشارع دي مفيهاش كده و لسة زي الفل

اللي المفروض تعمله تقارن بين كل المواصفات و تشوف اللي عملي ليك من حيث

العزم
الكماليات الشكلية ( زي فرق المرايات , في الكوبيه مثلا السماعات بيبقى حواليها نور احمر في عربيات و عربيات لا )
الكماليات اللي ممكن هتحتاجها في مصر ( زي السينسورز و الكاميرا لو فيه )مع العلم اني معنديش كاميرا سينسورز بس و ماشيه معايا حلو و مناسبة لمصر بس مش هتفهمها من اول مرة ممكن بعد تالت او رابع مرة تستخدمها و بعد قراءة الكتالوج
الضمان و الصيانة
السعر
المكان المضمون اكتر في الشراء

و ربنا يوفقك ان شالله (: