مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - FIAT 132 2000 (https://www.masrmotors.com/vb/showthread.php?t=3168)

رد: FIAT 132 2000

العربية دى أنا بحبها جدا من حيث وسعها الكبير لكن سبحان الله كل العربيات ال132 اللى شفتها مقولش عليها غير كلمة جربوعة وزبالة مع الأسف للفظ عكس مثلا 128 تحس إنها وقفة بكرامتها لكن ال132 تحس إنها واخدة بالجزمة ممكن ياخونا يكون بسبب إنها أقدم من 128 فى الأنتاج يعنى إنتاجها وقف فى 81 لكن برضه أنا بشف 128 موديل السبعينات وشكلها جميل
,وفى حاجة أنتم مش شايفين أن تصميمها متاخد من تصميم البى أم موديل السبعينات

رد: FIAT 132 2000

استــــــــــاذptmnlo123p er15
الله ينور يا حازم باشا
قاموس في الـ 132
تسلم ايدك علي الموضوع

رد: FIAT 132 2000

اقتباس:

المشاركة الأصلية كتبت بواسطة Devill Blood (المشاركة 150426)

عشان ال128 بتنتجلها قطع غيار لحد الوقتي وكل ال128 بتركب علي بعض يعني لو سبعينات وضايعة بتقف علي حيلها تاني

رد: FIAT 132 2000

اقتباس:

المشاركة الأصلية كتبت بواسطة Sp!deR_MaN (المشاركة 150299)

جميل جدا الموضوع وشكرا اوى عليه

بس انا عاوز اعرف ال132 تعملها كام لو حالتها كوبسه
واسمع ان ال 2000 بتسحب بنزين كتييييير
فعاوز اعرف معدل استهلاكها اد ايه مثلا

الشكر لله يا سبايدر مان
بالنسبه لل2000 لو نضيفه حتعمل في حدود 18 الف او 20 لو نضيفه اووي
و ممكن تلاقي حالات منها ب 14 الف بس تعبانه طبعا و لا ترقي الي ان تكون عربيه

اقتباس:

المشاركة الأصلية كتبت بواسطة severeman (المشاركة 150396)

ياباشا انا بجد ممنون ليك لسرعة ردك

ويالا بينانخش في الموضوع

بالنسبة للسمكره انا جبت ستاره اماميه وقنطره راداتير و 4 طبل ببان و2 رفرف امامي و2 عتب و2 دوران خلفي
ده شغل السمكره

اما شغل العفشه انا عندي ان شاء الله هغير كل العفشه من تيش ببيضه ب4 مساعدين بشدادات بكل العفشه تقريباً

وبالمناسبة احنا مغيرين للعربيه الجنوط بتاعتها من فتره وجايبين جنوط مروحه وكمان الاكصدامات جايبينها اكصدامات العربيه ال 2000

بالنسبة للفتيس انا مش عايز اغيره لان اعتقد ان الميزانيه مش هتسمح لذلك انا متردد في موضوع التابلوه ده لان الكونسول بتاع ال2000 مش هينفع مع الفتيس ال 4 غيار اللي عندي وفي نفس الوقت انا احتمال اغير التابلوه قدام
فالموضوع عندي متلخبط شويتين بالنسبة للتابلوه والفتيس

وان شاء الله انا هجيب الباور لان الدريكسيون تقيل جداً عندي فالموضوع ده في الخطة
وكمان الزجاج الكهربا الامامي ان شاء الله هجيبه برضو

اما التكييف انته ايه رايك ياحازم باشا لو بعت جبت من السعوديه تكييف ياباني بتاع عربيه تويوتا مثلا او مازدا هل برضو هيأثر على عزم العربيه زي تكييف ال 132 موديل 2000 ولا هيكون مختلف

اتمنى الافاده والتعليق على اللي هيحصل في عربيتي وتقوللي ايه رايك

وبالنسبة للصور انا اكيد هصورها في الفنش النهائي وهرفع صورها في المنتدى

سعيد بمشاركتك دايما يا باشا
بالنسبه لطبله الابواب ابقي خلي بالك لو النواكل القديمه فيها الضوافر البلاستيك
تخلي بالك منها لان الصنايعيه مش بياخدوا بالهم و حيركبوا النواكل من غير ضوافر و حيضيعوها.
بالنسبه للعفشه اللي حتعمله دا حيبقي صح ان شاء الله و حتلاقي العربيه ماسكه نفسها
بس اهم حاجه تجيب بيض الماني و العفشجي يشحمه قبل ما يركبه
بالنسبه للتابلوه ممكن حل ظريف اوي
هو انك تجيب عدادات ال 2000 و تركبها علي نفس تابلوهك حتركب عادي
بالنسبه للتكيف بصراحه مش حقدر افيدك لان خبرتي في العربيات الفيات المكيفه ضئيله جدا
لان الموضوع مش كمبروسر و بس
دا سربنتينه و تلاجه وسيكوانشيل و حدوته كبيره

رد: FIAT 132 2000

اقتباس:

المشاركة الأصلية كتبت بواسطة Devill Blood (المشاركة 150426)

زي ما قال منسوب باشا
ال132 قطع غيارها اقل من ال 128 غير انها اغلي بحكم انها عربيه اكبر و فئه اعلي

اقتباس:

المشاركة الأصلية كتبت بواسطة mansoub504 (المشاركة 150485)

استــــــــــاذptmnlo123p er15
الله ينور يا حازم باشا
قاموس في الـ 132
تسلم ايدك علي الموضوع

دا نورك يا منسوب باشا
دا بس من زوقك :)