مصر موتورز مجتمع السيارات - تقرير عن جميع فئات الدايو فى مصر

اقتباس:

المشاركة الأصلية كتبت بواسطة shebnez (المشاركة 83474)

جماعه ياريت عاوز اعرف معلومات عن الدايو ماتيز

أنا معايا ماتيز 800 سي سي موديل 99 وبصراحة بحب العربية جداً وعشان نتكلم عملي:

ما لها:
أستهلاك بنزين رائع (حوالي 16 كم / لتر) داخل البلد (19.5 كم/ لتر) في السفر.
واسعة من جوا بالنسبة لحجمها وسقفها عالي وتسع معاك 3 افراد مستريحين.
شكلها حلو وأحلى من الشيفورليه سبارك (رأي شخصي).
فيها تكييف معقول
إنجكشن وليس كرباراتير
قطع غيارها معمرة (لو أصلية).
تسارعها كويس بالنسبة لموتور 800 سي سي
رغم انها صغيرة الا ان صاجها جيد ومخدوم كويس جداً لأنها تجميع كوري وليس مصري.
في قضبان حماية في الأبواب ضد الاصطدامات.

ما عليها:
زي كل الدايو - واطية على الأرض.
قطع غيارها موجودة لكن غير متوفرة
عفشتها ناعمة شوية وتحس بالمطبات
تحتاج متابعة مستمرة الإهمال فيها يؤدي لنتائج سيئة جداً
شنطنتها ضيقة ولا تسع أشياء كثيرة.
بعد 120 كم/س بتحس بالعربية خفيفة جداً والجري بيها غير مستحب وفي ناس بتحسن الموضوع ده بالجنوط الأعرض من الفبريقة
نور التابلوه ضعيف شوية.
الموديل اللي عندي ليس به اير باج ولا ABS ولا حاجة من الإضافات الحديثة دي بس متهيألي نزلت الاضافات دي في الكام سنه التالية لحد 2002

التقييم العام

سيارة جيدة ومناسبة لأسرة صغيرة واقتصادية جداً ولا تصلح لشاب عايز يجري ويخمس ولا مؤاخذة ptmnlo123per1127