رد: يوم لا ينسى ابداً لكيا سيراتو مهزلة بكل المقاييس !!!!!
 

انا حاسس ان الكلام في الموضوع مش بحيادية ، يعني الناس اللي منحازة للتيوتا وبتقول التويوتا افضل من الالماني هههههههه مع كامل احترامي ليهم بس هو حضراتكم نسيتوا فضيحة شركة تويوتا في موديلات 2008 وانها خسرت 2مليار دولوار في استرداد السيارات اللي كان فيها عيب في الفرامل في اكتر من 13 موديل غير انها خسرت اسمها في السوق عالميا ، شركة تويوتا شركة محترمة بس من اول موديل 2008 كان عندها مشاكل في الصناعة

خلونا نتناقش بحيادية وعلي فكرة انا لا بحب الكيا ولا بحب التويوتا
القاعدة ان العربيات الاماني افضل عربيات يليها الياباني يليها الكوري ، بس طبعا كل قاعدة ليها استثنائات

يعني في موديلات كوري افضل بمراحل من بعض الموديلات الالماني ،
و طبعا في عربيات الماني كان فيها عيوب صناعة زي الفتيس الDSG بتاع الجيتا
المهم بدون الدخول في تفاصيل ، مينفعش تيجي تقولي مرسيدس او جيتا افضل من كيا سيراتوا لازم تراعي فرق السعر بين العربيتين وده طبعا بينعكس علي الامكانيات والتجهيزات في كل عربية لكن ممكن تقارن هيونداي جينسس ب مرسيدس C ديه تكون مقارنة عادلة

نيجي للكيا سيراتوا موضوع الكلام ، السيراتوا كانت نازلة باوبشن وتجهيزات مش موجود غير في العربيات الغالية جدا اللي مش اي حد يقدر يشتريها وده اداها ميزة بالنسبة للعربيات اللي في نفس الفئة السعرية بتاعتها وهي الهيونداي النترا
بخصوص التيوتا الكرولا الجديدة شوف سعرها كام اعلي بمراحل من السيراتوا يبقي عايز تقارنها يبقي تقارنها مع هوندا سيفك وطبعا هوندا تكسب

وكل واحد يقول علي عربية حلوة او وحشة يا ريت يكون بيقارنها بالعربيات اللي في نفس سعرها مش عربيات باضعاف تمنها

والناس اللي بتقول السيراتوا عربية وحشة و و و ...
ارجع لسنتين وشوف السيراتو كان سعرها كام وشوف الاختيارات المعروضة في السوق كانت ايه ، وحددلي اختيار افضل منها ، وطبعا كان مفيش منافس قوي ليها
حاجة كمان العربية ديه نجحت علي مستوي العالم كله مش في مصر بس

تقبلوا مروري وياريت يا جماعة محدش يزعل من كلامي بس انا كان لازم اقول رأيي
تحياتي:shyy:

رد: يوم لا ينسى ابداً لكيا سيراتو مهزلة بكل المقاييس !!!!!
 

على فكرة لولا الجمارك العالية على العربيات اللي فوق 1600 مكنش حد اشترى الالماني اساسا . ده بتمن الجولف اشتري عربية تويوتا افنسيس او هيونداي جنيسيس او كيا سبورتاج هاي لاين ونيسان قشقاي كاملة. اوروبي ايه بس هو الالماني ده ييجي ايه في الامريكي ده بتمن المرسيدس السي كلاس 1600 سي سي اشتري جيمس اربان وحش طريق ونعومة مفيش زيها واعتمادية فوق الخيال , ولا حتى شيفورلية كابريس هيا دي العربيات بجد . الالماني هنا في السعودية مبيعيشش خمس سنين على بعض .

رد: يوم لا ينسى ابداً لكيا سيراتو مهزلة بكل المقاييس !!!!!
 

يعني انت عايزني اصدق ان واحد طلع على كومة طوب بالعربية الاير باج تفتح؟ طب اصدقها ازاي دي . ممكن يكون ده حصل بس مش بالشكل اللي انت بتقوله×××××××××× . ممكن مثلا يكون خبط في كومة السن على سرعة مرتفعة نسبيا وبدل ما يطلع من فوقه ,خبط فيه بالاكصدام . ده الحالة الوحيدة اللي ممكن اصدقك فيها وساعتها يبقى طبيعي الايرباج تفتح
. وبعدين معلش احنا عارفين ان الكيا سيراتو قطعت على كل العربيات في فئتها وفيه وكلاء كتير هيتجننوا وبيبعتوا ناس ع المنتديات عشان تسوء سمعة العربية ودي مش حاجة جديدة ومع طريقة كلامك من حقي اني اشك فيك رPOLICEE

رد: يوم لا ينسى ابداً لكيا سيراتو مهزلة بكل المقاييس !!!!!
 

نفاق !!

اولاً متشكر جداً لحضرتك واخلاقى متسمحش بالرد وحسابك برده قدام ربنا

ثانياً حضرتك لو عندك اتنين من اصحابك عندهم كيا سيراتو انا عندى 3 وال 3 مبسوطين منها ولو راجعت الردود كلها هتلاقينى كاتب ان اللى اشترى كورى عربيه ممتازه وعلى قد فلوسها وكاتب فى البوست نفسه انى بحترم العربيه جداً لولا الموقف ده اللى قللها من نظرى الشخصى ونقلته هنا للناس علشان احذر الناس تاخد بالها من طريقها علشان محدش يتكرر معاه نفس الموقف مش علشان اكره صاحب عربيه فيها اكيد يعنى !!
ولو هى معاك وانت مقتنع ان الناس كلها بتهاجمها وغيرانه منها يبقى متشغلش بالك بكلام الناس طلاما انت واثق فيها اوى كده ومجرد انك دخلت ترد بتهجم كده وتتهمنى بالنفاق !! ده معناه اصلاً انك بتحاول تقنع نفسك بالعكس وان نفسيتك مش صافيه ومش دول اللى انا موجه البوست ليهم وبالتالى مش هرد على اى بوست لحضرتك تانى

تحياتى

رد: يوم لا ينسى ابداً لكيا سيراتو مهزلة بكل المقاييس !!!!!
 

ياباشا انا مقارنتش سيراتو بكورولا خالص اكيييد ولا ينفع انى اقارن زى ما قلت دى فئة سعرية غير دى انا كل اللى قلته فى ردودى ترتيب العربيات بالنسبة لرايى الشخصى وحط تحت كلمة رايى الشخصى دى 3 مليون خط انا بالنسبالى انا ركوبة التويوتا احسن بكتير جداً من اى عربية تانية عربية اقتصادية واعتمادية وركوبة ناعمة لشوارع مصر متحسش بالطريق وصوت موتورها ينسى كتير من المشاكل وان هم اول ما اكتشفوا العيب اعترفوا بيه وسحبوا عربيات دى يزود ثقتى فيهم اكتر انما اركب المانى صحيح هركب عربية ممتازة بس هبقى ماشى خايف عليها وكمان محتاج بنزينة وراها وقطع غيار نار انا بالنسبالى انا ابقى راكب عربية ناعمة ومتكلفنيش وكمان منتشرة يعنى متبقاش حاجة غالية وفخمة قدام الناس حد يبص عليها ربنا يكفينا شر العين يا رب يبقى انا اشتريت كل حاجة وده برده فى رايى انا الشخصى
انا مقلتش طلع عليه انا قلت فعلاً انه دخل فيه بالاكصدام من تحت والاكصدام اتقطم لو حضرتك قريت الموضوع !!
لكن لمجرد خبطة فى الاكصدام كل ده يحصل ده اللى انا بتكلم فيه فى العربيات الالمانى اسمع انه لازم الحادثة توصل لتلت الكبوت يتدمر تقريباً علشان الايرباج يفتح !!
وبالرغم انى مسجل من قبل ما سيراتو تنتشر يعنى التوكيل كان عارف انها هتنتشر وبعتنى من بدرى اوى ما شاء الله ناس عندها بعد نظر :D !!

ياباشا انا عارف ان اللى حصل مع صاحبى ده موقف غريب ويضايق اى حد وصعب ان حد يتوقع ان العربية تتبهدل كده بس انا بعتذر لاى حد مالك العربية لو اثرت على حبه لعربيته بكلامى بس ده مش غرضى انا غرضى انى احذر الناس وربنا يسترها معانا فى طرقنا يارب