رد: يوميات رينو رينبو ... اسعار قطع غيار وكل شيئ عنها
 

شكرا لك اخى الفاضل هو الميكانيكى لسة مظبط التاكيهات لان من كتر السخونية كان الجوان وش السلندر بيسرب وكمان الريداتير كان مسدود ومفيش حد عارف فلما اكتشفت العيب جوان وش السلندر غيرتة ومع التغير الميكانيكى ظبط التاكيهات هل فى واحد متخصص للتاكيهات فقط ام الميكانيكى اللى يقوم بعمل ظبط التاكيهات طيب بالنسبة للمياة احط مياة خضرا مع ان فى ناس خوفتنى منها قالت انها بتاكل الجوان ولا اخلينى فى المياة المعدنية وخلاص وشكرا ليك مرة اخرى معلش بالنسبة لمقاس ثغرة البوجية اظبطها على كام وشكرا اخى الفاضل

رد: يوميات رينو رينبو ... اسعار قطع غيار وكل شيئ عنها
 

معلش اخى الكريم طب زيت مصر1 هو زيت تخليقى ولا معدنى اصل صاحب العربية معودها ةعلى المعدنى وانا بحطلها معدنى ينفع احط تخليقى مع العلم انها عاملة 170 الف كيلو وشكرا

رد: يوميات رينو رينبو ... اسعار قطع غيار وكل شيئ عنها
 

مش مهم يكون ميكانيكي او متخصص تاكيهات المهم يكون عارف المقاس المضبوط لضبط التاكيهات كام
بالنسبة لزيت مصر1 زيت معدني حرام تحطلها تخليقي الا اذا كنت عامل عمرة والموتور مفهوش ولا مللي خلوص وساعتها بردو ممكن تحط معدني

رد: يوميات رينو رينبو ... اسعار قطع غيار وكل شيئ عنها
 

بالنسبة لموضوع المياة الخضراء انا بحطها من فترة كبيرة جدا وعمرها ما كلت جوان ولا حاجة ولعلمك الميزة الاهم من انها بتبرد هي انها بتقاوم الصدأ وعن تجربة بس ياريت تجيب مياه خضراء كويسة زي IADA او المياه السعودي اللي اسمها SPEED او اي نوع يكون مضمون ويكون نوع مرخص
ولو حظك حلو تلاقي مياه اسمها GET SUN جركنها 2 لتر بـ13 جنيه تقريبا ومع انها صيني بس بجد مياه نظيفة جدا وحسيت بفرق لما استخدمتها ولو انت قريب من كارفور عندهم مياه اسمها NUMBER 1 دي كويسة ورخيصة لانها انتا ج مصنع مصري مرخص وهو مصنع الهلال وواخدة ترخيص بالتصنيع

رد: يوميات رينو رينبو ... اسعار قطع غيار وكل شيئ عنها
 

شكرا لحضرتك بس يا ريت حضرتك تقولى بتظبط ثغرة البوجية على كام معلش سؤال اخر هى الرينبو ليها اسم تانى غير دة اصل بروح اظبط زواية هو عندة برنامج لكل عربية على الكمبيوتر بقولة اسمها رينو رينبو مش موجودة خالص حتى انا بدخل على مواقع واكتب رينو رينبو مش موجودة خالص هل ليها اسم تانى وشكرا ليك