مصر موتورز مجتمع السيارات - أزاى تتشتم أو تتسبب فى حادثة؟ موضوع تخيلى

طيب دايماً بيقولوا (و إحنا مبنسمعش الكلام):
تجنب خطأ الغير

يعنى خير اللهم إجعله خير, لما تبقى ماشى فى شارع حارة واحده,و الإنتظار صفين موازى للرصيف, و تلاقى واحد محضّن فى نص الطريق و مشغل اللإنتظار, تحاول تعدى من جنبه بالراحه تلاقى العربية إللى راكنه على الجانب الإخر من الشارع (قصاد الأخ إللى واقف ده) يروح طالع من مكانه فجأه, أو يفتح الباب علشان ينزل من غير ميتحول فى عنيه و يبص فى المرايه أو حتى يتعمى و يشوف النور العالى إللى جاى وراه. يبقى حادثه أكيد و مفيهاش تجنب خطأ الغير. لأنك مش هتلحق.

و لما تبقى ماشى على الكورنيش و تلاقى توكتوك مليان ناس و ماشى عكسى و يروح مسابق الريح و معدى الشارع علشان يدخل اليوتيرن إللى فى نص الطريق, و طبعاً بسرعه من أقصى اليمين لأقصى اليسار. تتجنب خطؤه إزاى؟
طيب و لما الحمار إللى سايق التوكتوك و هو بيعمل الحركه إللى معملهاش شوماخر نفسه, و ييجى فى نص الكورنيش بالضبط, و عكسى, و بيعدى علشان اليوتيرن, و محمل ييجى 5 أشخاص منهم 2 سيدات كبار فى السن ... و يعطل فجأه. تعمل ساعتها إيه؟
- أكيد هتحمد ربنا إنه ما تقلبش, عطل بس, و تنزل تزق معاه التوكتوك.:10F925~165:

بجد شوارع مصر و أساليب السواقه فيها كلها نيد فور سبيد موست وانتد كاربون أندرجراوند 2 سبيشيال إديشن MADDRIVE