مصر موتورز مجتمع السيارات - اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...

اقتباس:

المشاركة الأصلية كتبت بواسطة amr elkholy (المشاركة 383645)

لو سمحت يا استاذ حسام
حضرتك قولت ان العربية اللى فيها فتيس اتوماتيك مش بيكون فيها دواسة دبرياج لان فيه حاجة اسمها محول العزم بيعمل عمل الدبرياج اتوماتيكيا عن طريق ضغط الزيت (الهيدروليك) .. و المنظومة دى معقدة جدا للاسف علشان كدة مش اى ميكانيكى يصلح فتيس اتوماتيك ...
والى انا اعرفه ان الواحد لما يدوس فرامل لازم يدوس دبرياش وبعدين يدوس فرامل
ولو مدس دبرياش العربيه تبطل منه ممكن تفهمنى معنى كلامك ده ايه

من عينى يا باشا ..

دلوقتى انتا عارف ان المانيوال لازم ندوس دبرياج قبل ما العربية تقف خالص علشان متبطلش .. صح ؟؟

الاتوماتيك بقا مفيش غير بنزين وفرامل بس ومفيش دبرياج ..

واللى بيحصل انك لما تجيب السليكتور بتاعه (الفتيس) على وضع D او R (السير للامام او للخلف) بتلاقى العربية بتمشى لوحدها سلانسية (يعنى كانك ماشى بالدبرياج بس فى المانيوال) ..

وطبعا علشان تحكمها بتبدأ تدوس فرامل .. وساعتها العربية مش هتفصل منك زى المانيوال .. ودى بقى وظيفة من وظايف محول العزم ...

شرفت الموضوع يا غالى .. واى استفسار تانى تحت امرك ...

رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...

جزاك الله خيرا

رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...

الموضوع جميل جدا بس الصور مش باينة ... ربنا يكرمك على مجهودك دا يا باشا

رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...

السلام عليكم
ازيك يا حسام يارب بخير علطول
الفتيس عندة غيرتله البلي والخشونه راحت
وبقي ونه خفيفه ع الاول و التانى صوتها شبه صوت العربيه وهى راجعه مارشدير
ودقره فى عصاية النقلات
العفشجي حل العصايا وزيتها وحاول يظبطها معرفش
وقالى الفبره عندك عاوزه تتغير هحاول اجيبلك فبرة الفيرنا بتكون ناعمه وتسنطرلك النقله مظبوط
النقلات عندى مرحله بمعنى مثلا الثالث لازم ازود الاتجاه لليمين عن الطبيعي
لقيت عند بتاع الزيت انبوبه امريكانى بتضاف لزيت الفتيس بيقولوا بتضيع اى صوت وبتنعم النقلات
سالت العفشجي عليها قالى متجيبهاش ملهاش لزمه ؟
مانيوال الاكسيل مكتوب فيه كمية زيت الفتيس 1.8 لتر والعفشجي حطلى 2.5 لتر
وكمان مكتوب لزوجة الزيت 75-85 وانا حاطط موبيل 80-90
هل كمية الزيت ولزوجته يفرقوا فى تحسين الاداء
وايه المطلوب اعمله
وشكرا جزيلاGIFT4U

رد: اجزاء السيارة بالصور .. (الجزء الثانى : الفتيس المانيوال والاتوماتيك) .. حصريا من حسام البورسعيدى ...

الف شكر يا باشمهندس بجد جزاك الله خيرا