رد: كل ما يخص بيجو 405
طيب انا دلوقتى عندى شك فى حكاية المساعدين الخلفى
هل التحميل الخلفى بيبقى على المساعدين و لا العربية بتتحمل على سوست؟ اللى انا عارفه ان المساعدين بتمتص الصدمات مش بترفع العربيةو المفروض اللى بيشيل العربية هى السوست. فهل ممكن تقولى اذا كانت ال405 متحملة من الخلف على سوست و لا لأ؟ انا خايف أغير مساعدين و ادفع 1000 جنيه و فى الاخر ألاقى العربية زى ما هى و أسف على الاطالة |
رد: كل ما يخص بيجو 405
اولا انت هتعرف العربيه عيزه مساعدين خلفي ولا لا لو لقيتها جيبه زيت و بترزع في المطبات
و بالنسبه لل 405 ملهاش سوست في الخلف العربيه محمله علي الدنجل الهو عباره عن زمبرك برده بيرجع العربيه لحالتها الطبيعيه بعد التحميل و الامامي لو العربيه واطيه اوووي يبقي لازم سوست و جرب العربيه برده و شوفها لما بتاخد مطب بتفضل تتهز ولا لا |
رد: كل ما يخص بيجو 405
العربية من الخلف حنينة فى المطبات و بتاخد المطب و تثبت على طول
المشكلة لما حد بيقعد فى الكنبة الخلفية ... العربية بتنزل ما بتطلعش ... لكن بالرغم من نزولها .... بتبقى حنينة فى المطبات و اللى بيقعد ورا ما بيشتكيش اطلاقا علشان كدة انا شايف ان العيب فى السوستة ممكن تقولى ايه رأيك فى الكلام ده؟ و لو سمحت تقولى ... هل الدنجل بيبقى بعرض العربية؟ و لا بيبقى سوستين .. واحدة فى كل ناحية يعنى؟ بالنسبة للمساعدين الأمامى .... العربية ناشفة فى شوية فى المطبات .... و انا هاغيرهم لكن عاوز أعرف سعر السوست بالمرة و شكرا لسعة صدرك |
رد: كل ما يخص بيجو 405
بص يا سيدي الدنج ل مفهوش سوست
و بالنسبه للمساعدين الامامي مش هتقل عن 1400 جنيه الاصلي و المونرو محترم جدا جدا و ب 800 جنيه و السوست معرفش ثمانها كام بصراحه |
رد: كل ما يخص بيجو 405
دى بقى جديدة
لاحظت من يومين وجود نشع فى اسفل حوض الموتور مستوى زيت الموتور تمام و زيت الفتيس تمام و الفرامل تمام و مفيش تنقيط يعنى نشع فقط .... القاعدة عليها زيت ربنا يستر .... دى ممكن تبقى من ايه بقى؟؟؟؟؟ |
الساعة الآن 03:54 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017