|
|
رد: رحلة الى الصين
بصراحة موضوع راااااائع جدا ...
تسلم ايدك ومستنى الباقى على احر من الجمر ... |
الخلايا الجذعية
في الفترة الاخيرة سمعنا كثيرا عن موضوع الخلايا الجذعية ، وقد لاحظت انقياد المستمعين للأمر إلى احد الطرفين
طرف يهاجم الخلايا الجذعية بشدة خصوصا في بعض الامراض والطرف الاخر يؤيد العلاج بالخلايا الجذعية بشدة حيث يعد بارقة الامل الاخيرة في العلاج الدنيوي لدى الكثير من المرضي اما الامل في الشفاء فهو بيد الله عزوجل فما هو الموضوع بالتفصيل؟ كيفية عمل الخلايا الجذعية ؟ وما رأيكم الخاص في الموضوع ؟ ما هي تجاربكم معها؟ وما رأي السادة الاطباء في مصر موتورز في الموضوع ؟ |
رد: الخلايا الجذعية
على ما أذكر وبدون مساعدات خارجية من البروفيسير جوجل, الخلايا الجذعية هى خلايا أساسية أو مبدئية, هى أساس الأجنة وأساس تكوين الأنسان فى الرحم, يمكنها التشكل لتكون اى خلايا فى الجسم البشرى بما فيها خلايا المخ, ويمكن استخدامها فى علاج أمراض عديدة قد تؤدى بحياة المريض كالسرطان والأورام ولأعادة تكوين أنسجة مفقودة أو متضررة من جسم الانسان ومش فاكر الباقى صراحة.
مصدر الخلايا الجذعية هى الاجنة والمشيمة, وفيه بنوك حاليا لتجميد "المشيمة" لأستخدام الخلايا الموجودة بها تحسبا لأى طارئ فى المستقبل, ده لو الام ماكلتهاش علشان تستفيد من البروتين والمعادن والفيتامينات وباقى المغذيات اللى فيها:) العلاج بالخلايا الجذعية من رأيى علاج جذرى, وحل للعديد من الأمراض, والحديث عن حرمانيتها وقانونيتها بصراحة حديث عقيم, وبيفكرنى بالفتوى اللى طلعت فى باكستان لو حضرتك فاكرها اللى أفتت بمنع أخذ لقاح شلل الأطفال علشان .........., والباقى معروف. العلاج بالخلايا الجذعية يمثل بارقة أمل لعديد من المرضى, و ناس كتير هتموت عقبال ما نخلص كلام فى قانونيته وحرمانيته, زى زراعة الأعضاء بالظبط. وزمان كان عندى نظرية عبقرية بتقول ان زعيمنا ربنا يديه الصحة عمره ده مش طبيعى بالنسبة لمتوسط عمر الأنسان المصرى, والخلايا الجذعية نطت فى دماغى:). الكلام ده من دماغى, لو دورت ممكن نعمل ابحاث ودكتوراة فى الموضوع, فمستنى رأيك يادوك ورأى أطباء المنتدى, فينك يا دكتور تامر؟ |
رد: الخلايا الجذعية
تسلم يا عمور على الرد السريع بس برضة نحب نسمع رأي الاطباء خصوصا ان فيه خلاف بينهم اصلا
وعلى فكرة انا والدي كان رايح يعمل خلايا جذعية علشان الكبد وانا منعته وبشده وقتها بعد ما زعل مني وقفل معايا فترة جاله تليفون الو ايوه ازيك يا حاج احمد الحمد لله ازيك انت الحمد لله عرفت اللي حصل خير حصل ايه فلان وفلان وفلان مالهم الأول والتاني توفاهم الله والثالث في العناية المركزة ليه حصل ايه خير راحوا يتعالجاو بالخلايا الجذعية وقلنالهم الموضوع في التجارب وانتو صحيا متستحملوش التجارب خليكم لما الموضوع يتعمل بشكل افضل مسمعوش الكلام طبعا الكلام ده حصل من فترة ( الناس اللي توفاهم الله والمكالمة كانت من اسبوع ) لكني عرفت بيه النهاردة الصبح ولقيت الوالد بيبصلي بنظرات غرييييييييييييييييييييبة وفي مجالي كتير اولياء الامور بيسألوني على تجريب العلاج بالخلايا الجذعية لكني كالعادة بقولهم الله اعلم مفتيش في حاجة معرفهاش لكن اللي اعرفه يا عموره مش زي منت قلت اللي اعرفه فيه حاجة بتتاخد من الجسم وبيتعملها تحليل وفصل العناصر اللي فيها وبيتم حقنها تاني للغرض المخصصة ليه وكل خليه بتروح على المكان اللي المفروض تنشطة لكن ايه الالية الي بتحصل بالضبط الله اعلم |
رد: الخلايا الجذعية
ربنا يشفى الوالد يادوك,ويخليهولك ويشوف أحفادك بأذن الله.
أنت خلتنى أعمل شيرش, وأكتشفت شوية حاجات جديدة عن نخاع العظم ودماء الحبل السرى على حبة باثولوجى, وصعب قوى ألخص الكلام هنا. بس حاليا العلاج بيستخدم بصفة عامة فى علاج الخلايا المتضررة من السرطان عن طريق نخاع العضم من متبرع, علشان الخلايا الجذعية الموجودة فيه تستبدل الخلايا المتضررة والميتة من العلاج الكيماوى, وليه أستخدامات تانية كتير بس كلها تجارب لم تعمم مثل العلاج السابق. وعلاج الكبد بالذات حسب بروفيسير ويكيبيديا علاج تجريبى لسه بيتم تطويره وتجربته. والخلايا الجذعية زى أى حاجة تانية ممكن الجسم ميقبلهاش والجهاز المناعى يستعبط وهوب, قضى الأمر, علشان كده الأطباء فى الغالب بيعملوا مزارع خلايا من عينة من ال stem cells بتاعة المريض علشان يقللوا فرص رفض الجسم ليها. ده لينك للمقالتين, واحدة عن الstem cells والتانية عن ال treatment http://en.wikipedia.org/wiki/Stem_cell http://en.wikipedia.org/wiki/Stem_cell_treatments أنا شبه واثق أن حضرتك دورت, بس فى الاعادة أفادة :) وقرار حضرتك أنك تمنع العلاج ده عن الوالد كان فى محله, الموضوع لسه تجريبى بشكل كبير, وفى مصر طبعا الحاجات دى انتحار, والله العيان فى مصر ده ربنا له :(, ربنا يبعد عننا المستشفيات. أنا حاسس أنى خدت مساحة كبيرة من الموضوع, وأنى بفتى فى حاجة غير تخصصى, ممكن حضرتك تبعت رسالة لدكتور تامر بلينك للموضوع, علشان الفائدة العامة :) |
رد: انا الدنيا
السلام عليكم و رحمة الله و بركاته و الله كلام حكم فعلا , ربنا يباركلك ان شاء الله . MERCEDES S500 |
وقف بث قنوات "الحافظ" و"الناس" و"الصحة والجمال" و"خليجية"
وقف بث قنوات "الحافظ" و"الناس" و"الصحة والجمال" و"خليجية" الثلاثاء، 12 أكتوبر 2010 - 15:12 اعتمد أسامة صالح رئيس الهيئة العامة للاستثمار القرارات الصادرة عن مجلس إدارة المنطقة الحرة العامة الإعلامية أمس الاثنين، بإيقاف بث قنوات "خليجية" و"الحافظ" و"الصحة والجمال" وقناة "الناس" التابعة لشركة "البراهين" العالمية، بشكل مؤقت اعتباراً من بعد غد الخميس، وذلك لمخالفة الشركة لشروط الترخيص الممنوح لها على الرغم من سابق إنذارها عدة مرات، ويستمر الإيقاف لحين توفيق الشركة لأوضاعها وقيامها بإزالة أسباب المخالفة. كما تقرر توجيه إنذار لقناتى "أون تى.فى" ON TV التابعة لشركة "هوا ليميتد" وقناة "الفراعين" التابعة لشركة "فيرجينيا للإنتاج الإعلامى"، وذلك لمخالفتهما أيضاً لشروط الترخيص الصادر لهما. وأكد رئيس هيئة الاستثمار أن هذه القرارات تأتى نتيجة رصد بعض المخالفات لشروط التراخيص الممنوحة لهذه القنوات، مشيراً إلى أن مجلس إدارة المنطقة الحرة العامة الإعلامية قام بإعداد مراجعة للضوابط العامة والخاصة للعمل بالمنطقة الإعلامية، وإضافة بعض الضوابط العامة والمبادئ التى يتعين على جميع القنوات الفضائية مراعاتها مستقبلاً فيما تقدمه على شاشاتها، وذلك بهدف ضمان مزيد من الالتزام من جانب القنوات بميثاق الشرف الإعلامى ومبادئ العمل بالمنطقة. وأشار أسامة صالح إلى ضرورة التزام جميع القنوات الفضائية بآداب وأخلاقيات العمل المهنى وبميثاق الشرف الإعلامى فى كل ما تبثه على شاشاتها، انطلاقاً من أن حرية الرأى والتعبير تنتهى حدودها عند التسبب فى إحداث الضرر أو الأذى للمجتمع أو للمتلقى بشكلٍ عام، وأن حرية التعبير لا تعنى تقديم مواد علمية أو إعلامية تثير الفتن والكراهية، أو تنشر ما هو غير صحيح علمياً أو فكرياً أو عقائدياً بين الناس، وإنما الاستفادة من ارتفاع سقف الحريات لتحقيق ما فيه نفع الوطن وصالح المواطنين. ومن جانبهم أفاد خبراء بأن القرار يأتى فى إطار إعادة ترتيب النايل سات، ووقف كل ما من شأنه إثارة الفتنة أو الاحتقان بين المواطنين. |
| الساعة الآن 04:31 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017