رد: رحلة الى الصين
 

رد: رحلة الى الصين
 

لم افهم هذه النقطه جيدا

حيث سار بنا الأتوبيس حتى هونج كونج لمسافة كبيره فكيف يمكن قطعها سيرا

عموما هناك جزء فى اليوميات خاص بهونج كونج

تحياتى

رد: رحلة الى الصين
 

(11)

جاء الرجل و لنطلق عليه مستر بيل فى الموعد و قد احضر لى هديه بسيطه – أو هكذا تخيلتها – و هى عباره عن علبتين من الشاى و لكنه طلب منى الأحتفاظ بهم حتى الرجوع للوطن و علمنى طريقة عمل الشاى منهم و كنت قد اشتريت له هديه من السوق الحره بالقاهره قبل سفرى . و بعد اخذ بعض الصور التذكاريه توجهنا للمعرض و من لحظتها تحول الرجل للمرشد السياحى و السياسى و الأجتماعى لحضرتنا . و قد عصرت الراجل أسئله لكى يفهمنى مالم أفهم .

و أول سؤال كان عن لون ازياء رجال الشرطه فأجاب بأن الأزرق للشرطه و الأخضر للجيش أى أن الجيش هو ما يتولى جميع أمور الأمن فيما عدا المرور و بعض الأمور البسيطه الأخرى . و عن الشرطى الواقف أمام الأوتيل يسجل أرقام التاكسيات فهذا مهمته فى حال نسيت شىء فى التاكسى أو السائق غالطك فى الحساب أن يحضر جميع السائقين فى الموعد الذى ركبت فيه لكى تختار واحدا هو سائقك و يجيب حقك منه http://www.egyptiantalks.org/invb/st...fault/ohmy.gif .

اما عن السيارات الفخمه فى الشوارع فهى لمديرو الشركات . و يعنى انت عاوز لما ييجى ضيف أجنبى ( يعنى غير صينى ) نركبه موتوسيكل و لا سياره صغيره.

معظم الشركات الموجوده هناك قطاع عام اى ملك للدوله و القطاع الخاص مساهمته محدوده جدا و مساهمة القطاع الأجنبى محدوده أكثر و معظم الأستثمارات الأجنبيه فى قطاع البنوك و مشاركة رأس المال الأجنبى بالمال فقط يعنى لك أرباح و فلوس بس و تحولها لبره بدون مشاكل بس مالاكش دعوه بأى شىء آخر و لأن رأس المال الأجنبى بيكسب هناك كويس جدا فلا يتكلم عن أى شىء و لذلك نرى الشركات الأمريكيه و الأوروبيه تتقاتل للدخول هناك بأى شروط يفرضها الصينيون.

لا يزال تحديد عدد المواليد بواحد ساريا و بصرامه و اذا العائله خلفت واحد تانى فالدوله تفرض عليه ضرائب و رسوم باهظه لن تستطيع العائلات العاديه دفعها و بالتالى تقوم الدوله بأخد الطفل منهم و تربيته بمعرفتهم و طبعا لا تعليق عندى http://www.egyptiantalks.org/invb/st...fault/ohmy.gif http://www.egyptiantalks.org/invb/st...fault/ohmy.gif .

المافيا الصينيه موجوده فى بعض المدن ذات الأحتكاك بالأجانب بشده و اكبرها توجد فى شنغهاى و هى ميناء رئيسى بالصين و هى مافيا خدومه و مؤدبه أى أنك طالما تدفع الأتاوة الشهريه لمندوب الشركه الأنيق – كما يطلقون عليها - بانتظام فلن يحدث لك أن نوع من المشاكل 444546و اذا كان لك فلوس عند واحد و عندك دليل على الفلوس فياخدوا 10 % منها و يجيبولك الفلوس اما بدون دليل فلا ...لأن هذه النسبه تقسم بين الفرع اللى انت تبعه و الفرع اللى الراجل التانى تبعه. و هناك تسعيره أخرى لعمليات التأديب و التخويف بل و الأغتيال و حسب أهمية الشخص نفسه .

هذه الظواهر جاءت نتيجة الأنفتاح كما قال لى مستر بيل و هى تتركز فى شنغهاى بالخصوص.

عندما وصلنا للمعرض طلب منى مستر بيل ان اتوجه معه للأستقبال لكى يتمكن من استخراج تصريح دخول لنفسه على أساس انه مترجم خاص لى و قد كان وهناك عرفت انه يمكن استئجار مترجم أو مترجمه شخصيه http://www.egyptiantalks.org/invb/st...fault/cool.gif تكون مرافقه معك بقيمة تتراوح بين 100- 300 دولار و لكن يجب عليك ان تكون صاحى لنفسك لأن المترجم ممكن يعمل شغل مع البائع من ورا ظهرك .

هذه الظاهره منتشره بشكل ضخم . أى ظاهرة البيزنس من تحت الترابيزة و العمولات الخاصه و السمسره و بشكل يكاد يكون شرعى و معترف به لكن غير رسمى يعنى مثلا انا عاوز بضاعه من مستر لى و اتفقت معاه على سعر لكن مستر لى لا يستطيع ان يصدر و الشركه اللى هاتصدر هى شركة مستر بيل فاعمل حسابك ان فيه عموله خاصه لمستر بيل هاياخدها منك مثلا 3 % غير العموله اللى مستر بيل هاياخدها من مستر لى . لكن العموله دى مش عاشان يمشى الورق زى عندنا http://www.egyptiantalks.org/invb/st...ult/tongue.gif …لآ دى علشان يتأكد من مواصفات و كمية البضاعه و تبقى تحت مسئوليته . و هناك عندهم شركات أخرى للتأكد من انك لا تتعامل مه شركة وسيطه و أنك تتعامل مع شركة سمعتها كويسه ….الخ

الناس دى تعمل كل وقت و اى وقت و دايما . اتذكر اننى كنت اطلب مستر بيل فى أوقات العمل عندنا بكل بساطه http://www.egyptiantalks.org/invb/st...ault/blink.gif . لما رحت هناك تذكرت انى ممكن اكون طلبته فى الساعه 3 الفجر او الساعه 1 الفجر و الراجل رد على بمنتهى البساطه و اتكلمنا على الماسنجر و بعت فاكسات و ايميلات و رد عليهم . كل ده من بيتهم و راح تانى يوم الشغل عادى . لما سئلته عن هذا الموضوع اخبرنى بأنه ده عادى جدا و انه عنده فى البيت اوراق للشغل و انهم متفهمين فروق التوقيت لباقى العالم عنهم و انه عنده بنت فى الجامعه و محتاجه مصاريف علشان تدرس.

كيف يمكن أن نتفوق على بشر كهؤلاء ………….. انسوا

http://www.egyptiantalks.org/invb/st...ault/blink.gif

يتبع ......

رد: رحلة الى الصين
 

النظام في اي مجتمع والامانه والشعور بالوطنية والخوف علي البلد هو اللي بيصنع المعجزات
طالما عايش كويس وواخد حقك

رد: رحلة الى الصين
 

مش عارف بالنسبه للصين التعريف ده منطبق ولا لأ

لكن ما اعرفه هو انك اذا لم تعمل هناك بأقصى جهد و طاقه و فكر .... فلن تجد ما تأكله

بصدق و بالفعل ... لا توجد رحمه أو تساهل من أى نوع فى هذا الموضوع

رد: رحلة الى الصين
 

(12)


سألت مستر بيل عن سعر مكالمة الموبيل فأخبرنى انها حوالى 3 سنت امريكى . و عن كون المدينه عباره عن نصين فأجاب :
ان المدينه الأصليه هى الأحياء الفقيره اللى شفتها و التى يقيم بها العمال . و لأن المدينه بعد التحولات الأقتصاديه التى تمر بها الصين تحولت لأحدى واجهات الصين فيتم تقسم المدينه الى بلوكات و يتم بناء عمارات للسكان و العمال المقيمين بها بداخل المدن الصناعيه التى يعملون بها ثم يتم ترحيل هؤلاء السكان للعمارات الجديده و بعدها يتم هدم الأحياء القديمه و انشاء احياء جديده يتم فيها تسكين من تحتم ظروفهم الأقامه بالمدينه لتعاملهم مع الأجانب كمديرو الشركات و القائمين على المبيعات و التعاقدات و المترجمين و خلافه .

فهمت ساعتها لماذا اسماء الشوارع مكتوبه بالصينى و الأنجليزى .

سألته عن معلوماته عن مصر بصفه خاصه و الشرق الأوسط بصفه عامه فقالى انه يعرف الاسكندريه ( طبعا لأن دى ميناء الوصول للسلع اللى بيصدروها ) و انهم بيصدروا سلع كثيره لمصر و اسرائيل و السعوديه و الرحل تكلم بدون تحفظ بما يعنى انه ليس لديه خلفيه سياسيه عن الصراعات بالشرق الأوسط و انا طبعا مافوتهاش و اديتله محاضره .... بعدها كل ما افتح الموضوع الراجل يزوغ .

المهم سألته لماذا لم اجد الا مكان واحد يتعامل فى الكورال ( آسف المرجان يعنى ) . قال لى لأنه بيتصدر الى هونج كونج فأنا استغربت …. بيتصدر قال ايوه ....

و هنا اتفتح موضوع هونج كونج .

هونج كونج كانت مقاطعه مؤجره لبريطانيا أعتقد حتى عام 1997 و لما رجعتها للصين عملوا اتفاقيه غريبه شويه اسمها بلد واحد و نظامان . اى تحتفظ هونج كونج بنظامها السياسى و الأقتصادى و الحدود وكل حاجه بس هى سياسيا تابعه للصين و سكانها يخشوا الصين و يخرجوا عادى و العكس ليس صحيح وده كان شرط صينى . و زى هونج كونج هناك ماكاو و دى كانت مستعمره برتغاليه و اصرت البرتغال على اعادتها للصين و لكنها تتبع الصين دلوقتى بس مش بسياده كامله زى هونج كونج . كما توجد ايضا تايوان و هى آخر الأجزاء المقتطعه من الصين و لأنها حمايه أمريكانى فلا يزال يوجد عليها مشكله كبيره.

بالمناسبه الصين هى الدوله الوحيده اللى حصلت من مايكروسوفت على كود المصدر للويندوز . يعنى بنظام " لو مش عاوز تجيبه يا بيل يا جيتس خلاص ماتضايقش نفسك ". السيديهات المنسوخه و الأغانى الغربيه مرطرطه فى الشوارع بكميات مهوله بس بدأ بتوع مكافحة المصنفات يلموها .

عندما سالت مستر بيل لماذا لا يدخل الصينيون المعرض – زى عندنا كده فى معرض القاهره – قال علشان ايه يدخلوا ..... المفروض الأجانب بس علشان يعرفوا يتفرجوا و يشتروا براحتهم و مفيش أى استثناءات من اى نوع الا بالتحايل زى ما عملنا .

كان قد انتهى وقت المعرض فأخبرته بأنى عازمه على الغدا بس بشروطى …..


يتبع ....

رد: رحلة الى الصين