مصر موتورز مجتمع السيارات - للرد على استفسارات الاعضاء والدعم الفنى لمالكى الفيرنا

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

اقتباس:

المشاركة الأصلية كتبت بواسطة tonsy1979 (المشاركة 632330)

شوف فايظ التانك ده عبارة عن وصلة متوصلة من اعلى زور التانك الى اعلى سطح التانك ودى وظيفتها بتخرج الهواء الموجود من التانك اثناء فراغه من البنزين واثناء تفويله بالبنزين وده لو فيه مشكلة هتلاحظها اثناء تفويل العربية بالبنزين هتلاقى المكنة بتاعة المحطة بتفصل باستمرار مع ان التانك فاضى اكنه مليان
اما بالنسب لخطين داخل وخارج الطرمبة فدول بيبقوا كالاتى
خط خارج من الطرمبة بينقل البنزين للمانفولد بتاع الرشاشات ولو فيه بنزين زيادة بيقوم راجع عن طريق الخط التانى لذهاب البنزين الزيادة الى التانك مرة اخرى وده ممكن يكون سبب المشكلة عندك لو مسدود يشرق العربية وتبطل

شكرااا بجد يا عم تونسي علي الاهتمام وهجرب وهبلغكم بالنتايج اول بأول ...وربنا يسرلك امرك ويصلح مابين ايديك ............ :-)

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

تونسى ده عضو محترم وخدوم فعلا

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

انا بسأل كتير في الموضوع ده ومصدعكم انا عارف بس استحملوني بقى D:
انا المية في القربة كنت مزودها عند صيانة ال1000 لحد العلامة , دلوقتي انا عامل 4200 والمياة تلتينها خلص , ده طبيعي ولا ايه ؟؟؟ وهو اصلا مش المفروض ان طول ما دورة التبريد سليمة المية متنقصش ؟؟؟

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

يعنى 4200ك دول عملتهم فى قد ايه يعنى لو خلال شهرين تلاتة اعتقد انه طبيعى يحصل معدل النقص ده
وحكاية ان المية متنقصش طالما دور التبريد سليمة لا طبعا لازم تنقص بس بسيط فى الشتا وبتزيد فى الصيف متنساش ان فى معدل بخر بيحصل وفى خرطوم فايظ فى القربة علشان يطلع البخر ده
وعموما حاول كل 4 ايام تتابع المية والزيت واعملها عادة خصوصا وان الصيف داخل وشكله حر جامد:fun_36_3_4[1]:

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله

لو سمحتم انا عاوز اغير اسطوانة وديسك
1- فهل لازم اشتريهم من التوكيل
2- اركب فى التوكيل ولا مش لازم
هل لازم لما يركبوا يبقى صنايعى ممتاز ولا ليهم ظبط بمعدات خاصة فى التوكيل فيبقى التوكيل احسن
اصل التوكيل التكلفة 1800 جنية شامل التركيب
ولا امشى حالى واجيب من نافع اللى فى ميدان الجامع واركبة برة وخلاص
خلاصة السؤال هو التوكيل بيركب بتقنية مش موجودة برة بالنسبة القطعتيين دول ولا بردة مجرد صنايعى هو هو ومافييش استخدام او ضبط بالكمبيوتر