مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

السلام عليكم سوال محيرنى عندى هونداى اكسل موديل 97 1500 cc السوال هو فى هونداى اكسل يابانى وهونداى اكسل كورى لانى رحت لامكانيكى وقالى عربيتك كلها يابانى وكمان الماتور انا شارى العربيه منذ شهرين وعملت عمره ماتور طقم شنبر ارجو الافاده وشكرااااااا

رد: رابطة مالكى الاكسل

اقتباس:

المشاركة الأصلية كتبت بواسطة امين فتحى (المشاركة 547100)

على حد علمى المتواضع
ان الهيونداى عامة والاكسيل كوري ولحد 95 او 96 تقفيل كوري وبعد كده تقفيل مصري
وموتورها هو هو بتاع موتور اللانسر صفيه واللانسر البطه عشان كده بيقولك يابانى
وممكن يكون فى اجزاء فى العفشه او كلها متغير الى قطع صنعها يابانى
ربنا يباركلك فيها ويحفظ طريقك
وكل عام وانتم بخير

رد: رابطة مالكى الاكسل

السلام عليكم
كل سنة وانتم طيبين

عندى طلب صغير - مجموعة خراطيم الكربيراتير الموجودة على شمال الماتور تقريبا فى نص العربية - يا ريت لو حد عنده التوصيلات دى متوصله صح يصورها لنا عشان نستفيد منها.
انا حاولت اطلعها من كتالوج الصيانة لكن معرفتيش
سؤال تانى عربيتى موديل 93 اوتوماتيك - 1500 خليجى - عداد 190 الف - ما شاء الله حالتها كويسة جدا
لو حبيبت ابيعها تعمل كام تقريبا ؟

رد: رابطة مالكى الاكسل

السلام عليكم السياره عندى الصبح او اى وقت بتكون بارده لازم ادوس على دواسه البنزين مره او مرتين من غير كده السياره لم تعمل فهل هذا فلتر البنزين

رد: رابطة مالكى الاكسل

اقتباس:

المشاركة الأصلية كتبت بواسطة waelsalah (المشاركة 545983)

ربنا يتمهالك بخير يارب
وياترى روحت لميكانيكي مين ؟

الله يبارك فيك يا وائل باشا
روحت لميكانيكى فى دكياط الجديده فى طريق المطار ( اصل انا لى اقامة برضه فى دمياط الجديدة) حسيت انه بيفهم خصوصا انه معمر فيرنا واكسنت كتير قبل كده ولقيت ثلاثة عربيات بتعمر عنده واحدة مرسيس 190 موديل ثمانيات و اسبرانزا a516 وفيرنا كانت لسه مخلصه عمره غير انه امين وعنده اتقان فى شغله يعنى هو بعد ما فك الموتور نظفه حته حته بالمسمار

حصلى موقف النهارده اول مره يحصل
وانا على سرعة الثالث وجاى اخد دوران فهديت السرعه ومورت وجاى ادي التانى العربيه بطلت وهى ماشيه
ولولا ساتر ربنا دورتها وهى ماشيه درات علطول
الغريب انى بعمل الحركة دى علطول حتى عملتها بعد ما حصلت معايا اليوم ومبطلتش
يا ترى ده من ايه ؟

مفيش منها مشكلة طالما لم تتكرر ممكن تكون بس من دوسة رجليك على الدبرياش وانت مستعجل شيلت رجليك بسرعة
وشكرا جزيلا

العفو يا باشا

رد: رابطة مالكى الاكسل

اقتباس:

المشاركة الأصلية كتبت بواسطة امين فتحى (المشاركة 547614)

الموضوع ده عندى برضه بس لو العربية الشمس كانت عليها فتره الصبح قبل التدوير بتدور على طول
جرب ممكن تعلى العربية شويه , ممكن تدور من اول مرة وهى بارده بس كده ممكن يزيد استهلاك البنزين عندك

رد: رابطة مالكى الاكسل

اقتباس:

المشاركة الأصلية كتبت بواسطة امين فتحى (المشاركة 547100)

ايه الفتوى دى شكله مشتغلش فى الاكسيل قبل كده
بص يا باشا
الاكسيل كلها كورى من الاف الى الياء حتى موديل 95 بعد كده تم تجميعها عند غبور حتى 1998
الموتور تكنولوجيا يابانية وبالتحديد (كما رد عليك الاستاذ وائل ) مأخوذ من متسوبيشى لانسر عيون صفيه والبطة , لكن الموتور مصنع بالكامل فى شركة هيونداى و كل قطع الغيار لو دورت عليها هتلاقيها كورى وفى حاجات من الانسر بتركب عليها

الاحتمال الوحيد ان عربية حضرتك يكون متسقط ليها موتور موتسوبيشى وان كنت استبعد هذا