مرحبا بكم في ملاهي الشقلبة
 

أيها السيدات والسادة مستعدين للشقلبة اذا يلا بينا هيييييهاااا...

هانبتدي بقة الشقلبة مستعيدين؟؟ يوم الخميس الموافق 30/9/2010 في تمام الساعة 12 بعد منتصف الليل هاتقوم حضرة المواطن المبجل المحترم تفز من مكانك وتجيب ساعة الحائط وهايفضل نفس السؤال اللي بيتكرر في نفس الوقت كل سنة لأ وايه دول كتروا المرات يعني مرة من بتاع شهر كدة ومرة من قيمة اسبوع كدة واديها المرة دي والتالتة تابتة زي ما بيقولوا
االمهم نبتدي الطلعة هاتقوم تتنط تجيب ساعة الحيط ده لو باق في ساعة على الحيط دلوقتي وبعدها ساعة الموبايل وساعة ايدك وساعة العربية وسااعة الكومبيوتر يااااااااااه دي ملاهي حلوة قوي بس هايفضل برضه السؤال اللي بنساله في شهر 9 وشهر 4 هي بالزيادة ولا النقصان للدرجة دي باقينا اغبية وللدرجة التكرار مش بيعلم الشطار؟؟!!
بس برضه الحكومة المصرية حويطة دايما بتخليها يوم خميس ليه بقة اكيد الحكاية فيها إنة الإنه ايه بقة انهم يقلبولك حال يومك كله تقوم انت تقوم يوم الجمعة أجازة بقة الشعب كله أجازة تقوم تترنح وتتمرجح وتتأيح وتسأل السؤال الشهيييير (what)هااااا هي الساعة كاااام والجملة كلها في تتويبة واحدة .. وماله صلاة الجمعة فاتتك وماله لكن اهم حاجة ان يوم الشغل ما يفوتكش الاتوبيسس والا...

المهم ايه الهدف بقة قبل ما اعرف هي بالزيادة ولا النقصان أموت واعرف ايه السبب في ناس قالوا توفيرا للطاقة لأصتدم بواقع استيراد الكهربا وتصدير الغاز .. بجد في ايه بقة POLICEEبتشقلبوا حالنا ليه الهي يشقلب حالكم .. طيب لما انتوا هاتلخوها زي ما كانت ماكنتوا تخلوها زي ما كانت ... يووووووه أممكن ...

في الاخر ياسيدي القاريء من زملائي الاحباب والاعزاء والاشقاء العرب وانتوا بتغيروا الساعة حد فيكم يفتكرني وييقولي هي بالزيادة ولا النقصان والنبي اصل كان وراي غسيل يوم الجمعة بس عشان ما يفوتنيش المسلسل كمان ... ودمتم سالمين والسلام عليكمHUUM

رد: مرحبا بكم في ملاهي الشقلبة
 

الهى يتشقلبو ويتشندلو زاى ماهما مشقلبين حالنا
بس الشقلبة دى يا نورا يا ختى على مافتكر كده هاتبقى يوم الخميس 30 / 9 مش 23 / 9
والا انتى عايزة تتشقلبى بدرى والا انا اللى اتشقلبت ومش عارفة وبقيت فى الزهايمر

رد: مرحبا بكم في ملاهي الشقلبة
 

انا كنت فى السودان و قالولى انهم كانوا بيغيروا الساعة زى مصر بس فى سنة من يجى عشر سنين بطلوا الفكرة العبيطة دى و ثبتوا على الساعة بتاعتهم
و الساعة دى نتيجة اعداء الاسلام و المستشرقين منهم اللى فهموا دينا و الحديث بتاع الرسول علية الصلاة و السلام
الشتاء ربيع المؤمن

رد: انصر الحبيب المصطفى محمد صلى الله عليه وسلم و انشرها لوجه الله تعالى
 

حسبى الله ونعم الوكيل

رد: احلى 5 حركات لامتلاك قلب امراه
 

السلام عليكم ورحمة الله وبركاته
اسمحولى اتشرف بالانضمام لمنتداكم الرائع وانا بصراحة متابعة المنتدى من فترة لكن ظروفى ماسمحتش بالمشاركة غير النهاردة ودى تانى مشاركة ليا
وبصفتى زوجة وام وكنت قبل كده انسة ومخطوبة وبحب خطيبى اللى بقى زوجى الان فا انا شايفة انكم متلغبطين معانا خالص رغم ان احنا البنات او الستات اسهل من الماء الزلال
وهى دى الحقيقة احنا زاى المية تحافظ عليها تفضل طول عمرها نقية .... تعكرها ماتبقاش طايق تشوفها او تعيش معاها
ومحدش يقولى زاى المية يعنى بدون لون او طعم او ريحة
اقولكم بالعكس بقى المية مالهاش لون عشان شفافة اللى جواها باين فيها والبنت والست كده اللى فى قلبها على لسانها لا بتعرف تخبى ولا تدارى ولا تتخابث
وطعمها ماتقدرش توصفه وخصوصا لو عطشان وهاتموت على شربة مية بتبقى المية ليها طعم يجنن ومش قادر توصفه وطعم المية دايما عذب طول ماهى رايقة ومش متعكرة
اما الريحة فالمية فعلا مالهاش ريحة يعنى مش متغيرة ولا متعكرة يعنى عذبة على طول طول مانت محافظ على روقانها وعذوبتها
عرفتو بقى ان احنا زاى المية فى كل حاجة
وعرفتو كمان ان احنا اسهل حاجة ممكن التعامل معاها
وكمان اهم حاجة زاى المية
وللحديث بقية ان كان فى العمر بقية

رد: مرحبا بكم في ملاهي الشقلبة
 

هههههه يعني ابتديلكم الشقلبة بدري بدري لأ يا غادة كدة تبقة شقلبة الحكومة ارحم من اني مش عارفة هي امتى بالظبط نورتي الموضوع وادعي ادعي ياختي ساعة المغربية كمان وكمان

رد: مرحبا بكم في ملاهي الشقلبة
 

بصراحة الحكومة الذكية بتاعتنا لا تدخر جهدا في العكننة علينا وعلي اللي خلفونا
واللة بتفكرني بفيلم اسماعيل يس في مستشفي المجانين
ساعة تروح وساعة تيجي