مصر موتورز مجتمع السيارات - ارشيف الاستراحة 2010

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2010 (https://www.masrmotors.com/vb/showthread.php?t=21694)

رد: عايزة اتجوز

اقتباس:

المشاركة الأصلية كتبت بواسطة احمد بدر1978 (المشاركة 234440)

انا صايم ومتفكرنيش عشان انا متسحرتش
بالنسبة للرد الوافى دة موضوع يطووووووووووووووول قوى فسيبنى لبليل كدة وحتلاقى الردود نازلة ورا بعض

ايه خلاك متتسحرش
مش لاقي اكل
والا الاكل مش عاجبك
دي كوباية زبادي تسد من عم عبده البقال بالش ياخويا تاكل من ايد المدام
وبعدين كويس انك قلتلي لحسن انا كنت هحكيلك النهاردة على شوية اكل مش عاوز اقلك
تاكل صوباعك ورااااااااااااه
فاكر البورمة
والا الخروف المشوي
ههههههههههه

عموما انا مستني الرد بالليل

رد: عايزة اتجوز

اقتباس:

المشاركة الأصلية كتبت بواسطة noura_taman (المشاركة 234443)

انت اللي شكرا ليك وكلامك جميل وفعلا والله فكرة اننا نعمل كتاب عايز اتجوز بس انت عارف مأساة الراجل ايه في بحثه عن الزوجة المناسبة (الحالة المادية) فقط أو بقة هو مبسوط كدة وبيقضيها يعني "صايع" 444546
لكن في الاول في الاخر اهو راجل حتى لو كان مكعبر ومتنيل على عينه برضه هاتفضل عين المجتمع مش شايفه فيه اي حاجة بتشينه أنه يفضل بدون جواز لكن البنت سيبك بقة من اي مبررات أخرى هاتفضل منبوذة في عين المجتمع أه ده اصل وفصل ومش بعيد يطلعوها يا عيني كان في في حياتها كارثة مخلياها تخاف اننا تجوز وكلام بقة كتير وكبير يا يحتمله اي حد من اي نوع حتى لو كانت صايعه زي ما انت بتقول في الاول والاخر الواحد كرامة انا مش بدافع عن البنت وانا معاك فعلا ان الاهل كمان بيغالوا في طلباتهم فلوس كتير وبيعجزوا العريس وفي الاخر الشباب بيضطروا يمشوا مع بعض وجنينة المريلاند ممكن تكون مثال مصغر للبلاوي اللي في البلد بسبب تأخر سن الجواز ومغالاةا لطلبات والظروف الاقتصادية والحاجات الكتير اللي اتكلم عنها محمد "sad bird"
المهم احنا ممكن نعمل فعلا كتاب عايز أتجوز للشاب بس ساعتها هايبقة اللوم فيه للحكومة والبلد والاهل اللي بيغالوا في طلباتهم لكن بالنسبة للبنت ففعلا لما جت اتكلمت غادة عبد العال وقالت انا عايزة اتجوز ماكنتشي بتحاول تظهر ان الراجل فيه عيوب كتير لكن كانت بتحاول تلفت النظر ان البنت لما بيتأخر بيها سن الجواز فكل واحد يترشحلها او يتقدملها لازم تكون فيه مشكلة او عبرة وكأنها هي عشان خلاص قرب يفوتها القطر هاتكون مضطرة اسفة انها تقبل باي حد في الوقت اللي فيه الشباب اللي مافهوش اي عيب بيتقدم لنظيراتها ممن هن اصغر سناا ودي كانت المعضلة هل فعلا تأخر سن البنت في الجواز يخليها ترضى باي عريس..

وبعدين هيا الحالة المادية بس مشكلة الرجالة
وتعالى هنا
بقى انا قلتله شيل كلمتك علاشن متضايقش حد تقومي انت تحطيها
طيييييييييييييييييييييييي يييب
هخلي احمد وابو احمد يقلبولك البيت النهاردة ووريني هتعملي ايه
وهعملك ثوره على البنات النهاردة في المنتدي

رد: عايزة اتجوز

كده ياباشا, ده أنت مافيش حاجة عجبتك فى الكومنت بتاعى خالص ماشى, هاعمل زيك:)

أولا: بذمتك ياباشا, لما العروسة يبقى ليها قائمة ويبقى ليها مؤخر صداق وشبكة ومهر و و و, وأهل العريس يقعدوا يتساوموا على الحاجات ديه, وعلى الشقة وأوضة النوم اللى هتيجى من دمياط والسفرة وحاجات المفروض العروسة هى اللى ليها دعوة بيها, يبقى ده أسمه أيه, ده كفاية موضوع القائمة اللى بيصور العريس أنه حرامى, وماتقوليش بيحفظ حق العروسة, يعنى العريس هيدفع فى العروسة على الأقل 30 ألف جنيه قبل مايشترى أى حاجة للشقة.

أنا عارف أن المثال كان رخم وغير ملائم, بس أنا كنت داخل واخد الموضوع هزار حبتين, مكنتش متصور أنكم واخدينه جد, أعذرونى لو قلت حاجة تزعل.

الجواز عليه عوامل كتير وطبعا حضرتك يادوك شرحتها كلها يمكن أكثر من اللازم كمان, بس برضه العوامل الرئيسية لأفساد أى خطوبة مش جوازة كمان هى الحالة الأقتصادية وأهل العروسة والعريس.

وأنت سيد العارفين ياباشا, الحسنة تخص والسيئة تعم, ده أن مكانتش السيئة عامة أصلا.

ويا باشا أنا أختصرت "بنات متحررة زيادة عن اللزوم" فى كلمة, أيه المشكلة, يمكن علشان الوسط الجامعى اللى أنا فيه والبلاوى اللى بشوفها كل يوم فى الجامعة هى اللى خلتنى أستخدمها, لكن صدقنى الكلمة دى كمان تخفيف لحالة جزء كبير من البنات دلوقتى.

وياريتها جت على كده يا باشا, حضرتك قلت أن اللى بيبقى رايح بيت بيبقى عارف, المشكلة أنه مبيبقاش عارف, وبيكتشف بعد كده حاجات مكانش يعرفها عن خطيبته, أصحاب ولاد وخروجات معاهم, لبس مش تمام, بروفايل على الفيس بصورها وأصحابها, وهكذا, فبيضطر يفركش الخطوبة, والمشكلة الأكبر أن البنت بتتصنع الفضيلة لكن بتبان حقيقتها بعد الخطوبة وكمان أهلها بيبقوا عارفين كل حاجة.

ولقينا عازب كمان غير أحمد ممدوح وحازم باشا نمسك فيه, هه ياباشا, هتفضل فى نادى العزوبية ولا الرد المعتاد "ناوى"؟

وتعليقاتك مالية الموضوع أهه, بس محكيتلناش قصة واحدة ليه؟, ولا مش عايز الشباب يحسدك؟

رد: عايزة اتجوز

اقتباس:

المشاركة الأصلية كتبت بواسطة noura_taman (المشاركة 234425)

بطوط وحشاني كل سنة وانتي طيبة يا ست الكل والله يا فاطومة انا مش راجعة اتكلم عن مسلسل ولا حاجة انا بتكلم عن كتاب وواقع بيعيش فيه بنات مصر دلوقتي
المهم انك بخير واتطمنت عليكي وكالعادة نورتي التوبيك

وانتى والله وحشتينى اوى وزعلانه منك بس هكلمك ع الخاص

اقتباس:

المشاركة الأصلية كتبت بواسطة sad-bird (المشاركة 234413)

منورة يا استاذه فاطمة اتفضلي الشاي بتاعك

لو بدأتي اول صفحة في الكتاب مش هتقفليه زي معملتي في ادب الرحلات وقريتي ال 28 صفحة في ليلة

ومستنيين تجربتك مع الجواز او العرسان

هههههه انت عرفت انى قريت ال28 صفحه فى قاعدة واحدة :) ROSE4U
عموما انا لسه هبتدى ف الكتاب بس موش دلوقتى 4BY4

رد: عايزة اتجوز

اقتباس:

المشاركة الأصلية كتبت بواسطة sad-bird (المشاركة 234439)

بس سؤال بقى
ايه شعورك لما جه احمد وشعورك وانتي بتلعبي معاه وشعور الامومة عامل ايه عندك
ياريت الاجابة واضحة كده وكبيرة زي السؤال
هههههههه

والله يا محمد انا هاختصرلك الاجابة في انه شعور عظيييييييييم ورائع وياسلام على كلمة ماما منه تقول يا ماما يا قلب ماما ما سمعشي عمري .. الاغنية بتاعة شادية دي بحب اتابعه واشوف حركاته واتأمل تأملاته وتعليقاته وشقاوته وريحته ياااااااااااه تى لو كان بقاله سنة مش مستحمي برضه بحب ريحته ياااااه ولا لما يقولي ماما حدوته عاشن احكي بقة والواحد بيبقة هايموت وينام بس برضه لما بحس بقربه مني وانا بحكي الحدوتة بالدنيا كلها
وتخيل لسة بعيط لما بيكون عيان :( قلبي بيتخلع عليه لدرجة ان ابوه بيفتكرني مجنونة مش قادر يعرف ان دي رقة 444546 اخدلي بالك انت من رقة دي..

ولما جه احمد ياااه بص والله مش هاعرف اوصف بجد حاجة جميلة ربنا يديها لكل الستات ومايحرمشي حد ابدا من الخلف الصالح
عن الشقاوة بقة مش عارفة احكيلك ايه بس طالما قررت تاخده وتراعيه شوية على ما اطبخ يبقة جنت على نفسها مراقش MADDRIVE
وبالنسبة للملحمة لأ انا بهرج الحمد لله احنا اتجوزنا عن تراضي والحمد لله ما غلناش عليه خالص yesyes