رد: عايزة اتجوز
 

ونكمل


2. ظروف اقتصادية
كل اسرة فيها اللي فيها فيه على قد حاله واسر بسيطة عايشين اليوم بيومه واسر متوسطة واسر مقتدره وكله بياخد على قد ظروفه وكله برضة بيشكو من ضيق ذات اليد اللي دخله 500 بيشكي واللي دخله 1000 بيشكي واللي دخله 10 الاف بيشكي

ومن ضمن الشكاوى للأسف الشكوى من حمل او مصاريف الابناء خصوصا في ظل عدم وجود ظروف عمل مناسبة وياما ناس كتير قالت لولادها في وضها او من وراها امتى بقى تغورو من وشي بقى انا عاوز اشم نفسي شوية من الحمل اللي على كتافي وطبعا لو بنت سمعت كلمة زي دي او عرفت بيها او حستها بتتمنى اليوم اللي تخرج فيه من البيت ده على خير وتلاقي شخص يكون قادر على فتح بيت وتعيش حياتها بعيد عن الهم ووجع الدماغ
وفيه منهم اللي بتنزل تشوف اي شغل منه تخرج وتشوف وجوه جديده ومنه تفرغ طاقتها فيه ومنه تجيب مصاريفها ومنه ماتسمعش اللي بيضايقها كل يوم سواء من الاب او الام ومنه يمكن تصدف وتتكعبل في واحد لابس نظاره قعر كوبايه وتتدبس فيه وخلاص ( هههههه بهزر )

لكن فعلا بقى امر مؤسف ومخزي ان توصل بالناس تقول كده في وش ولادها ومحدش يقولي مبيحصلش لان انا غير حضرتك يا للي هتقول غير فلان غير علان

........... يتبع

رد: اعلانات رمضان المستفزة
 

انا باتخنق لما باشوف اعلان موبينيل بتاع شهريار والاعلان التانى بتاع اتصالات لماجد الكدوانى

رد: عايزة اتجوز
 

3. ظروف ثقافية
اختلاف الثقافة من جيل لجيل
في علم النفس والاجتماع كان الفرق بين جيلين 15 سنة ثم تقلص الفرق الى 10 سنين ثم الي 6 سنين والله اعلم دلوقتي الفرق بقى كام سنة بين الاجيال وبعضها

في الفترة الاخيرة ( اخر 30 سنة ) ومحدش يربط بينها وبين حاجة تاني علشان انا مش عاوز اروح مارينا
في الفترةالاخيرة حصل انفتاح كبير على ثقافات اخري وتحرر من ثقافات موجوده ومن ضمن الانفتاح ثقافه الزواج
اولا تغيير مفهوم الزواج المبكر ورفع السن القانوني ل 18 سنة وكان فيه اقتراح لرفعة مرة تانية ل 21 سنة مع العلم ان فيه ناس حتى وقت قريب بيتعملها شهادات تسنين وتتسجل انها 18 سنة وتتجوز والكلام د هبيحصل في مناطق ريفية او على الاقل البنت بتكون في ثانوي او اعدادي ومخطوبة ويوم ما تكومل 18 سنة بالظبط هو يوم عقد القران ويمكن الزواج كمان

ثقافة الوعي بالمسؤولية
كنا زمان بنشوف البنت وهيا عندها 10 سنين بتقف مع امها في البيت وبتعرف كل كبيرة وصغيره في البيت وكانت بنت 10 سنين تعي وتدرك الحياة ماشية ازاي وتتصرف ازاي احسن من بنت 30 النهاردة ، لكن النهاردة كل ما حد يكقول للام خلي بنتك تتعلم تشيل مسئوليه البيت لييييييييييييه لسه بدري بكرة تروح وتتبهدل ويطلع عينها خليها لما يجي النصيب نبقى نعلمها ولما يجي الاخ يالقي كل حاجة بتتعمل في البيت من ايد الهانم خد البسبوسة دي دي البت سوسو اللي عمالها بايديها ، دوق المحشي ده ده هيا اللي لفاه بايديها ، ويبص يلاقفيها قمر 14 قدامه مين اللي عامل الميك اب ده ده هيا والله اللي عاملاه بايديها ( مش عارف انا هو كل حاجة بايديها بايديها وحد كان قال انها بتعمل برجلها ) وبعدين يكتشف المغلوب على امره ان كل انواع الاكل دي حماته اللي عملاها وانالميك اب ده بعتوها شهر عند الكوافيره تعمل عمليه تغيير جلد ، وشد وش وبوتوكس وبعدين في الاخر 2 كيلو بوية من عند عم عبده النقاش يدولها وشين ، كل ده علشان الباشمهندس يشرب ويتبدس في الموضوع

مع ان البساطة مفيش احلى منها والطبيعي يكسب والبلدي يوكل ( فينك يا عبد الفتاح القصري)


................... يتبع

رد: اعلانات رمضان المستفزة
 

انا زمان كنت بجيب شعير واغليه واشربه وكان طعمه مر شوية لكنه مقبول لكن العفن اللي في بيريل ده معرفش ايه وليه هو وامستيل زيرو
وبعدين شباب مصر على كده تلات ارباعهم مش رجاله علشان مش بيشربوا بيريل
منتج سخيف واعلانه اسخف منه
خصوصا بقى بتاع الكورة ودروجبا ايه علاقة دروجبا ولاكورة بالرجولة والاعلان طيب البلد فيها 80 مليون هل ال 80 مليون فاضيين للكورة وهل كلهم مش وراهم هم غير ماتش مصر والجزائر وهل كلهم هيجوا علشان يروحوا يجبوا التذكرة ب 300 جنية معتقدش



الاعلان متاخد كالعادة عن اغنية معروفه لكن هما بوظوا في اللحن كتير وخلوه سريعة علشان تكلفة العرض والوقت وده كان اوبريت او استعراض في فيلم اجنبي من زمااااااااااااااااااااااا ااااااااااااااااااااااااا ااااااااان يجي من 40 او 50 سنة اوائل البلوز والهيبيز




ده الفكرة القديمة عن سيراميكا كليوباترا لان فعلا كان مصنع كليوباترا كان اول مصنع سيارميك في الشرق الاوسط وكان الي قبله الشكرة الاهلية لمنتجات الخزف والصيني ( سيراميكا رويال حاليا) وشركة مصر ( سيراميكا فينوس تقريبا حاليا) ودول كانو بيعملوا قيشاني
واعتقد الهدف من فكرة الاعلان انه بيقول للناس اني انا برضة لازت الاول في الانتاج ودي حقيقة لكن مش بالصورة المبالغة في الاعلان






مصيلحي اي واحد من الشعب المصري المطحون والرسالة واضحة في الاعلان
مصيلحي راجل غلبان هينقطع عيشة فا يا ريت تلموا من كل واحد 2 جنية تمن الزجاجة علشان نبيعهم وننقذ مصيلحي من ورطته
زيها بالضبط زي اعلانات التبرعات مع اختلاف الهدف

رد: عايزة اتجوز
 

4. التعليم
وده ممكن يتبع الظروف الثقافية والاجتماعية خصوصا الدراسات العليا
نتيجة لعزوف الشباب عن الزواج فقررت البنات انها تستثمر وقتها لغايه لما الموكوس على عينه يقدر يوش تمن المهر والشكبة والشقة ويجي يتقدم ولو مش مصدقييييييييييييييييييين روحوا شوفوا كشوف الدراسات العليا في الكليات هتلاقوا بدون مبالغه بعض الكليات تصل نسبة الزكور 30 % مقابل 70 % اناث
ووهنا بقى مشكلة تانية
البنت مستواها العلمي بيرتفع والفكري ايضا وبتتكون عقده تانيه عندها او عند اهلها انها لازم تاخد واحد من نفس الدرجة العلمية وكمان نضيف عليها درجة مادية وبتضيف تعقيدات جديده على اختيار العريس المنتظر