رد: عايز اشتري سيارة جديدة وقوية
 

يعني كده لإما الفيرنا أو الرينو لوجان أو اللانوس اختار إيه بس أهم حاجة أنها تكون تستحمل وسهلة التعديل

Re: عايز اشتري سيارة جديدة وقوية
 

والفيرنا اخر سنة ليها السنة دى وبعدين مليانة عيوب تقفيل ده غير توكيلها غبور اسوا توكيل فى مصر هو و منصور وعز العرب وثباتها وحش بعد 140 والكورولا غالية اوى والشكل القديم بتاع 2007 و2006 الثبات بتاعه ضايع صدقنى هات لانسر ومش هتندم كفاية ان كل الناس الى بتقولك بلاش لانسر لاما عشان غالية شوية لاما عشان بقالها 9 سنين محدش لغاية دلوقتى عارف يطلع عيب فيها

رد: عايز اشتري سيارة جديدة وقوية
 

من رأيي تبعد عن اللانوس خالص ويفضل الفيرنا كمان .,. بلاش كل ما بشوف العربية دي لسا بتمشي وسط بلدنا بتعصب على حالنا فلا شكل جديد ولا شكل قديم نافع انا شايف كان اخرهم 2008 قبل ما اللانوس تقلب شيفروليه وتبقى بايخة .. نصيحة مني لو مكانك انا هبعد عن الاختيارين دول شوف حاجة يباني او خليك في الرينو احسن

رد: عايز اشتري سيارة جديدة وقوية
 

هو عندي فكرة بس محدش يتعصب علي
أنا شايف أن اشتري عربية واستعملها لمدة سنتين ( اخبط فيها على راحتي وأتدرب فيها على السواقة والغرز وغيره )
وبعد السنتين أدخلها نظام التأجير لمدة 5 سنين أو 7 سنين ( تطلع عينها ومتبقاش عربية ) وبقيمة الإيجار الشهري اشتري عربية غالية ونظيفة شوية وبكده يكون عندي عربيتين ( على اعتبار أن العربية الأولى هتكون عربية ده ممكن تطلع علبة كبريت بس يا ريت تنفع لكده )
وكنت بسأل إيه أحسن عربية سعرها متوسط وتتأجر إيجار كويس وخليها تطلع عينها وبعد كده حتى أرميها خردة بس هكون خد حقي منها وزيادة
إيه رأيكم في الفكرة ده
وبالنسبة لردود الأعضاء هم بيقولوا الحق بس كل ما اقترح عربية يظهر فيها عيب قاتل
الفيرنا آخر سنة لها وتقفيلها في مشاكل
واللانوس بيقولوا أنه أصبح سيء بعدد ما شيفروليه اشترته
والجن تو والبرسونا عفشتها وحشة
اعمل إيه ( بلاها عربيات ولا إيه الحكاية )
أنا عارف أني تعتبكم معاي بس ده كله بسبب عشمي فيكم وفي منتداكم

رد: عايز اشتري سيارة جديدة وقوية
 

ربنا يوفقك للى فيه الخير و اتمنالك التوفيق

و زى ما توقعت انت لسه هتتدرب على السواقة يبقى حرام تبتدى بعربية تمنها 120 الف و لا حاجة

ترشيحى للفرنا لاسباب كتير اوى اولها ان قطع غيارها رخيصة و فى اى حارة هتلاقيها و انا باتكلم على قطع غيار الجسم الخارجى اللى بيستهلكها اى حد بيتعلم لسه او مش متمكن اوى او عايش فى القاهرة :)

حتى لو اخر سنة ليها العربية دى زى ما قلتلك هتقعد معاك 5 سنين مرتاح من غير ما تشغل بالك بحاجة.

رد: عايز اشتري سيارة جديدة وقوية
 

ننيسان صنى الشكل الجديد أو بروتون جين تو أو برسونا أليجانس
بس النيسان أحسن فى قطع الغيار و سعر أعادة البيع و التانية
رياضية أكتر

رد: عايز اشتري سيارة جديدة وقوية
 

يعني انتم بتقولو أنه احسن حاجة الفيرنا
ونيسان سني بس أنا بش حابب شكلها ( اعمل إيه )
وبعدين الفيرنا ارخص بكتير ( أنا أستفيد من فرق السعر :thnkr: ولا انتم إيه رأيكم )
بس خايف على سعر إعادة البيع
بليز أنا بسال على حد اسأله على التليفون واستفسر معاه على أفضل سيارة والمواصفات والإمكانيات
وده هو رقمي 01149800112