مصر موتورز مجتمع السيارات - أدعو كافة الاعضاء للقراءة بعقلانية و دون هجوم بدون مبرر

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

رد: أدعو كافة الاعضاء للقراءة بعقلانية و دون هجوم بدون مبرر

مشكلة الصينى ان سمعته سبقا بمعنى ان الصين صنعت قطع غيار السيارات وكل منجيب قطعة غيار صينى تبوظ بسرعة قنقول انها صينى يعنى الصناعة الصينى ارتبطت باذهان الناس بالصناعة الرديئه فلما نزلت عربيات صينى السوق الكل قلق منها اذا كانت قطعة الغيار الصينى بتبوظ بسرعة فماباك بسيارة بحلها صينى لكن الكورى واليانبانى كانت تجربة والناس مقلقه منها علشان جديدة ومحدش عارف عنها حاجة مكنش ليهم سمعة ولا حلوه ولا وحشة قبل كده وعمومآ اول ما الكورى نزل كان وحش واول ما اليابانىنزل كان وحش لحد ما ابتدأ يصلح من نفسة بس احساسى ان الصين بتسترخص وبيجب خامات سيئه علشان تنزل ثمن السيارة الصين اصلا ليس عندها مواد خام لاحديد ولانحاس فبتعمل خامات صناعية لانها لو استوردت الحديد اتغلى ثمن السيارة قالمادة الخام الصينية ردىء جدآ وده اكبر عيب فى الصناعه الصينى

رد: أدعو كافة الاعضاء للقراءة بعقلانية و دون هجوم بدون مبرر

احنا هنا بنحب ننتقد و بس مش مهم انتقادك مبني علي ايه المهم تنتقد و بس
انا انتقد اذن انا موجود
الصين حاليا اكبر قوة اقتصادية في العالم بعد الازمة العالية اللي بهدلت امريكا و التكنولوجيا الصينية في تسارع فظيع و هما فيهم ميزة جامدة انهم بيصلحوا عيوبهم بسرعة جدا مش زينا مش بنصلحها خالص
عامة العربيات الصيني بعد 2006 عملت طفرة كبيرة و دلوقت دخلت اسواق دول ماكنتش تحلم بيها من اول امريكا لحد الخليج
و بعدين رخص العربيات الصيني بيرجع لرخص العمالة الصينية و النظام اللي حطاه الحكومة هناك لتشجيع الاستثمار مش عشان الجودة و الكلام ده
انا صيدلي بشتغل في الدوا و بشوف اصناف علاج لشركات عالمية سعر الدوا يها 4 او 5 أضعاف نفس الصنف لشركة محلية مش عشان الجوة لأن الدوا مافيهوش لعب يأثر علي حياة الناس بس عشان اسم الشرة لحده له تمن و الكلام ده ماشي في كل السلع التانية و منا العربيات و احنا لازم نفهم ده

رد: أدعو كافة الاعضاء للقراءة بعقلانية و دون هجوم بدون مبرر

يا جماعة الصينى مش واخد حقه فى مصر علشان غاااااااااالى - هى غريبه بس فعلا لان مثلا انت ممكن تلاقى عربية يابانى فى مصر ب150الف فى حين ان الصينى نفس الامكانيات ب 125 الف بس بص بره مصر تلاقى اليابانى دى بما يوازى 100 الف والصينى ب 60 الف طبعا هنا ميزان السعر مع الجوده اختلف لكن احنا عندنا مشكلتين جمارك عاليه والمستوردين لا تقتنع باالمكسب الصغير انما انا شفت عربيات فى الصين مايوازى 20 و 30 الف تحف مش عربيات بعد ماتخش مصر تلاقيها ب80 و90 اذا كان التاتا نانو بتتباع ما يوازى 10000 وعندنا ب 25 الف صباح الفل

رد: أدعو كافة الاعضاء للقراءة بعقلانية و دون هجوم بدون مبرر

والله يااخوانى كل وجهات النظر دى موضوعيه ولها مايبررها
انا فاكر ياجماعه اول ماالبيجو نزل مصر 00 كان نفس الكلام بيتقال عليه
المهم ان الصينيين لو سمعوا النقاش ده هيعرفوا انهم فى الطريق الصحيح
الاول كان الصينى لا 00 ثم اصبح الصينى بين اى ولا 00 وسيصبح الصينى هو الاول

رد: أدعو كافة الاعضاء للقراءة بعقلانية و دون هجوم بدون مبرر

موضوع رائع وانان متفق معاك في كل كلمه و سندوتش الفول الي علي العربيه هوه هوه الي في جاد مع الفارق في السعر للاسباب
-- سعر العلامه التجاريه
-- جمرك بلد المنشا
-- الموزعين و التكاليف م ايجار و ضرائب

رد: أدعو كافة الاعضاء للقراءة بعقلانية و دون هجوم بدون مبرر

علي الطلاق انت راجل محترم ان معايا عربيه انجلون اجمد 100 مره من ايه عربيه كانت عندي