المشاركة الأصلية كتبت بواسطة TAREK-AVENGR (المشاركة 682079)

ثانيا: موضوع التبن ده أنا مش فاهمه أساسا عشان كده معلقتش عليه بس ده مش مبرر لردك !!
أوضحلك موضوع التبن(على رأى بتوع شفيق) ..ان اللى هينتخب مرسى يبقى حمار بياكل تبن ..وانا اللى يشتمنى لازم ارد عليه (من باب حق الرد).....
ثالثا: أنا مبحبش شفيق ولا عمرى حبيته ولا هحبه
وأنا كمان ..بس انا مش هنتخبه ..وانت هتنتخب مين؟؟ ..(مجرد سؤال ..وحضرتك طبعا حر) أنا شخصيا هنتخب مرسى كرها فى شفيق

رابعا:متقدرش ترد عليا بسوء والسبب الرئيسى انى مغلطش فيك ده كان توضيح .
موضوع متقدرش مفيش داعى منها(وانت عارف ليه) ..اما انك مغلطتش فيى ..ارجو منك ان تعود لتعليقك وانت تعرف انت قلت ايه ودى بعض كلماتك (عايز أقول لصاحب الموضوع خسارة فيك انى أتعصب عليك بسبب قلة الذوق - ميقولهاش واحد محترم أبد - و خسارة فيك كل كلمة هقولها عشان أنا خسارة أخذ انذار بسبب شخصية ما تستهلش- و عيب جدا جدا جدا لو أنت تعرف يعنى ايه عيب أصلا )
بقى بعد ده كله انت مغلطش !!!!!!

المشاركة الأصلية كتبت بواسطة fourseasons (المشاركة 681853)

تعجب البعض لماذا حصد الفريق أحمد شفيق كل هذه الاصوات
من اعطى لشفيق صوته ؟

اعطاه كل صاحب مصنع او شركه اغلقت بسبب الاعتصامات وقطع الطرق !
اعطاه كل مريض اوطالب لم يتمكن من الذهاب او تعثر في الرجوع بسبب المليونات الغير مبررة !
اعطاه كل صاحب محل اغلق لمجرد ان حظه سئ وكان يقطن بوسط البلد !
اعطاه كل ام لم تتمكن من زياره اهلها او قضاء طلباتها لان الاعتصامات لم تراعى حرمه شوارع او بيوت
اعطاه كل من ازعجه حوار الشباب وتهكمهم على الكبار واستخفافهم و سبابهم باقذر الالفاظ لمن يخالفهم الرأي !
اعطاه كل من فقد الثقه في الشخصيات العامه من الاعلامين الذين كانوا يتقاضوا الملايين بسبب متاجرتهم بالام البسطاء !
اعطاه كل شاب كان امله في فرصه عمل وتعثرت بسبب خوف صاحب العمل مما ستؤل اليه الامور !
اعطاه كل من يعرف جيدا تاريخ الاخوان الدموي وحاضرهم الكاذب في مجلسي الشعب والشورى !
اعطاه كل من يعرف ان الخبرة والدراما السياسيه والوقوف في المظاهرات ربما تصنع زعيما ولكن لا تصنع رئيسا !
اعطاه كل من يفرق بين القادر على تحقيق البرنامج وبين من يتفوه بالاحلام دون سابق انجاز !
اعطاه كل اب وكل ام يريدون الاستقرار للبلد !
اعطاه كل من ايقن ان الرئيس القادم يجب ان يشبه الكثيرين من الوسطيين في الدين دون مغالاه !
اعطاه الاقباط الذين احبو الحياه المدنيه ويسعون للديموقراطيه بعدما هرعو من الفكر المتطرف ومن احلو دمائهم وسرقه محلاتهم وممن يريدونهم دافعين جزيه !
أعطاه كل من اهينوا لعدم مشاركتهم في التحرير لا نشغالهم بايام اللجان الشعبيه وبعدها اصبح يتساوى الشهيد بالبلطجي !
اعطاه كل من لم يهين الجيش والمؤسسه العسكريه التى ظهرت في ايام الثورة وانتشرت لتطمئن الناس على بيوتهم وارواحهم !
اعطاه من لم يجدوا مبرر للهجوم على الداخليه وحرق امن الدوله والتعدي على رجال الشرطه والاقسام !
اعطاه من وجدوا الاستهتار بهيبه الدوله الى ان وصل الهجوم على وزارة الدفاع !
اعطاه كل من عرف من سيحقق له ما يطمح من استقرار وعمل وحياه !

المشاركة الأصلية كتبت بواسطة kimo10 (المشاركة 682143)

مستخسرين فينا نقول الحق حتى ولو نموت
مستخسرين فينا نثور نمحى ونحطم القيود
مستخسرين يطلع ما بيننا شهيد بطل راح للخلود
وعيون بتنزف دم لبلدها علشان كرامتها تعود
مسجون فى حبك يا بلادى وحريتك لازم تعود وأنا لو أضيع وأروح فداكى ولا إنى أعيش جبن وسكوت
بحلم أشوفك أم فرحانه بولادها ومكانها عالى
باحلم أشوفك أب والفخر فى عيونه لإبن غالى
بحلم أشوف كل الغلابه عايشين فى راحه وفى العلالى
بحلم أشوف فى العدل ملكك وما أشوفش يوم باشا ومعالى
بحلم بعلمك يعلى ويوصل للسحاب
بحلم بخضره تملى ملامحك تمحى الصحاري والتراب
بحلم بإبنك عايش فى خيرك مش وسط غربه من العزاب
بحلم ببنتك زينة مدينتك أغنيه مكتوبه فى كتاب
إتخلصى ؛ إتخلصى من ظلم عشش على البيبان
إتخلصى من السواد لون الحيطان
إتخلصى من كل واحد باع وخان
إتخلصى قبل الخلاص ما يقول خلاص فات الأوان
وأنا ممكن أسقط فى الطريق ما ألحقش أوصل للنهايه
لو يبقى حلمك حق وحقيق يبدأ غناكى من البدايه
هانحس يومها إننا جه حقنا وصبحنا أيه
بتقول يا مصر إنتى اللى باقيه وهى دى كل الحكايه
وهى دى كل الحكايه