رد: إلى أخوتى ( حازم خضر وفادى )
 

انا لى تحفظات كتير على الموضوع نفسه وبعض التعليقات بس خلينا فى المهم

احنا مش بنحكم على مبارك كبشر اخطاء واصاب بشر ديه لنفسه ولعيلته ولربنا ملناش دعوة احنا احنا بنحكم عليه كرئيس كمسئول سياسى اول كمدير للبلد ده مش بس كده ده رئيس من نوعة يعتبر هو الكل فى الكل فى كل حاجة فى البلد وبالتالى مسئوليتة اكبر من اى رئيس فى نظام ديموقراطى

طيب لو قولنا انه حتى مدير شركة مش رئيس كل المؤسسات ديه الف باء ادارة ان غلطة مساعدينك وفريق عملك لازم انت تتحملها

فبالسياسة وعلم الادارة هو غلطان من ساسة لراسة وبلاش كلام هلامى ملوش معنى

طيب حتى لو بالهجايص هنتكلم الرئيس ده شخص مؤتمن على املاك ومقدرات شعب احنا الشعب بقى لما نلاقيه كوش بحاشيته على كل خير وبلانا بكل فساد وشر وخلا زمانا بين العصور هو الامر يبقى لازم نقولة لاء كفاية انت وحاشيتك واعوانك والمنتفعين من نظامك والمسبحين بحمد فجرك وطغيانك

تحفظى التانى عن تكرار كلمة احترم رائى احترم رائى
هو انا لما اختلف معاك ابقى مش بحترم رائيك وحتى لو محترمتش رايك ورفضة بالكلية طالماً ممنعتكش من حرية التعبير او فرضت عليك رائ بالقوة فانت فى مناخ ديموقراطى مكناش نحلم بيه ايام النظام اللى كنت بتدافع عنه اللى جد بس ان محدش يقدر دلوقتى يجبر حد على راى او يعتقلة ويسحلة على موقف او كلمة


كلمة اخيرة وموجزة لجماعة اسفين يا ريس ... نعتذر عن احترام ارائكم

رد: إلى أخوتى ( حازم خضر وفادى )
 

تعليقا على كلام فادى

اصلا اصلاً لما تعتبر ان وطنك حدودة دولتك بس ده يبقى غباء وطنى ولما تبقى محصلة قراراتك تهميش دورك الدولى والاقليمى وسخط جيرانك العرب عليك ولا يبقى لك من رصيد دولى الا عطف امريكا وصداقة اسرائيل تبقى فين الوطنية بقى
ولا تقصد ان مبارك وطنى !! ده على اساس انة رئيس الحزب الوطنى برضو ؟؟



لاء طبعاً مش هنحملة وزر كل فاسد هنحملة وزر 99,9% منهم بس واولهم الفاسدين من حاشيته اللى اختارهم وعينهم بنفسه

وايه اللى منعة يحولها لجنه الديموقراطية هى 30 سنة مكانتش كفاية ؟؟
تفتكر ايه الوقت الكافى لتحول بلد زى مصر للديموقراطية ؟
ولا انت شايف ان احنا منستاهلش الديموقراطية والحرية اصلاً وحلال فينا اللى كان بيحصل ؟

انا مش عارف منفتحة على ايه بالظبط ولا ازاى ياريت توضح بامثلة ؟

هو المفروض اى نظام يحقق التحسن اللى بتتكلم عليه ده لكن اللى بيحكم 30 سنة وفى ايدة كل الصلاحيات ديه ممكن يعمل نهضة اقتصادية مش بس تحسن


ومين قال ان الهامش ده كفاية ومين قال ان دولة زى مصر تعيش بهامش كبير ولا صغير يا اخى حتى لو اقريت بالهامش ده بس احنا شبعنا من الهوامش بقى عايزين نتنقل لنص الصفحة

خدعوك فقالو ..
اى استقرار وكان عندك اعتصامات واضرابات عمال من سنين بدون حل وفساد للركب حسب تقارير الشفافية وانهيار فى التعليم ونسب بطالة بتزيد واطفال شوارع وجرائم مكناش بنسمع عنها وظواهر مشوفنهاش الا فىى العصر المبارك من تحرش وبلطجة
ولا استقرار الاوضاع فى حوض النيل تقصد وتضائل شعبيه مصر عالمياً وثقلها السياسى فى المنطقة
ولا الفتن الداخلية بين مسلمين واقباط وبدو وشرطة ونوبين والدولة واهلى وزمالك وشوبير ومرتضى منصور

اذا كنت بتسمى ده استقرار يا فادى فانا مع الانفلات بصراحة :crazyW14:


ايوه طبعاً .. انت قول بس واحنا هنقول وراك

رد: إلى أخوتى ( حازم خضر وفادى )
 

رد: إلى أخوتى ( حازم خضر وفادى )
 

فكرتنى بعادل إمام

وهو بيشتغل محامى فى فيلم

خللى بالك من جيرانك

كان بيترافع فى المحكمه وحب يخلص نفسه

قال إيه عادل إمام

ماذا أقول ....وأى شىء يقال ....بعد كل ماقيل

وهل هناك أفضل مماقيل

:fun_7_5_128[1]:

رد: إلى أخوتى ( حازم خضر وفادى )
 

مثال المنتدى لا ينطبق كثيرا على حالة الدولة فهى أكثر تعقيدا بالتأكيد,
لكن هل يجب على ابو نورا ان يطرد كل مشرف يحوم حوله شبهات فساد و استغلال سلطات؟!
أم انه يجب ان يتقصى الحقائق و الوقائع اولا؟
القضاء على الفساد ليس مهمة مبارك, مبارك ليس قاضيا و لا نيابة, هذه مهمة القضاء,
كل الدول فى العالم بها فساد, هل نحمل اوباما الفساد فى الولايات المتحدة مثلا؟!
للأسف فان صحف المعارضة قد اوهمتنا ان مصر هى مرتع للفاسدين, تقارير صحفية معظمها مفبرك عن فساد فلان و علان و الصفقة السرية بتاعة مش عارف ايه و أى هبل دون دليل و لا مستندات.
و خاصة جريدة الدستور و ابراهيم عيسى التى كانت لا تترك مسئولا الا و تتهمه بالفساد بدون دليل واضح حتى مبارك و عائلته كانوا يتهمون فى اعراضهم و شرفهم دون حسيب و لا رقيب, حتى اننى قرأت مرة مقالا يتحدث عن اصابة جمال مبارك بالضعف الجنسى و انه تزوج فقط لذر الرماد فى العيون! فأيا كان هذا الانسان هل يجوز اتهام رجل بالضعف الجنسى؟ حتى لو كان كذلك فهل يصح نشر ذلك على صفحات الجرائد؟!
و كانت الدولة تترك هؤلاء كى لا يقال انها تكمم الافواه و تحبس الصحفيين.
الحقيقة ان اى عدد يومى او اسبوعى من هذه الجريدة كان يكفى لادخاله السجن بتهمه السب و القذف.
الفساد كان موجودا فى مصر مثلما هو موجود فى العالم كله, و فى النهاية الكلمة للقضاء, فلا يجوز ان نتهم شخصا بالباطل دون دليل و اسانيد.

و القرأن الكريم يقول

يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين

رد: إلى أخوتى ( حازم خضر وفادى )
 

رد: إلى أخوتى ( حازم خضر وفادى )
 

مفيش شك

ده الواجب عليه

فى حالة تحققه من كون أحد وزراءه مفسدا فى الأرض ( أى المنتدى )

ولو فرض وأنت قولتلى

أصله مش عارف أن فلان فاسد

فده يوقع الكره فى ملعبه

ومن هنا فهو مشترك فى الجريمه

بل يقع عليه الأثم الأكبر

_______________

عزرا أبو جودى

عملنالك قلق على الفاضى

GIFT4U