مصر موتورز مجتمع السيارات - العربية سخنت أنا خايف جدأومش عارف أعمل أية برجاء المساعدة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: أنا خايف جدأومش عارف أعمل أية برجاء المساعدة

اقتباس:

المشاركة الأصلية كتبت بواسطة khaled khaled (المشاركة 275087)

السلام عليكم ورحمة الله

معلش علي الرد ولو انه يزعلك من الاخر هذا جوان وش سلندر او الوش نفسه به شرخ بسيط
شوف ياأستاذنا
1- الميه من الشكمان تعريق فقط وليس رش الصباح فقط هذا معناه ان الماكينه في حاله كويسه بص الصبح أما اذا استمر نزول او رش او تعريق من الشكمان باقي اليوم هذا معناه انه في خلل وعادة الخلل في وش السلندر أما جوان أو شرخ بالوش
2- وجود صدأ علي البوجيهات معني واحد فقط انه في تسريب ميه من دورة التبريد علي غرف الحريق وده سببه نفس الشي جوان وش السلندر
3 - تقطيع العربيه وتنتيش في مثل حالتك هذا عدم اتزان باشواط الحريق الاربعه وعلي فكره هتلاقي بوجيه واحد أو اثنين هم الي بيصدوو والباقي اكيد تمام برده ده نفس السبب لانه البوجيهات الي قريبه من التسريب مش هتحرق كويس وكمان هيكون في تسريب في كبس البستم ده ويعمل عاك تنتيش (عدم الحرق المظبوط وتهريب الكبس )
4- في حالة انه اتاكدت انه جوان وش سلندر كمان اختبر الوش هو مشروخ او لا وفي الحالات دي أما تغيره مستعمل أو تزوده بلحام الالومنيوم وبعدين بيتقشط علي المخرطه وهام جدا اذا بيتقشط الوش بالمخرطه تركب 2 جوان وش سلندر عشان العربيه متسخنش لان الى حاصل معاك هذا كله سبب السخونه انك صبرت علي العربيه مده طويله سخنه وما ركنتش او ما انتبهتش كمان تشوف سبب السخونه الي سخن العربيه أول مره يعني تختبر الرداتير وطلمبة المياه ومراوح التبريد
اسف علي الاطاله ومعلش ردي هيزعلك بس هذا الواقع واتمني ان شاء الله انه يطلع غير مكلف وطمننا وقولنا الي حصل معاك وربنا يوفقكك

أنا متشكر جدا على ردك وانا بالفعل غيرت الجوان كما جاء بالموضوع والأسئلة والردود مع المهندس/ سمير
وجزاك الله خيراً

رد: أنا خايف جدأومش عارف أعمل أية برجاء المساعدة

لا شكر علي واجب اتمني كل واحد يعمل زيك وزي ما يعرض المشكله اول مره يقول هيه اتحلت معاه ازاي عشان كلنا نتعلم من المنتدي ونعرف نفيد بعض كويس مشكور
ومبروك علي الجوان الجديد بس خلي بالك من الحراره وشوف الميه كل يوم
هههههههههه ما تكسلش شكــــــــــــــــــــــر ااا لك

رد: أنا خايف جدأومش عارف أعمل أية برجاء المساعدة

السلام عليكم
انا روحت النهاردة عند الميكانيكى علشان يربط تانى على الوش وفعلاً ربط وخليتة يبتدى من نص الوش وقالى ايوة نبدأ من النص صليبة وربط وجابت معاة رباط
أما موصوع المية اليبتنقص ونقصت بالفعل ووصلت بين الماكس والمينى فى 4 ايام فوجد أن غطاء القربة بينفس وانا عارف انه من زمان مش مزبوط بس كونت بلف علية تيفلون واربط جامد ودة اليعملتة تانى
وموضوع التنتيشة على التانى والرعشة فراح فصل فيشة حساس موجود فى النص الي تحت بتاع بلوك السلندر وراحت العربية زبطت شوية وقال الحساس دة هى الي بيخلى العربية تنتش وترعش وعايز يتغير
وفكيت البوجيهات ولقيت شكل البوجية التانى مش مريحنى زى ميكون هيصدى قلتلة دا فى تنفيس مية علية قال لى لاء دا من قبل منغير الجوان وراح جاب سنة مارش والبوجية مخلوع وقال لو فى مية هتنطر من مكان البوجية نقط خفيفة مع سنة المارش ومجبتش مية وقالى أطمن الجوان سليم والعربية زى الفل وانت اليموسوسبس نغير الحساس ده والعربية هتزبط معاك وروحت مروح اية رأى حضرتك فى الكلام ده

رد: أنا خايف جدأومش عارف أعمل أية برجاء المساعدة

اقتباس:

المشاركة الأصلية كتبت بواسطة samirayad (المشاركة 274372)

خير بإذن الله

وأنا حاسس بهذا

لأحساسى بأنك من النوع القلوق إلى حد ما ( زى بالضبط )

وده باين من عنوان موضوعك

___________________

يعنى طمن نفسك .....وماعليك إلا المتابعه

وده شىء طبيعى مع أى سياره

أى المتابعه الجيده لأداء العدادت بالتابلوه

اقتباس:

المشاركة الأصلية كتبت بواسطة gogofreedome (المشاركة 275888)

السلام عليكم
انا روحت النهاردة عند الميكانيكى علشان يربط تانى على الوش وفعلاً ربط وخليتة يبتدى من نص الوش وقالى ايوة نبدأ من النص صليبة وربط وجابت معاة رباط
أما موصوع المية اليبتنقص ونقصت بالفعل ووصلت بين الماكس والمينى فى 4 ايام فوجد أن غطاء القربة بينفس وانا عارف انه من زمان مش مزبوط بس كونت بلف علية تيفلون واربط جامد ودة اليعملتة تانى
وموضوع التنتيشة على التانى والرعشة فراح فصل فيشة حساس موجود فى النص الي تحت بتاع بلوك السلندر وراحت العربية زبطت شوية وقال الحساس دة هى الي بيخلى العربية تنتش وترعش وعايز يتغير
وفكيت البوجيهات ولقيت شكل البوجية التانى مش مريحنى زى ميكون هيصدى قلتلة دا فى تنفيس مية علية قال لى لاء دا من قبل منغير الجوان وراح جاب سنة مارش والبوجية مخلوع وقال لو فى مية هتنطر من مكان البوجية نقط خفيفة مع سنة المارش ومجبتش مية وقالى أطمن الجوان سليم والعربية زى الفل وانت اليموسوسبس نغير الحساس ده والعربية هتزبط معاك وروحت مروح اية رأى حضرتك فى الكلام ده

1- غير طقم بوجيهات تانى ....وياريت تغير طقم سلوك بوجيهات جديد بالمره

2- غير غطاء القربه بواحد جديد

3- ظبط مستوى الميه وجرب عربيتك

ومتعملش شىء تانى ....ومتسمعش كلامه عن الحساسات دلوقتى

إلا أما تعملك مشوارسفر حلو وتجرب العربيه

مع المتابعه

رد: أنا خايف جدأومش عارف أعمل أية برجاء المساعدة

السلام عليكم
انا امبارح لفيت كتير بالعربية طول النهار ومشيت فى الزحمة كتير وطلعت على طريق سريع وجريت وكمان كنت بتعمد أارص على العربية فى الغيارات والحمد لله الحرارة مع التكيف معدتش 90 دا كويس ولا اية؟
-- بس انا بحس انها بتترعش وهية واقفة سلانسية
-- واما موضوع سلوك البوجيهات فهى جديدة أنا كنت مغيرها فى التوكيل علشان كان فى واحد فيهم بيقولوا أنة مقطوع بس اما معايا 3 كويسين ممكن أجرب واغيرهم
-- والبوجيهات جديدة مكملتش 3 اسابيع بس طلعتهم وصنفرتها وقلت أجرب بعد أسبوع كدة أشوفها
--اما غطاء القربة فالمشكلة مش الغطاء المشكلة السن بتاع القربة هو الي مش مزبوط والمفروض كدة أغير القربة ولا اية رأى حضرتك ؟
--وعلى فكرة المية نقصت بعد مشوار أمبارح دة بس بردو مش قادر أحكم غير لما أتأكد أنة مفيش تنفيس من الغطاء بتاع القربة ولا هو التنفيس دة مينقص المية ؟
هو على فكرة مش بينزل مية بس بيسرب بخار المية .

رد: أنا خايف جدأومش عارف أعمل أية برجاء المساعدة

ينزل مية أو يسرب بخار مية مش هتفرق، في الحالتين حضرتك عندك تنفيس في القربة، والأحسن إنك تغيرها؛ لأنك عشان تطمن على الجوان لازم تكون دورة التبريد كلها تمام. عشان مفيش حاجة تشككك. وربنا معاك، أنا متابع موضوعك من الأول، وبأتمنى من الله أن ينعم عليك بالبركة في سيارتك بإذن الله آمين.

رد: أنا خايف جدأومش عارف أعمل أية برجاء المساعدة

اقتباس:

المشاركة الأصلية كتبت بواسطة مهند سالم (المشاركة 277679)

حقيقى

مفيش أحسن من هذا تعليق

يمكن أن يقال