رد: survey :- ايه انسب عربية في مصر
 

أنا أعتقد بالنسبه لشوارعنا الشاهين ممتازة
عاليه نسبيا و قطع غيارها رخيصة

رد: survey :- ايه انسب عربية في مصر
 

انسب عربيه في مصر هيه الكورولا عربيه فعلا بتستحمل جامد ومتينه ويمكن بتستحمل اكتر من اللانسر كمان

رد: survey :- ايه انسب عربية في مصر
 

ده رأيي و الله أعلم ,

الانوس بالنسبة للسعر المتوسط.

الانسر و الكورولا و لكن الكورولا تحتفظ بسعر اعادة البيع بس الانسر الناس تطلبها اكتر

اما بعد كده بأه........المرسيدس لأن فيها كل المميزات من حيث التحمل و القوة و الطلب و سعر اعادة البيع بس كل

مشكلتها طبعا في سعرها

رد: survey :- ايه انسب عربية في مصر
 

كورولا اولا واخيرا

رد: survey :- ايه انسب عربية في مصر
 

كورولا تمام بس مجربتهاش لكن اللانوس موتورها كبير شويه البنزين بيطير بس عادى اهى ماشيه وسعرها متوسط ومسكه السعر الى حد ما بس صيانه مستمره ومع الحفاظ عليها
ولكن الكورولا الكورولا هى الاختيار الموفق ان شاء الله
لكن عايز عربيه عائليه ومش مهم السعر شيروكى وتستحمل المطبات والنقر اللى فى شوارع مصرنا الحبيبه وانا اقترح دبابه تكون انسب عربيه لشوارع مصر بس الزحمه هتزيد والاختناق المرورى يزيد والناس بدل ما تضرب تلكس تضرب نار من مدفع الدبابه ع العموم هى مصر مينفعلهاش عربيه مصر ينفعلها توك توك وتقبلوا مرورى

رد: survey :- ايه انسب عربية في مصر
 

التيوتا عماً اقوي من الميتسوبيشي وينفع في البلد هنا اكتـــر دة بالنسبة للينفع في البلد طبعاً ويعلوة العربيات الالمــاني دية التوب ونمبر وان من غير اي كلامـ بس العربية الشبابيـــة والمنتشرة والافضل من الجديد الاكسنت

وكألمــاني الجولف وان وتو بالنسبة للشباب المصري
وكيباني المتسوبيشي 98 الكرستالـــة
وكمصري الشــاهين طبعاً

اما ببالنسبة لعائلات في التيوتا والانسر يليها والتيوتا ياريس اوكرولا الاتنين اقوي من بعض انا معايا ياريس ماشاء الله عليها سعرها احلي من اللانســر واقوي من الانسر مـــــن وجهــة نظري ..

ونيس توبيــــــــك يابوب ;)

رد: survey :- ايه انسب عربية في مصر
 

أفضل عربية في مصر هي العربية اللي تناسب كل شخص حسب متطلباته و ميزانيته مقدرش اقول ايه هي احسن عربية لأن كل عربية هي احسن عربية للشخص المناسبة ليها و الا كان كل الناس اشتروا احسن عربية و الباقي قعد يقشر لب
لكن في الوقت الحالي التجار الجشعين وضعونا في اطار انسب عربية لحالتي المادية و ده بيخلي السواد الأعظم من شعب مصر المقهور ما يستخدمش أحسن عربية مناسبة ليه لأن كل العربيات أغلى من سعرها الحقيقي و خير مثال الشاهين التي تنتجها الشركة الوطنية "النصر للسيارات" و بتبيعها بسعر غريب جدا 68 ألف جنيه
طب أنا راضي بذمتك حط الشاهين 1400 جنب الاسبيرانزا 1600 حتلاقي الشاهين أغلى 500 جنيه
طب ذمة و دين فيه أي مقارنة في الشكل أو الكماليات أو التقفيل أو قوة الموتور أو التكنولوجيا أو الدهان أو أو أو ...
يا سادة لو الشاهين كانت بتتباع بسعرها الحقيقي كانت أكلت السوق المصري كله
لكن نظرا للفساد المستشري في الميزان التجاري المصري أستطيع أن أقول أنه لا توجد أحسن سيارة في مصر لأن أسعار معظمها لا يناسب حتى الطبقة المتوسطة
و الحل هو خليها تصدي