المشاركة الأصلية كتبت بواسطة tom_gr (المشاركة 291939)

بكل اسف حاجة تحزن

هو الفامية ضرورى اوى علشان ندور على حلول تحايل على القانون ونركبه وندور على رشاوى علشان ندفعها وناخد ذنوب اكتر ماحنا واخدين ؟؟
ولا الزينون مهم اوى علشان ندفع فلوس فيه ( حتى لو معانا فلوس كتير ) وناخد بيه دعوات علينا من اذيه الناس

اى حد مركب الزينون تخيل لو تسمح انك مسافر وتعبان وسايق بالعافيه - او مضايق وماشى فى حالك ولقيت واحد وراك مركب زينون ومعليهولك فى مرايتك وعاميك تماما ياترى هايكون موقفك ايه ؟؟؟ ( ده لو ماعمكش ولاقدر الله رحت لابس فى اى حاجة )

مع احترامى ( او عدم احترامى اسف ) لاى حد مركب زينون ده بيكون مركب نقص فيه وعاوز ياذى الناس - والى عاوز يفيم ده فى الاصل لانه عاوز يتستر عن عيون الناس ويعمل اى حاجة مستخبيه ( زى ابنات الى بتتنقب علشان تتستر فى بلاويها ) او انه اسف تافهة جدا ومعقد وعاوز يحس انه مهم
وماحدش يقول كوسة ورشاوى وواسطه احنا الى بايدينا بنزرع المفهوم ده ونكبره ونخلى البلد كلها كده بافكارنا وبلاوينا

المشاركة الأصلية كتبت بواسطة hazem_khidr (المشاركة 71507)

للاسف مش حينفع تعمل التصريح دا
الا لو العربيه جايه من بره فيها فيميه و زينون زي الدايهاتسو ماتيرير و الفيات برافو و بونتو كوبيه!!!
لان المرور حيثبتها علشان موجوده في ورق الافراج الجمركي للسياره فقط .
انما غير ذلك ممنوع منعا باتا.

المشاركة الأصلية كتبت بواسطة sheekoo (المشاركة 114518)

لو انتا ظابط شرطة او فى النيابة ممكن تعمل كدة من غير تصاريح ولا وجع دماغ وحت لو عاوز تشيل النمر وتمشى من غيرها مفيش مشاكل يبقا الحل ترجع تانى الثانوية العامة وتنجح وتخش حقوق او شرطة وبعدين تركب الفامية والزينون

المشاركة الأصلية كتبت بواسطة fezo (المشاركة 114621)

طيب لو رجعنا لموضوع الثانوية العامة
وقدمت فى الشرطة
لما يسألونى عاوز تدخل شرطة ليه؟!!!!
أقولوهم على طول عشان عاوز أعمل ترخيص فيميه و زينون!!!!!