المشاركة الأصلية كتبت بواسطة فادى (المشاركة 59777)

فى النهاية ما أكتبه هو رايى الشخصى و حق الرد مكفول للجميع, و عموما أنا لم أقلل من شأن أى سيارة أخرى, لو حضرتك راجعت ما قلته فسوف تجد أننى اعترضت على السمعة ال"كاذبة" التى تتمتع بها بعض السيارات هنا فى مصر, لم أقل أبدا أن السيارات الألمانى سيئة, أنا قلت انها سيارات عادية لا تستحق البريق الذى تأخذه فى مصر, و هى لا تزيد (و أحيانا تقل) عن السيارات الايطالية و الفرنسية.
و فى النهاية مش الكلمتين اللى بكتبهم هما اللى هيقللوا من مبيعات فولكس و تويوتا لو كان ده اللى انت خايف منه (ربنا يزيد و يبارك يا سيدى), هما بيبيعوا و القاشية معدن, سيبنى اكتب اللى عايزه!!

المشاركة الأصلية كتبت بواسطة M7md_S3d (المشاركة 59784)

يا استاذ فادى حضرتك مشرف وانا من ضمن الناس اللى بتاخد بآرائك فى حاجات كتير من خلال مشاركاتك المفيده
لكن لاحظت من خلال مشاركاتك فى الموضوع ده ان فى تقليل من شأن الالمانى والفرنسى مقابل الايطالى عامة
وانا عارف العربيات اللى حضرتك بتتكلم عنها واللى الناس عايشه الوهم وفكراها المانى أو من رحته زى الأوبل و الاسكودا

وبعدين يا عم انا لا صاحب توكيل والا معرض ولا حتى شغال فحاجه منهم عشان تهمنى المبيعات ههههههههههههههه
انا مجرد راجل شغال فى غير ملكى ههههههههههههههه

ومتزعلش اذا كان كلامى ضايقك

المشاركة الأصلية كتبت بواسطة mody10_10 (المشاركة 59499)

يا اخ واوا بص شكلك مغرم بحاجه اسمها المانى دى بقا مش المانى دى تشيكى دلوقت شوف جمهوريه اتشيك عمله ازاى وبعدين اتكلم وبعدين محدش يزعل منى انا كنت فى الكويت الاسكودا محدش بيركبها لانها عربيه حقييييييييييييييره جدا يعنى الناس اللى معاها فلوس كانت على الاقل تفكر تجيب عربيه الخضار من اسكودا بس بيفضلو اليبانى عنها شوف وصلت لدرجه ايه وانا قولت من الاول الاحترام لى بى ام ومرسيدس وبعدين لو جيت تدور صح هتلاقى ان الالفا روميو اغلى بكتير من البى ام واحسن منها وهى تبع فيات صح ولا انا غلطان انما بقا جهل الشعب المصرى جه بسبب المرسيدس المانى ولما عرفوا ان الاسكودا المانى قالو من ريحت الالمانى تبقا حلوه من غير تفكير عملو زى البقره اللى مغمين عنيها سورى على التشبيه كذالك الاوبل قالو المانى وهى مش المانى ده بقا قمه الجهل بالسيارات وانا اهو وانتوا اهو هنشوف بعد كده اسكودا عمله ازاى فى السنين اللى جيه وبعدين مفكرتوش فى حاجه ليه كل السنين دى الاسكودا مغيرتش شكلها طول العمر ده مع ان السيارات التانيه فى التغير المنوط بين الشركات اقول ليه زى الفيات 128 والادا شكلهم ثابت واتعودنا عليه عشان عربيات عمود البلد من الاخر ولما اسكودا لما فكرت تغير الشكل غيرت الفانوس لا جيتو على نفسكوا

تحياتى للجميع