رد: تخفيض جاااامد في سعر فيات بونتو كلاسيك (حازم خضر)
 

عندى سؤال للناس اللى جربت العربية دى و هو عن حجم الشنطة و هل تستحمل شنطين سفر مثلا واللا حجمها صغير
و فى حالة إن حجم الشنطة صغير فها تقترحوا مثلا إنى أفكر فى السيينا ؟؟؟؟؟ !!!!!!!
أفيدونا أفادكم الله

رد: تخفيض جاااامد في سعر فيات بونتو كلاسيك (حازم خضر)
 

الله يخليك يا باسل باشا وانا فعلا سعيد بوجودي في المنتدي مع الناس المحترمه اللي زيك كده:)
الله يخليك يا حبيبي حنجيب العربيه الاول و بعدين العربيه تجيب العروسه بقي ههههههههههههه
هيا شنطه العربيه مش صغيره بالنسبه لعربيه هاتش باك يعني هيا اكبر من شنطه الكورسا و شنطه الi10 و البولو و الابيزا بس طبعا مش حتبقي بوسع شنطه السويفت مثلا!!
لكن لو فارق معاك الشنطه اوي شوف اي عربيه تانيه
و السيينا بلاش منها لانها تقفيل صيني و مش متجربه و موتور اللي فيها 1500 بصراحه
ماشوفتوش مشترك مع اي عربيه فيات تانيه مش عارف هما جايبينه منين!!

رد: تخفيض جاااامد في سعر فيات بونتو كلاسيك (حازم خضر)
 

يا جماعه العربيه دى تحفه فنيه من ساعات ما طلعت و كانت بتنافس الجولف و انا كنت هشتريها بس اللى منعنى قطع الغيار بتاعتها لان الميكانيكى قال انها غاليه و جبت فيليشا و اكيد الفيليشيا اوحش منها. ممكن حد يدينا معلومات عن قطع الغيار

رد: تخفيض جاااامد في سعر فيات بونتو كلاسيك (حازم خضر)
 

والله العظيم أنتو أساتذة يا جماعة سواء اللي بيسأل أو اللي بيجاوب حقيقي أنا كانت في ذهني أسئلة كتييير لأقتها موجوده هنا والرد واع ودارس وفاهم الله ينور يارجالة لكن بخصوص بنك ناصر لو عبي نظام الوديعة يبقي أفضل أقسط عند المصرية للسيارات مش كدة ولا أيه أنا بصراحة محتار وعايز ردودكم ونصيحتكم يا إخواني لأن الموضوع ده شاغلني جدا ما بين بنك ناصر وبين المصرية للسيارات خصوصا إني سامع إن الفائدة عندهم ممكن تكون 4%"

رد: تخفيض جاااامد في سعر فيات بونتو كلاسيك (حازم خضر)
 

اكيد البونتو محدش يقدر بتكلم عنها
بس فيه حاجه محيرانى خصوصا ان خبرتى فى العربيات قليله جدا
ازاى البونتو اغلى من الباليو رغم ان موتورها 1300 سى سى
والباليو موتورها 1500 سى سى
فرق السعر ده متعوض فى ايه