رد: اسئلة تهم المبتدئين فى عالم السيارات
 

هشام منصور اهلا بيك يا أ/هشام معانا
العفشة Suspension system أو منظومة التعليق الغرض الاساسى منها هو تقليل الإهتزازات من الطريق الى الراكب و زيادة مستوى الراحة للركاب
و بتتكون العفشة بصفة عامة من شوية اجزاء
المقصات و الصب فريم و المساعدين و السوست و تعتبر المساعدين و السوست أهم أجزاء العفشة على الرغم من إن الأجزاء الاخرى لا تقل اهمية عنهم
و ممكن تسأل حضرتك بمزيد من التفصيل و تحديد اللى عايز حضرتك تفهمه و كلنا تحت امرك

رد: اسئلة تهم المبتدئين فى عالم السيارات
 

أنا بصراحه معرفش عنهم حاجه
هو أنا أسمع عن المساعدين و السوست لكن المقصات و الصب فريم معرفهمش خالص
فياريت لو شرح سريع كده أكون شاكر جدا
ptmnlo123per1127

رد: اسئلة تهم المبتدئين فى عالم السيارات
 

الصب فريم هوا اللى بيجمع العفشة أو بمعنى أدق كل حاجة مربوطة فيه
المقصات و علبة الدريكسيون و قواعد المحركو كمان الإستبلايزر

بالنسبة للمقصات الأسم باللغة الإنجليزية Swing arms يعنى الاذرع المتارجحة و ده عشان من ناحية بتتربط ببيضة فى الشمعدان و من الناحية التانية فيها جلبة و بتتربط فى الصب فريم
و بإختصار عند الفرملة بيحصل load transfer يعنى إنتقال الحمل من الخلف للأمام ( زى اللى بيحصل لو حضرتك راكب اتوبيس و السواق ضرب فرامل مرة وحدة هتلاقى نفسك بقيت عند السواق أدام ) و المسؤل عن تحمل القوى و الإجهادات فى الإتجاه ده المقصات

رد: اسئلة تهم المبتدئين فى عالم السيارات
 

متهيالى يا احمد القصد على فرامل المحرك التانية انك تدى غيار اقل من الى انت ماشى علية ... يعنى لو انت ماشى على الرابع وعلى 80 او 90 مثلا وحبيت توقف العربية بسرعة تديها التالت وترفع دبرياج هتلاقى العربية بتتشفط لورا .. ودى من عيوبها انها بتتبلف اجزاء فى المحرك وكمان لو اتعملت غلط ممكن تكسر البساتم خالص ..

رد: اسئلة تهم المبتدئين فى عالم السيارات
 

انا فهمت قصدك يا مشاكس لكن اللى انا قصدى عليه مش تسقيط الغيارات لكن انك تسيب رجلك من على البنزين و العربيه معشقه ده برضو بياثر على البساتم و على فكره انا بعمل كده و مش عارف ابطل الحركه دى