مصر موتورز مجتمع السيارات - BYD و الصينى والكورى والأوروبى .. فهل نحن زبائن درجة ثانية !!!

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

رد: BYD و الصينى والكورى والأوروبى .. فهل نحن زبائن درجة ثانية !!!

اقتباس:

المشاركة الأصلية كتبت بواسطة ziabassem (المشاركة 314397)

وهل عند حضرتك شك في أننا زبائن درجة تانية .. ومن وجهة نظر وكلاء السيارات يجب ان نقبل بالفتات الذي يلقى لنا ؟!!

على فكرة انا ليا اعتراضين على الموضوع ده متمثلين في :
1) مع كامل احترامي لمنتدى مصر موتورز .. كان يجب عرض هذه المقالة الشيقة في إصدار صحفي يلقى رواجاً كبيراً .. لأنها فاقت أي مقالة قرأتها لكاتب صحفي متخصص في مجال السيارات .
2) أحبذ نقل الموضع لقسم المنتدى العام للسيارات وليس قسم البي واي دي .. فهو يتحدث عن حال السيارات في مصر بصفة عامة .

بس حقيقي مقالة ... yesyesyesyesyesyesyesyesy esyesyesyes

I agree with you totally
thanks for your article

رد: BYD و الصينى والكورى والأوروبى .. فهل نحن زبائن درجة ثانية !!!

عزيزى الاستاذ محمود mmmmgogommmm رد سيادتك على استاذنا abojessy به معلومات كانت فى عقلى مثال على الاندهاش وسياسة الشركات فى حجم السيارة وقوة الموتور وما يثير الدهشة والغيظ اكثر ان ما قرائته ان الاكسينت الجديدة الهاتش باك بها موتور GDI 140 حصان مايعنى على قد جسم السيارة هذه تستطيع ان تقول العفريت فى العلبة واكيد الوكيل ينزلها بلا معدلات امان للتوفير طبعا وما يجعل الشباب يحبون الفيرنا هو قوة الموتور والانطلاقات القوية والسرعات العالية ولكن لو فكر احد مقتنيها اين معدلات الامان من ناحية الفرامل وغيره لا يوجد والسيارات الالمانى دبابات البنزر المتينة بمواتير 105 حصان لان الموتور 1600 سى سى خوفا من الجمارك اذا زادت السعة اللترية ثبات رائع وسحب مريض تتفوق فيه الهيونداى التى وضعت قلب الفيل فى اجسام الارانب شكرا يامحمود باشا على هذه الاضافة لتكشف مزيدا من الحقائق المريرة

مساءالخير دكتور مناهرى----طبيب القلوب والنفوس--اشكرك على ردك وعلى كشفك لنا عن فصل جديد من فصول خداع المستهلك المصرى والاستهتار بة بطرح سيارة ب90000جنية يدفعهم المواطن المصرى الغلبان فاين القيمة التى دفعنا مقابلها النقود---اود لو وضع جهاز حماية المستهلك مواصفات الامان وخاصة فرامل(abs-epd)كمواصفة اساسية--- الجماعة الصينيين ليهم الفضل فى اننا عرفنا ان الايرباج والفرامل المانعة للانغلاق والانزلاق شىء عادى ومش غالى بدليل انهم بيركبوة فى كل عربياتهم--------زمان كانت الهيونداى بتنزل عندنا كاربراتير مش انجيكشن ومش باور ونفس العربية كانت بتنزل فى العالم كلة انجيكشن وكاملة وبنفس الموتور مع ان كان ليها وكيل وكان ممكن يصين الانجيكشن بس التوفير لحساب الوكيل----انا مش متحامل على التوكيل انا بحب الهيونداىوبحترم وكيلها بس زعلان من حكاية الاستهتار بالمواطن والطمع فى الربح والمشكلة مش مشكلةالهيونداى بس--------تعالوا نشوف البيجو واسعار قطع غيارها وكذلك الرينو ---الاوربى كلة الوكلاء كرهونا فية----اسعار قطع الغيارالمبالغ فيها كرهت الناس فيها----فى حاجة فى الدنيا اسمها كوبلن ب4000جنية لية اية التكنولوجيا اللى فية--والغريب ان مبيعات الاوربى قلت والمفروض انهم يفهموا السبب لكن مصممين لية تخسروا وتخسروا الناس---الموضوع بيفكرنى باحد الزملاء المحترمين فى منتدى تانى بيحكى ان المقاولين العرب كانوا واخدين عملية بناء مبنى فى الامارات كان العمال المصريين بيقضوا ايام يطلعوا المسامير من الخشب عشان يستخدموها تانى ال اية صعبان عليهم تترمى مع انها كلها متعملش 2كيلو ب30 درهم طيب طيب اجر المال اللى قعدوا يفكوا المسامير فى عدد الايام يساوى كام والشركات التانية تسبق وتسلم---اعتقد ان الفكر التجارى السليم فى مصر مش موجود غير عند شخص واحد وهو (نجيب ساويرس)--راجل فاهم وبيكبر وبيكبر شركاتة ورافع اسم مصر فى اوربا وافريقيا واسيا----واللة اعلم--سعدت بمداخلتك جدا دكتور مناهرى وتقبل تحياتى:playing_music:

رد: BYD و الصينى والكورى والأوروبى .. فهل نحن زبائن درجة ثانية !!!

اقتباس:

المشاركة الأصلية كتبت بواسطة mmmmgogommmm (المشاركة 342855)

انا اللي قلت الحدوتة دي هنا!! 444546

رد: BYD و الصينى والكورى والأوروبى .. فهل نحن زبائن درجة ثانية !!!

صباح الخير استاذ/mmforاسف جدا لم اتعمد تجاهل كون سيادتك صاحب هذة القصة المعبرة والمناسبة فى مكانها ولكن الكتابة مساء وكثرة التنقل بين المنتديات وتداخل المواضيع وتشابهها فى نفس المنتدى تؤدى احيانا الى النسيان والخلط-لذا ارجو المعذرة---واؤكد لسيادتك ان هذة القصة هى اصدق مثل على ان المشكلة لدينا هى مشكلة اسلوب التفكير وليس الامكانات وشكرا