مصر موتورز مجتمع السيارات
صفحة 8 من 13 1234567 8 910111213
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى السيارات العام (https://www.masrmotors.com/vb/forumdisplay.php?f=2)
-   -   هل انت راض عن سيارتك الحالية ؟ (https://www.masrmotors.com/vb/showthread.php?t=42394)

Limoway 19-01-2011 03:38 PM
رد: هل انت راض عن سيارتك الحالية ؟
 
الإنسان بطبيعته لا يرضي بحاله وملول

أنا عن نفسي نفسي أغير لمجرد التغيير

waledahmed 19-01-2011 05:50 PM
رد: هل انت راض عن سيارتك الحالية ؟
 
في البدايه الموضوع لما اكون جايب السياره وانا راضي عنها اكيد هكون راضي

walidelwahsh 19-01-2011 07:03 PM
رد: هل انت راض عن سيارتك الحالية ؟
 
اقتباس:
المشاركة الأصلية كتبت بواسطة waledahmed (المشاركة 339476)
في البدايه الموضوع لما اكون جايب السياره وانا راضي عنها اكيد هكون راضي
اقتباس:
المشاركة الأصلية كتبت بواسطة magd131 (المشاركة 339276)
الحمد لله راضي وحامد ربنا وبدعيه ليل ونهار انه يبارك فيها ويكفيني شرها عارف يا باشا اول عربيه ركبتها كانت بتاعة ابويا وكانت بيجو204 موديل 76 طبعا كانت العربيه مع ابويا زي الفل وماشيه تمام مفيهاش اي مشاكل وبعد كده ركنها في الجراج من سنة 89 لحد سنه 93 وبعد كده طلعتها وركبتها وكانت مفرجه عليا خلق الله وكانت بتعمل فيا كل مقلب والتاني عارف مره وانا ماشي بيها المساعد الامامي طلع من الكبوت وكان يوم مايعلم بيه الا ربنا وياسلام بقي لو حد ركب ورا اتفرج علي الدخان الي بيطلع منها المهم بعتها وخلصت منها واشتريت اول عربيه بفلوسي وكانت 131 وكانت زي الفل وبعدين بعتها بعد 4سنوات واشتريت لانسر 98 وكانت عربيه زي الفل والحمد لله كانت فيها مشكله اني اشترتها من واحد قريبي وطبعا الباقي انتي عارفه المهم بعتها والحمد لله ربنا اكرمني وجبت تويوتا كورولا 2010 والحمد لله عربيه جميله جدا الحمد لله
اسف علي الاطاله بس حبيت اقول افضال وكرم الله سبحانه وتعالي عليا والحمد لله رب العالمين
مشكور يا وليد باشا علي مواضيعك المتميزه:fun_36_3_3[1]::fun_36_3_3[1]:GIFT4UGIFT4U
ربنا يخليك يا كبير على ذوقك
وربنا يباركلك في عربيتك ويديك خيرها ويبعد عنك شرها :14369D~149:

pointer 19-01-2011 07:12 PM
رد: هل انت راض عن سيارتك الحالية ؟
 
رضا و الله الفيراري مش وحشه برضوا

:crazyW14:

لا شوف الرضا حلو والله بس مافيش مانع برضو تبص علي حاجه اعلي و في الاخر ده حسب الانسان نفسه فاللي بيرضي برغيف عيش بيبقي سعيد و اللي ما بيرضاش بالماي باخ بيبقي مضايق منها
الحمد لله علي نعمه الرضا وربنا يدمها نعنع

sam ram 19-01-2011 07:12 PM
رد: هل انت راض عن سيارتك الحالية ؟
 
الحمد لله راض و بحمد ربنا على نعمته
التغيير بالنسبه ليا بيكون مرتبط بشويه عوامل ...يمكن فيها تعارض ..
ازاي
مبدئيا ... طبيعه شغلي بتخليني اتحرك بالعربيه كتير لاماكن بعيده زي المدن الجديده
وبالتالي يهمني تكون العربيه بحاله كويسه و بهتم بالصيانه في مواعيدها في التوكيل رغم ان العداد عدى ال 100 الف ... وخرجت من الضمان ...
لكن بقول اضمن و احسن

ولأن مشاويري متغيره و بروح اماكن كتير فبالتالي مليش خط سير محدد ... وكتير بمشي في شوارع مش متسفلته كويس اومتربه ..وانزل واركب فالصالون كمان يترب ويتعفر والدواسه تتطين ... فدايما العربيه من جوه متربه .. مش كل يوم حقعد ساعه في المحطه اغسل الصالون ..
دا غير ان البرابريز عندي مليان شروخ بالعبيط .. تابلوه العربيه مليان ورق الدكتور خالد بتاع تصليح الازاز .. كل شويه الاقي زلطه نطت لي في وشي تشرخ لي حته في الازاز ...
وبالتالي مبفكرش اني اجيب عربيه فخمه اوي او غاليه .. علشان مزعلش عليها لو اتجرحت و لا الصالون اتبقع ... ولا البرابريز شرخ ...
فالتغيير بالنسبالي بيكون علشان اجدد العربيه ... فبحاول اني كل 4 او 5 سنين او 100 - 120 الف اجدد ...
مش شرط اجيب عربيه افخم او اغلا كتير او اكبر ... لكن الاهم انها تكون زيرو .. و بنت حلال (مناسبه لاحتياجاتي)

و دا طبعا مرتبط بالسيوله و الحاله الاقتصاديه
والوضع اليومين دول مش مشجع خالص على التغيير
فانا كده كده .... راضي و زياده .. وربنا يديمها علينا نعمه


الساعة الآن 04:56 PM.
صفحة 8 من 13 1234567 8 910111213
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017