رد: أنا خايف جدأومش عارف أعمل أية برجاء المساعدة
 

مش عارف أأقولك أيه الصراحه

غير أنك وقعت فى مجموعة حلاقين .........مش ميكانيكيه

عموما

جرب العربيه يومين تلاته أو أسبوع

بس قبل هذا

لازم تتخلص من القطعه الموجوده بالكرتيره حفاظا على آداء دورة التزييت

أنا لو مكانك

ححل الكرتيره وأنزل الزيت وأنظف الكرتيره والمصفه بتاعة الطلمبه وأنا حالل

لأن اللى أتعمل ده مينفعش الصراحه

رد: أنا خايف جدأومش عارف أعمل أية برجاء المساعدة
 

بس هى وقعت بعد لما ربط كل حاجة يعنى كان يفك الوش تانى ولا أعمل اية ولا الكرتيرة دية بتتفك لوحديها ولا أغير الزيت . وحكاية التأكل فى وش السلندر دية أية هو قال لو التأكل جه بعيد عن الجوان يعنى الجوان مغطهوش يبقى اروح أزود المونيوم وأقشط بس لو غطاه زى ماحصل يبقى دة مفهوش مشكلة .
- بالنسبة لموضوع rpm الي أبتدى يلعب
- وكمان حضرتك تقصد أيه بالتعمل دة مينفعش (موضوع قطعة الجوان )ولا (التأكل الي فى الوش) وأية المفروض كان يحصل فى موضوع الوش
بصراعة أنا أبتديت أقلق

رد: أنا خايف جدأومش عارف أعمل أية برجاء المساعدة
 

يا أخى

كان حل غطاء التاكيهات تانى مش وش السلندر وشال الأجزاء اللى وقعت من جوان غطاء التاكيهات جوه حوض التاكيهات

وممكن تلاقيها جوه حوض التاكيهات حاليا ....ومنزلتش جوه الكرتير أو دابت فى الزيت

زى ما البيه بيقول

شوف يا أخى

شغل الميكانيكا أولا وأخيرا

90 % من أسباب نجاحه هى عملية النظافه من قبل الصنايعى

وواضح أن الميكانيكى ده

مش نظيف فى شغله

والمفروض تعرض الأمر برمته على ميكانيكى آخر

يكون بيفهم فى أصول أعمال الصيانه الميكانيكيه

وممكن عدم النظافه ده

يكون هو السبب فى المشاكل الحاليه عندك والخاصه بعدم تطبيع وش السلندر من تحت على بلوك المكنه

أنا أشك أنه ممكن يكون نظف مكان الجوان القديم على البلوك بما يرضى الله

قبل تغيير الجوان الجديد

من الآخر

هو عكاك الصراحه

ومتقلقش نفسك فكل شىء وليه علاجه

وعلاج موضوعك

الذهاب لميكانيكى نظيف

رد: أنا خايف جدأومش عارف أعمل أية برجاء المساعدة
 

-لاءلاء هو مش وحش للدرجادى وقطعة الجوان اليوقعت كانت وهى بيحاول يطلعها مش قفل عليها
- اما موضوع النضافة فهو نضف بسكينة معجون وبعدين صنفرة وبعد كدة فرشة وبنزين وبعدين نشف بالهواء حتى قولتة دى البساتم سودا قوى قالى مينفعش أشيله دا الكربون وكمان انا مسيبتوش لحظة وكنت حريص أنه ميبقيش مسمامير وصواميل فى الأخر ويقولى دول زيادة يابية بس الحمد لله من غير ما أقولة لأخر وردة كانت ركبة على فكرة أنا مش بحاميله ولا حاجة بس الحق يتقال وساميحنى لو كنت بطول عليك بس أنا حاسس أنى زى الغرقان ومحضرتك لوتعرف حد كويس ياريت ترشدنى وشكراً

رد: أنا خايف جدأومش عارف أعمل أية برجاء المساعدة
 

أنا مقيم بالأسماعيليه ....

ولو أنت جنبنا .........أنا تحت أمرك

عموما ممكن تخليه يحل غطاء التاكيهات فقط ويبص جوه الحوض على أى قطع

مترسبه من بواقى الجوان اللى سقطت منه أجزاء جوه حوض التاكيهات

ولو أنت شايف أن مفيش مشاكل من حجم الجزء اللى وقع منه

خليك معاه وأبقى روحله بعد أسبوع لمراجعة رباطات الوش

وشوف النظام الجديد حيكون أزاى

لأننى بصراحه قلق من نسب التآكل اللى أنت قولت عليها فى الوش من أسفل

عموما

التجربه خير برهان بعد أعادة الرباط على الوش

مع تنفيذك للصيانات العاديه

زى تغيير أو نظافة فلتر الهواء والبنزين ومراجعة ثغرة البوجيهات وتنظيفها أو

تغييرها ( حسب حالتها الحاليه )