رد: اية رايكم فى الافيو الكورى
 

عربية سيئة جدا جدا جدا انا كانت معايا افيو موديل 2011 زيرو وبعتها بعد شهر من شرائها كانت عاملة 1700 كيلو من اول يوم فيها مشاكل روحت بيها التوكيل 4 مرات مرة سيرفو مرة صوت فى الدبرياج مرة فيشة تى بى أس مرة ترصيص مرة طنابير وعلى فكرة كانت المصرى وكل ده وتقولوا ظلمنها

رد: اية رايكم فى الافيو الكورى
 

شكرا علي التقرير

رد: اية رايكم فى الافيو الكورى
 

السلام عليكم،

أنا شارى افيو سنة 2006 من الزيرو وعاملة حوالى 75 الف كيلون سافرت بيها الغردقة واسكندرية والساحل والعين السخنة.
اولاً احنا بنتكلم عن عربية فئة سيدان صغيرة Compact sedan وبالتالى دى عربية مدن فى المقام الاول وتصميمها بيكون فكرتة الرئيسية راحة الراكب وسعة الصالون والشنطة والاقتصادية فى استلاك البنزين، انما الثبات على سرعات فوق العالية (السرعات العالية من 100 الى 120) فمش مهمتها - دى مش عربية رياضية.
الثبات كويس لحد 100 وبيبتى يضعف (متفكرش تاخد عرز) بعد كدة. انا اقصى سرعة كانت 170 امدة ثوانى - الطريق لا يسمح باكتر من كدة - وكمان وانا مسافر الغردقة كنت ماشى على 110 الى 130 طول الطريق والعربية معترضتش - اتمسكت رادار على 127 كيلو- والاهم مكنتش خايف.
وسع الصالون فوق الممتاز لفئتها.
كمان العربية عالية ودة بيساعد فى مطبات المحروسة الجبلية.
خلال السنين دى كنت بعمل صيانة فقط،
العيوب: التكييف ضعيف وبأثر على الموتور، العفشة تعتبر خشنة (معايا دلوقتى صنى والفرق كبير)، الطلعة ضعيفة بس السحب بعد كدة بيتحسن.
العربية دى اولاً من حيث سعرها الحالة تعتبر غالية - بس كل نفس الفئة بنفس مستوى السعر، مناسبة لطرق القاهرة بدون السفر كتير (مرة او اتنين فى السنة).
باختصار سيارة عائلية اقتصادية فقط لا غير، ولا تصلح لشاب على الاطلاق - الا لو كان سواقتة هادية بدون جرى وشد كتير.
والسلام ختام

رد: اية رايكم فى الافيو الكورى
 

الافيو ممتازة بجد وعن تجربة منذ 2006

رد: اية رايكم فى الافيو الكورى
 

الافيو اوحش عربيه فى التاريخ انا معايا موديل 2010 كل العيوب ظهرت فيها 1- ار بى ام 2-العفشه ناشفه جدا وبتزيق وحاجه تقرف 3- صوت الموتور عالى والله العظيم انا زهقت من السواقه بسببها -- اسال الله العظيم ان لا يكسب التوكيل بتاعها وكل من ساهم فى نزول هذه العربيه فى مصر ز ----------- من الاخر العربيه زباله زباله زباله:THUMBS~113: