|
رد: معلومات عن موتور جاك بي كلاس jac b15
اقتباس:
وأن شاء الله نتقابل ( حينما يشاء المولى سبحانه وتعالى ) ولو عندك كتالوج أو لينك فيه داتا هندسيه لسيارتك ومحتاج نتناقش فيها ياريت توضحه وأنا تحت أمركم جميعا |
رد: معلومات عن موتور جاك بي كلاس jac b15
اقتباس:
من خلال مناقشاتى معهم فى مهمة التفتيش التى كنت مسافر لها وخاصه بعملى أمكانياتهم الفنيه محدوده فعلا وكل النهضه التى وصلوا لها من خلال حب النهوض والنمو مش عارف ( هل علشان هما قصيرين والمثل معروف ............؟) بيعرفوا يمكروا صح ( فى سبيل مصلحتهم ) ويستقطبوا عندهم توكيلات من بلدان أخرى متطوره علميا وصناعيا زى السويد واليابان وألمانيا وأمريكا وخلافه أنا أشك أن حتة القصر دى ليها علاقه بتطورهم بجد واعيين بصحيح مش زى حالاتنا معندناش أى ولاء ولا سناء ولا جهاد ( لأمنا الحبيبه مصر ) اقتباس:
|
رد: معلومات عن موتور جاك بي كلاس jac b15
حضرتك اذا كنت بتستند الى العوامل الوراثيه وقصر القامه فطبعا يبقى ده استنتاج فى نظرى مش منطقى (لأن الألمان) ودول شمال اوربا بطبيعتهم عماليق وهم ايضا مكارين جدا اكثر من الصينيين --وبعدين حضرتك موضوع الذكاء هذا نسبى وليس على اطلاقه يعنى عندنا عباقره وهم كذلك وعندهم اغبيه ونحن لدينا (خلى بالك موضوع ان احنا اذكياء بس الظروف والضمير وخلافه هى دى الشماعه الى بنعلق عليها فشلنا لأننا لسنا بأذكياء --عارف ليه ؟؟؟؟؟؟؟؟؟؟لأن اللذين قامو ببناء الأهرامات دول مش مصريين ولكنهم اللذين هبطوا من السماء ثم صعدوا اليها مره أخرى لما قرفوا مننا (على فكره دى نظريه كان قد كتب عنها انيس متصور --وطبعا هى فكره مجنونه!!!)المهم أخى الفاضل اعتقد انه من الذكاء الخارق ان تسابق الزمن وتصل الى مصاف الدول العظمى وهذا هو ذكاء الصينيين الحقيقى --وكمان احنا دائما بنكون مسافرين وريحين دول زى الصين زى محضرتك تشرفت وقلت ولكن بتكون واضع انطباع مسبق على ان هؤلاء البشر مش اذكى منك وعليه بتبدأ تصصرف معاهم من هذا المنطلق وأى غلطه او لحظه بتخون الطرف الأخر وعلى سبيل المثال الصينى يبقى انطباعك صح وهوانه مش زكى --خلى بالك المكر والدهاء قمة الذكاء وهذا هو ذكاء الثعلب المكار--وهذه وجهة نظر لاأكثر--وشكرا على حواراتك المفيده
|
رد: معلومات عن موتور جاك بي كلاس jac b15
أنا دايما بأقتنع بالموروثات
وخصوصا فيما يخص الأمثله الشعبيه لأنها بتكون نابعه عن تجارب فعلا ودايما التجارب بتولد نتائج اقتباس:
فأنا دايما زى مابينت لك سابقا فى نفس المشاركه بأمشى وراء الأمثله الشعبيه ومبخدش أنطباع عن أنسان إلا بعد معاشرته أستنادا إلى المثل القائل تعرف فلان .........أعرفه ( المتسرع طبعا ) عاشرته ( رد العاقل ) ......لا ( رد المتهور ) يبقى ماتعرفوش ( العاقل ده ) وهو ده الصح ولا خلاف عليه عمرك ماتعرفنى ولا أعرفك إلا من خلال المعامله والمعاشره الحياتيه حتى وأنت رايح تخطب وتجوز تلاقى نسايبك ( مثلا ) فارشينلك الأرض حرير وهب وقعت الفاس فى الرأس وبانت لبتها ( مش كله طبعا ) بس ده الواقع الملموس لنا جميعا ________________ عاوز كمان أبين لسعاتك حاجه دائما ما أعمل المنطق عند دراستى لأى أمر من الأمور قبل أطلاق الحكم عليه مع دراستى لهذا الأمر جيدا حتى يكون حكمى صائبا على هذا الأمر وفعلا زى ماقولتلك الصينيون على قدهم فى الفكر المهنى والفنى والهندسى بوجه عام لو أنت رحت هناك وشوفت نظامهم بشكل عام حتلاقى لازم من تواجد خبير أجنبى عندهم لأرشادهم على الصح فنيا فى أى مجال من المجالات |
رد: معلومات عن موتور جاك بي كلاس jac b15
بالمناسبه
عاوز كمان أوضحلك شىء يا أستاذ : أيمن العقل المصرى ( من أنضف العقول فى العالم ) ولكنه طاقه مهدره للأسف وطالما هو طاقه فلابد من تحرير تلك الطاقه ( دون أن تدرى ) وحررت بالفعل الطاقه حاليا فى نطاقات عديده 1- الحداقه والفهلوه 2- نظام النصب وخلافه 3- نظام المباصيه للأمور وأرسال الكوره للغير طيب ماتتصرف فى الكوره صح .........وتجيب جول ماهو مش عارف بسبب حاجات كتير وبالتالى أنا أرى لو وظف ( بضم الواو ) العقل المصرى بطريقه علميه صحيحه بحيث يثاب المجتهد ويعاقب المخفق فستجد وضعا مختلفا عن مانحن فيه ___________________ دا حتى نظام أختراع البدائل مش موجود غير فى مصر تلاقى الصنايعى من دول يألف دى على دى ....وبيمشى الحال أما بره لازم زى ما الكتاب بيقول حفيظه ....بس حفيظه صح يالله حصل خير حسبنا الله ونعم الوكيل |
| الساعة الآن 08:35 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017