المشاركة الأصلية كتبت بواسطة matrux (المشاركة 960749)

الف شكر يارجالة على الاهتمام الكبير دة وعلى الرد السريع وخصوصا للاستاذ روميو
بس سؤال اخير يارجالة معلش انا عارف انى طولت عليكو
انا العربية بتاعتى استيبترونيك يعنى الاسبراتير بتاعها اليكترونى
دلوقتى اما ببطئ العربية عشان بعدى على مطب مثلا او الحتة زحمة احس ان العربية عاوزة تبطل يعنى بتنتش كدة وتعمل صوت زى صوت صريخ سير الدينامو وعداد الار بى ام بينزل خالص وبتكمل عادى المهم بعد ما نضفت الكربراتير كويس ومشيت بيها كتير الموضوع اتعدل دلوقت بعد ماغسلت العربية وغسلت الموتور بالجاز بدآت تعمل تانى كدة والمرة دى وقفت وانا ببطئ واما شغلتها اشتغلت عادى خالص ومافيش اى حاجة
واما اكلم حد يقولى الاسبراتير بتاعك اليكترونى يعنى بيظبط لوحدة
طب هل العربية بتنتش كدة فترة عبال ما الكربراتير يظبط كمية الهوا اللى داخلة للموتور ولا اية المشكلة
طب لو كانت حاجة تانية طب حلها اية والعربية كلها كهربا
وهل الكربراتير اما اجى انضفو بنضف البوابة بس ولا فية حاجة تانية بتتنضف؟
وشكرا اوى يارجالة على الرد

المشاركة الأصلية كتبت بواسطة romeoalmansour (المشاركة 963422)

شكرا جزيلا لحضرتك ولجميع الاخوة الاعزاء المشاركيين في حل المشكلة
ثانيا احنا هنا عشان تطول علينا واحنا كلنا نقف جنب حضرتك
لو فيه اي مشكلة في السيارة اتاكد ان الميكانيكي ركب سير الكاتينة صح خليه يشيك عليها الاول وبعد كده نشوف