مصر موتورز مجتمع السيارات - العين السخنة والمصيف .. تقرير كامل بالتفاصيل والصور

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

رد: العين السخنة والمصيف .. تقرير كامل بالتفاصيل والصور

اقتباس:

المشاركة الأصلية كتبت بواسطة وائل احمد السيد (المشاركة 882939)

تقرير ولا اروع
ارجو من حضرتك اننا نتفق على يوم زى دة لتعليمى ياريت دة حلم طفولتى
انا بعرف اعوم واللى علمنى كابتن / خالد حسان اول شخص مصرى يعبر المانش بساق واحدة ولكن موضوع اخد النفس وانا عايم كنت كويس فية ومافيش مشكلة ولكن نسيت لانى على طول فى الشغل ليل ونهار والاولاد والمدارس فمش بتمرن
فياريت نتفق على يوم مثل دة واعتبرنى مابعرفش اعوم
تحياتى
انا ماشفتش موضوع تكاليف الرحلة ولى سؤال
هل لو انا جبت 4 او 5 اصدقاء عاوزين يتعلمو مثلى ممكن تتطلع معانا بعد الاتفاق ؟
تحياتى شكر وتقدير

كل التفاصيل اللى محتاج تعرفها فى الصفحة (1) فوق وعذرا على تأخرى فى الرد

رد: العين السخنة والمصيف .. تقرير كامل بالتفاصيل والصور

:clapW15::clapW15::clapW1 5:

أولادى نفسهم جدا يغطسوا ويصوروا تحت الماء
ان شاء الله اما يخلصوا الامتحانات اعطيهم رقم حضرتك ويطلعوا معاك رحلة للغطس
الكبير فى اولى جامعة والصغير تانية ثانوى

جزاكم الله خيرا على التقرير الرائع:01FDAB~189:

رد: العين السخنة والمصيف .. تقرير كامل بالتفاصيل والصور

اقتباس:

المشاركة الأصلية كتبت بواسطة amr elsisi 1 (المشاركة 882615)

ابو نورا البحر الاحمر كلة قرش
وانا كتبتلك في مشاركة سابقة لنفس الموضع علي كاميرا
انظر اليها

خد بالى تسلم ايدك ودخلت دلوقتى شوفت مواصفتها على موقع كانون بس هى اسعارها ايه هنا فى مصر ؟

رد: العين السخنة والمصيف .. تقرير كامل بالتفاصيل والصور

اقتباس:

المشاركة الأصلية كتبت بواسطة مصطفى-حسن (المشاركة 882734)

للمرة التانية شكرا جزيلا لكل الاعضاء على التفاعل مع الموضوع

وانا هبدأ الايام اللى جاية ارد على كل مشاركة على حدة لان اللى بياخرنى على الرد هى مشاغل الحياة لا اكثر

واول حاجة هرد عليها هيا اللى اتكررت كتير من الاعضاء وهيا بخصوص تكلفة الرحلة

بس قبل ما ارد انا بستأذن الادارة فى الرد على الناس عشان الرد هيكون فية اسعار وارقام تليفون

وانا برد على الناس عشان دى اداب الموضوع
بمعنى ان مينفعش اكون عامل موضوع واكتر من عضو يسأل على نفس السؤال وانا انفض لهم
وكمان انا عامل الموضوع بالدرجة الاولى عشان يكون معلوماتى وخدمى للناس مطلبتش من حد حاجة
ومدخلتش قولت تعلن شركة كذا او مكتب كذا عن عن قيام رحلة الى مكان كذا بمبلغ كذا

دة محصلش

ولو محدش سأل على اسعار وكدة مكنتش هجاوب طبعا ولا هفرض نفسى على حد وكانت ردودى هتبقى هى الردود العادية (معلومات ونصائح لا اكثر)

الحاجة التانية ان انا شغال فى تنظيم الرحلات دى بقالى 3 سنين لحد دلوقتى زى ما قلت فى المشاركة اللى فاتت والحمد للة شغال طحن مجرد ما الامتحانات ما بتخلص لحد المدارس ما بتدخل

لذا ارجو من ادارة المنتدى تفهم ذلك..........
ــــــــــ ــــــــــــــ ـــــــــــــــــــ

نيجى بقة للاعضاء اللى بتسأل عن التكلفة والرحلة وكدة

فى البداية معلومات عامة وسريعة :

- رحلات السنوركل والغطس الحر هى للجنسين (رجال ونساء)

- تعليم السنوركل والغطس الحر لمن يجيد السباحة من الجنسين (رجال ونساء) يبدا من سن المراهقة وحتى اربعينيات العمر

- تعليم السنوركل فقط لمن لا يجيد السباحة من الجنسين (رجال ونساء) تبدأ من سن العاشرة وحتى خمسينيات العمر

- هذة الرحلات لا تصلح لمرضى الجهاز التنفسى ومرضى القلب والحوامل

- تكلفة الرحلة (تعليم سنوركل وغطس حر وتصوير تحت الماء) للفرد الواحد 150جنية وتشمل الاتى فقط:
ـــــــــــــــــــــــــ ـــــــــــــــــــــــــ
1- ايجار واستهلاك عدة
2- تعليم سنوركل وغطس حر لمن يجيد السباحة
3- تعليم سنوركل فقط لمن لا يجيد السباحة
4- المتابعة طوال اليوم فى الماء
5- تصوير كل المجموعة تحت الماء من 100 الى 150 صورة
ـــــــــــــــــــــــــ ـــــــــــــــــــــــــ ــــــ
- الاكل والشرب ووسيلة المواصلات ورسم دخول الشاطى خارج التكلفة
- حد ادنى للرحلة الواحدة 4 افراد او 550جنية سعر ثابت لو العدد اقل من 4 افراد
- حد اقصى لعدد الافراد فى الرحلة الواحدة 10 افراد (من اجل حسن الاهتمام والمتابعة الجيدة فى الماء باعضاء المجموعة) ولا اقبل او اتعامل مع الاعداد الضخمة
- لا يوجد يوم محدد للرحلة (الرحلات فى كل ايام الاسبوع)

طريقة التعاقد :
حضرتك بتشرفنى فى المحل بتاعى فى اى وقت طوال ايام الاسبوع من 11صباحا الى 10 مساء عدا الجمعة بتدفع ثلث المبلغ جدية حجز والباقى فى يوم الرحلة

عنوان المحل :
على بعد 25 دقيقة من الحرفيين
مدينة العاشر من رمضان / مركز الحى الاول / سوق المدينة / بجوار بنك الاسكان والتعمير وخلف مول صيدناوى وامام المخبز الالى / محل العالمية سنتر لخدمات المحمول والهدايا (مصطفى حسن)
رقم التليفون 01208782007
ملحوظة بالنسبة لرقم التليفون ... لو حضرتك اتصلت عليا قبل الساعة 6 المغرب وانا مرديتش فدة معناة انى فى البحر والتليفون بعيد عنى .. لكن من بعد الساعة 6 مساء وحتى 12 ليلا طول ايام الاسبوع بستقبل كل المكالمات عادى جدا

وبالتوفيق للجميع

يا استاذ مصطفى الإدارة هنا مبتمانعش فى اى حاجة يعلن عنها فى الموقع طالماً بأمانة ومصداقية كاملة وطالماً فيها افادة للناس

عموماً ربنا يوفقك والاسعار انا شايفها معقولة واحب اكون من المتدربين معاك ان شاء الله بس اجيب الكاميرا الأول ROSE4U

رد: العين السخنة والمصيف .. تقرير كامل بالتفاصيل والصور

اقتباس:

المشاركة الأصلية كتبت بواسطة memodina1 (المشاركة 882110)

شوف انا من السويس وكل يوم على الطريق عشان الشغل لكن عمرى ما عرفت المعلومات دى كلها وفعلا انت جبت من الاخر ونفسى اشوف الشعب المرجانية والغطس بجد شئ عظيم
وتقرير رائع بمعنى الكلمة وفية كل حاجة بس انت مذكرتش المصايف الرخيصة وكويسة فى نفس الوقت اللى بتبقى على ايدك الشمال وانت رايح الغردقة زى جت بيتش وكنارى وغيرها كويسين برضة لكن زحمة شوية بس والله تقرير منسق وفعلا تشكر علية وعلى تعبك فى الموضوع
شكرا لك

العفو ياباشا

اقتباس:

المشاركة الأصلية كتبت بواسطة ahmed208 (المشاركة 882116)

مشكور علي التقرير فيه حاجات جميلة

مصر السياحية كلها كنوز

اقتباس:

المشاركة الأصلية كتبت بواسطة Hisham.Elgazzar (المشاركة 882124)

شاطى جراند هايتس على بعد 33 كيلو من نقطة الصفر باتجاة الغردقة

احنا بننزل هناك على طول بس اول مرة اعرف انه فيه المرجان ده كله :fun_36_3_9[1]: :fun_36_3_9[1]: :fun_36_3_9[1]: :018A1D~146: :018A1D~146:

موجود فية بس اقرأ المشاركة اللى انا عاملها فى صفحة رقم 1 قبل اى حاجة حرصا على سلامتك

اقتباس:

المشاركة الأصلية كتبت بواسطة peter magdy (المشاركة 882144)

تقرير هايل جدا جدا
و منسق بطريقة جميلة
و شكرا على المعلومات المفيدة دى علشان اللى اول مرة يروح ( و انا منهم )
:CONGRA~238:

اى خدمة ياباشا

اقتباس:

المشاركة الأصلية كتبت بواسطة الكردي2000 (المشاركة 882151)

اكثر من رائع
:Wkiss5::Wkiss5:

شكرا جزيلا