مصر موتورز مجتمع السيارات - شد 128 سمكرة ودوكو وسروجي بالاسعار

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - شد 128 سمكرة ودوكو وسروجي بالاسعار (https://www.masrmotors.com/vb/showthread.php?t=102313)

رد: شد 128 سمكرة ودوكو وسروجي بالاسعار

اقتباس:

المشاركة الأصلية كتبت بواسطة مكس الاسكندرية (المشاركة 798266)

مساء الورد

ربنا يباركلك فيها انا برضوا كنت عايز اركب التكيف لكن الموضوع كبير وعزل وتعديلات وملاهاش لازمة واحنا الحمد لله عندنا الجو في الصيف كويس مش محتاج تكييف بس المشكلة اما اكون في القاهرة بس الواحد يستحمل والحمد لله كده رضا
وعلى فكرة انا بعشق السيارات 128 بس اما جيت اشتري قالولي الافضل خليك في موديلات من 90 لحد 86 علشان الموديلات التانية فيها مشاكل
بس جبت موديل 87 وانا مش مقتنع بالكلام اللي اتقال لاني طول عمري مقتنع ان اي عربية هتحافظ عليها مهما كانت هتفضل كويسة معاك

وربنا يسترها من عنده

تقبل تحيتي وتقديري وخالص احترامي

انا من ساعة ما استلمتها والحمد لله يادوب غيرت تيل فرامل امامى وسيور . وطبعا الزيت والفلتر . وكنت لغاية وقت قريب باعمل الصيانه فى مركز خدمة النصر فى غمره . خللى بالك منها تحبك ولو حبتك حاتحافظ عليك وتصونك حتى لو على حساب نفسها . وخللى بالك ان الجماد بيشعر بالإنسان. وربنا يحفظكوا من كل سوء ولو احتجت اى خدمات فيها راسلنى على الخاص وانا تحت امرك .

رد: شد 128 سمكرة ودوكو وسروجي بالاسعار

اقتباس:

المشاركة الأصلية كتبت بواسطة سيف الدين سعيد (المشاركة 798274)

صباح الفل

يارب يبارك لك فيها ويحفظك انت وهي من كل شر وسوء
ان شاء الرحمن اول اما استلم العربية اكيد هحتاج لخبراتكم الثمينة مع السفينة
ربنا ما يحرمنا من الاحباب والاصحاب وان شاء الرحمن يكون لنا لقاء على الخاص في وقت قريب

مق ارق تحيتي وخالص تقديري واحترامي

رد: شد 128 سمكرة ودوكو وسروجي بالاسعار

اقتباس:

المشاركة الأصلية كتبت بواسطة مكس الاسكندرية (المشاركة 798445)

ان شاء الرحمن يكون لنا لقاء على الخاص في وقت قريب

أكيد يسعدنى وممكن نتقابل فى اسكندريه قريبا . انا بانزل اسكندريه كتير وباكون بين سيدى بشر والعجمى . اتمنى أشوفك قريبا ان شاء الله .

رد: شد 128 سمكرة ودوكو وسروجي بالاسعار

رينا يعينك يا معلم دي وقفت الصنايعيه تشل..لكن من الواضح ان ربنا انعم عليك بنعمتي الرضا و السكينه فبارك الله لك و متنساش الكاوتش و البطاريه. و بعد ما تستلم السياره من الدوكو لا تنس ان لك لمعه اخري للسياره و حاول ان تشتري انت البويه لان الصنايعيه للاسف يموتون كمدا ان لم يقرطسوا الزبون.

رد: شد 128 سمكرة ودوكو وسروجي بالاسعار

التظبيط دا كلو تمام ربنا يوفقك بس سعرها كتير بصراحه اتغلبت فيه كان تمامها 9000 بس مش مشكله اهم حاجه ترتاح للعربيه وكنت عايز استغلك واسالك الكساحات والعتب كلفوك كام وابقى ورينا الصور باذن الله