المشاركة الأصلية كتبت بواسطة boshety (المشاركة 944983)

السلام عليكم اولا وكل سنه وانت طيب بمناسبة المولد النبوي الشريف
بص بقي يا سيدي انا متابع الموضوع من بدايته والصراحه ماشاءالله عليك فاهم بجد في AL4
بص يا هندسة انا مشكلتي بقي محيره شويه بس انشاء الله حلها علي ايدك انا عندي سيتروين c4 2009 اوتوماتيك وزي منتا عارف فتيسها AL4 لسه مشتريها مستعمله من كام شهر العيب الاولاني وده كنت عارفه قبل ما اشتريها ان عند الرجوع للخلف بتبقي استجابة الفتيس بطيئة بمعني انه بيستني شويه قبل ما العربيه تبتدي تتحرك وبتحصل نتشة كده جامده شويه مع بداية الحركة .
تاني حاجه ظهرت معايا دلوقت ان والعربيه لسه بارده يعني لما اكون لسه طالع بيها بيحصل نتشه بين الغيار الاول والتاني والعكس يعني لما ينزل من التاني للاول لكن لما امشي بيها شويه والعربيه تسخن بتبقي تمااام وسمووز اوي اما بالنسبه لموضوع الرجوع لورا ده بيحصل دايما العربيه سخنه او بارده بل بالعكس لما تكون العربيه سخنه النتشه بتبقي اشد.
للعلم العربيه عامله 95000 كم ومفيش اي حاجه ظاهره عندي في التابلوه check or service or stop
هل الحاجات دي عيب في البودي فالف او مجرد تغيير زيت فتيس ولا ايه بالظبط ؟؟
معلش يا باشا صدعتك وشكرا مقدما

المشاركة الأصلية كتبت بواسطة احمد على 1999 (المشاركة 945074)

انا مش خبرة زيى اصحاب الموضوع
بس اذن ليا اقول رايى
يفضل تعرف من صاحبها موقف الصيانات ( كانت فى التوكيل ؟ مواصفة الزيت ؟ هل غير الفلتر ) و تراجع دليل المالك فى المسافة اللى المفروض الفلتر و الزيت يتغيروا عندهم و لو المفروض تغير يبقى افضل حاجة التوكيل و لازم الاتنين الفلتر و الزيت

المشاركة الأصلية كتبت بواسطة boshety (المشاركة 945113)

الف شكر يا احمد باشا وربنا يجبر بخاطرك اخيرا حد رد علي
والراجل اللي كنت شاريها منه ميعرفش عنها اي حاجه