المشاركة الأصلية كتبت بواسطة كيا سيفيا (المشاركة 484789)

اول امس سمعت صوت طقطقه وخبط بسيط فى الناحيه الخلفى شمال للسيفيا حبيبتى . روحت للميكانيكى وكشف عليها واتضح ان المساعد هو اللى بيخبط واقترح على ان نشترى مساعدين خلفى استيراد وبصراحه انا لا اميل اطلاقا لقطع الغيار الاستيراد او المستعمله وقررت ان اشترى مساعدين جديد احسن علما بأن الاستيراد بيكون المساعد كامل بالسوست والبطاحات اما الجديد فبيكون المساعد فقط .
وعرض على التاجر المساعدين نوعين النوع الاول هو كيا الاصلى انتاج الشركه وكان سعر الطقم ( اتنين) 550جم وعرض على نوع تانى انتاج كورى ايضا ونصحنى ان اخذ النوع التانى نظرا لفرق السعر وكان بمبلغ 340جم وبدون فرق اطلاقا فى النوعيه واسمه parts mall وده حسب كلامه فاخذت الارخص طبعا وركبهم الميكانيكى وبصراحه اداء عالى جدا والعربيه اترفعت فعلا من الخلف بشكل واضح . اما بخصوص المصنعيه فكانت 100جم

المشاركة الأصلية كتبت بواسطة sameh_saso (المشاركة 487013)

كل سنة وانت طيب
انا كنت عاوز اعرف المكان بالتفصيل او حتي رقم التليفون علشان انا محتاج اركب جوز مساعدين وراء.
سؤال : هو حضرتك ليه ماركبش الياباني KYB ?

المشاركة الأصلية كتبت بواسطة مجتهد (المشاركة 488774)

السلام عليكم
ممكن تقبلونى عضو جديد معاكم بما اننى لسه شارى سيفيا وسعيد جدا لما وجدت أن فيه حد مهتم بالعربية ونحب نستعين بخبراتكم
مشكلتى فى مفتاح سوتش التكييف الخاص بتغييرالهوابات واضح أنه معلق على الهوايات البعيدة ناحية الزجاج الأمامى ومش عارف أرجعه الى الوضع الطبيعى فهل حد يعرف حد بيفهم فى التكييف ولا أروح لكهربائى ولا التوكيل مش عارف ياريت حد يدلنى

المشاركة الأصلية كتبت بواسطة كيا سيفيا (المشاركة 487256)

استاذ/ سامح ...
بعد التحيه ...
بصراحه تاجر قطع الغيار هو اللى رشح لى النوع الكورى وانا اثق فيه . اما بخصوص المكان فهو فى مدينة نصر الحى العاشر- مساكن صقر قريش بعد سوق السيارات مباشرة محل قطع الغيار اسمه كركـــر والميكانيكى حماده وده رقم تليفونه
0103017717
وتقبل تحياتى