المشاركة الأصلية كتبت بواسطة mottohotto (المشاركة 273817)

السلام عليكم
العربيه دى غاليه لان تجهيزاتها غاليه و الامان و الثبات ملهاش حل
انا عندى خليجى فول اوبشن باخد ملف دوران نزله كوبرى و اللوحه مكتوبه على 40 كم لكن انا بنزل على 80 كيلو متر و عادى جدا اما موضوع الوزن على المحرك فأنا بقدر اجيب 100 كيلو فى حوالى 9 ثوانى و كله بيخضع لنوع الطريق و المنحنيات و استقامه الطريق
من ناحيه العفشه فهى جامده اوى لانى اخدت مطب بعيد عنكم يقسم العربيه نصين لكن الحمد لله و لا الهوا و كان على سرعه 120 و مطب عكسى يعنى التجويف لاسفل تقدر تقول حفره عميقه
معى احترامى للكوريين اليابانى مهما كان له وزنه و افكاره و خبرته
السعر فى دبى 67500 درهم اماراتى يعنى بالمصرى 101250 جنيه مصرى
بالجمارك 160الف تقريبا
يعنى بنفس سعرها فى مصر بس الفرق ان دى مكونات و تجميع و تقفيل يابانى ميه فى الميه و مواصفات خليجى
اما اللى فى مصر الله اعلم
الخدمه فى دبى زى خدمه الخاتم الالماظ لما بتبعته لجواهرجى يعنى مليون الميه
و فى النهايه اى منتج مهما يكن لازمه تسويق و دعايه حتى لو مرسيدس برضه لازم دعايه و تسويق و ده سبب عدم انتشارها فى مصر