رد: مركز فريد شوقي
انا مش هطول عليكو بس و الله انا اتنصب عليا من الراجل دة اخد كنترول العربية القديم و ركبلي واحد تاني و باظ بعد شهرين و طبعا اخد مني مبلغ محترم 4000 جنية و قلي انا اضمنلك الكنترول سنة و المعاملة زي الفل لما العربية فصلت و العيب من الكنترول رحتلو المعاملة زبالة و اسلوب زي الزفت هو و اخوة بيسو و مماطلة و لطعة في الهو و مغيش تقدير اني رحتلو اكتر من مرة و يتهرب و في الاخر قلي سيب العربية لو عايز تغير الكنترول يا تمشي و سيبنة و مشيت و حسبي الله و تعم الوكيل و ناس كتير بردة عمل معاهم كدة ربنا ينتقم منة
نسيت اقول كمان ان العدة اللي في العربية اتسرقت |
رد: مركز فريد شوقي
اقتباس:
|
رد: مركز فريد شوقي
اقتباس:
|
رد: مركز فريد شوقي
اخى العزيز طبعا انا قرأت رسالتك وربنا يجزيك خير انا حبيت اكتب المشاركة دى لعل حد يستفيد منها ( الموضوع بأختصار ان الميكانيكى بتاعى وصف لى ورشة الاستاذ فريد شوقى لان كان عندى عطل غريب شوية فى الكمبيوتر ورحت محل فى الحرفيين منة لله ادانى كنترول غلط . المهم كلمت الاستاذ فريد وحكيت لة على الحكاية والمشكلة قلى بالحرف ( اعتبر المشكلة اتحلت )واخدت العربية ورحت وقد كان . يا جماعة انا هكتب المشكلة بعد كدة بالتفصيل بس حبيت اكتب التجربة علشان لو حد محتار فى حاجة يكلم الرجل دة ويريح نفسة لانة فعلا بيعرف وبيفهم كويس جداااا وفعلا انا بدعى لة ان ربنا يوفقة ويكرمة زى ما ريحينى
|
رد: مركز فريد شوقي
السلام عليكم ورحمة الله وبركاته
اخوكم ماجد السعدني عندي عربية بيجو 206 موديل 2001 بصراحة طول عمرها جميلة معايا وكويسة بقالها معايا 6 سنوات عمرها ما قلت بأصلها من كام يوم واحد صاحبي وللاسف صاحبي قوي خد العربية وبحسن نية قالي العربية كان صوتها عالي قلت اظبط لك التاكيهات ومن ساعتها العربية مبقتش العربية صوت عالي ورعشة في الموتور ودربكة رحت لاكثر من ميكانيكي مشهور تخصص بيجو ورحت التوكيتها ومعرفش يظبطوها طلمبة البنزين قالوا هي السبب غيرتها بعدها لاقيت المشاكل شغالة في الكهرباء والكنترول وكل العدادات في التابلوه مش شغالة بحثت علي النت لاقيت كل الناس بتشكر وبتجمع ان مفيش احسن من المهندس فريد شوقي في مدينة نصر رحت عنده لاقيته زحمة جدا جدا اضطريت اسيب العربية رغم اني لا اعرفه بس حسيت بالثقة كتبت له لستة حاجات عاوزة صيانة وميعادي استلم العربية بكرة ربنا يسهل ويكون شاطر ويرجع لي العربية ذي ما كانت بس للامانة لم اقابله وكلمته فقط في التليفون وانطباعي عنه واحد واثق من نفسه فاهم متعلم سهل تتعامل معاه بكره هاجي احكي لكم ايه الحصل ودفعت كام ؟ |
الساعة الآن 08:06 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017