المشاركة الأصلية كتبت بواسطة smasherone (المشاركة 205581) هنا ممكن نقول ان المقارنه حيكون فيها نوع من النديه صح ... أنا فعلاً أحترت لو معاى 120000 ج مثلاً أركب ألنترا ولا سيراتو ولا كروز ؟ انا عن نفسي نفسي في سياره شكل الكروز و تعليقها و سعر الهيونداي و محرك و كماليات السيراتو اظن حتكون متفوقه على الكثيرين بعد أذنك يا أحمد ... حدد عربية واحدة تُقدم أنت على شرائها

صدقاً وحقاً
مقارنة هايلة وهادئة ومتميزة وبعيدة عن الميل الشخصى منك
أعطيت كل سيارة حقها فى المميزات والعيوب
بجد .. بجد ... بجد
تسلم أيدك

وكان عندى سؤال أخير
يشاع كثيراً فكرة أن الچنط الـ 17 فى السيراتو
غير عملى بالمره وغير مريح فى القيادة
ويُشعرك بالمطبات جداً وبنشوفية العفشة ودبدبة المساعدين
فهل هذا الكلام صحيح ؟ أم ان العيب فى شوارعنا ؟

المشاركة الأصلية كتبت بواسطة zego (المشاركة 205613) ايه رايك في اللانسر الشارك الشكل الجديد مميزاتها وعيوبها وكيا كارينز مميزات وعيوب طبعا انا شايل من دماغي فكرة العائلية والسيدان ومش مهم مقارنة بينهم انا عايز بس اللميزات والعيوب

المشاركة الأصلية كتبت بواسطة Alioz (المشاركة 205933) لو ممكن رأيك يا استاذ احمد ..... شوف حضرتك الموضوع دا : http://www.masrmotors.com/vb/showthread.php?t=29072

أنا مش هطول عليك

حديك المفيد بدون لف و دوران كتير

التيدا سياره هايله بكل المقايس بس اعاده البيع زي ما ناس كتير قالو

بالنسبه للانسر مع اختلاف الاراء لا يختلف احد على ان الانسر سياره اثبتت نفسها

لكن 1- السياره ليست بجوده التويوتا و عفشتها طبيعيه يعني مش سوبر عفشه موتور الانسر حاليا يعتبر من الحركات العاديه ليس جبارا و مشكلتي ليست في الشكل و لكن في التكنولوجيا
و بعدين كفانا من مبدأ هذا ما وجدنا عليه ابائنا السوق تغير و الخاريطه العالميه تتغير و الكوري ليس لانوس و فرنا الان مع العلم والدي يملك السيارتان لانسر 2008 1600 سي سي فول اوبشن اوتوماتيك
و السيراتو اللى حقلك في كلمه واحده سياره تكنولوجيا احدث و واخده مراكز على مستوى العالم اعاده سعر بيع هايله لانها مطلوبه و قطع غيار اصبحت موجوده و اسأل و سيبك من كل هذا الهراء و خير دليل التجربه اسرتنا تمتلك سيراتو اس اكس جنوط 17 و يمكن ده سبب ان البعض بيقولوا عليها عفشتها ناشفه ولكنها مش بتبوظ بسرعه على الاطلاق و سعرها 116 الف فقط و انصحك ايضا بالالنترا الهاي لاين فتحه سقف 119 الف جنيه كل الامكانيات +سياره ممتازه و فيها الكلام اللى اتقالك على الانسر من اعاده بيعها و توفر قطع الغيار صاخبي معاه هاي لاين و عمل بيها حدثه طلع فوق حجر وقع من لوري و غير الجير بوكس كله بره التوكيل و السياره فعلا سليمه و اداءها كويس مما يدل على ان برده الناس حفظته دي نتيجه من غير مقارنات فنيه معقده لانك اتهريت اراء و لكن نصيحتي جرب و سوق